Улаанбаатарын цагаар 7-р сарын 8-ны өдөр 02:30 цагаас Durban хотын Durban цэнгэлдэхэд шөвгийн 4 багийн 2 дахь тоглолт амжилттай явагдан Испаний шигшээ багийн ялалтаар өндөрлөв. Тус тоглолтыг үзэхээр Durban цэнгэлдэхэд 60960 хүн цугласан байна.
Тоглолтын 73 дахь минутад Испаний шигшээ багийн хамгаалагч Carlos Puyol-ийн оруулсан ганц гоолын ачаар Испаничууд Германы шигшээ багийг 1:0 харьцаатай буулгаж авснаар Испаничууд түүхэндээ анх удаа финалд шалгарч байна.
Испаний шигшээ баг тоглолтын эхнээс л санаачлагыг гартаа аван тоглож байсан. Испаний шигшээ багийн бүрэлдхүүн энэ удаагийн дэлхийн аваргын хамгийн шилдэг баг хэмээн тооцогдож байсан ч тэд ДАШТ-ий гараагаа амжилт муутайхан эхлэн, тэмцээний дунд үед тэдний тоглолт нь жигдэрч өгөөгүй л байсан. Харин шөвгийн 4-т тэд Англи, Аргентиний шигшээ багуудыг бут ниргэн хожсон Германы шигшээ багт ямар ч боломж өгөлгүй байсаар ялалт байгуулж чадлаа.
Энэ тоглолтонд Испаничууд гайхалтай тоглолтыг үзүүлж чадсан. Тэд довтолгоонд ч, дунд хэсэгт ч, хамгаалалтанд ч маш сайн тоглосон. Ялангуяа хагас хамгаалалтын бүсэд Испаний шигшээ багийн цэвэрлэгч нар энэ удаагийн дэлхийн аваргын хамгийн шилдэг довтолгооны бүс хэмээн нэрлэгдээд байсан Германы шигшээ багийн довтолгоог аюулгүй болгож байсан.
Ийнхүү Англи, Аргентиний шигшээ багуудын зогсоож чадаагүй Герман машинууд Испаничуудын өмнө ирээд зогсох тавилантай байж.
Тоглолтын баатраар Испаний шигшээ багийн Pedro шалгарсан бөгөөд Барселон багийн довтлогч тэрээр Испаний багийн баруун жигүүрт довтолгоог удирдан зохион байгуулж Германы багийн хамгаалагчдыг тоглолтын туршид завгүй байлгасан.
Ийнхүү 2006 оны хүрэл медальтай Германы шигшээ баг дахин хүрлийн төлөө, харин Испаничууд цомын төлөө...
www.soccer.mn ees
