Манай нөхөр гэж бас нэг учир нь олдохгүй залуу байна аа. Бид 2 гэрлээд 10 жил болж байна, хүүтэй. Би одоо гадаадад байгаа юм, мань хүн монголд нэг нөхөртэй өөрөөсөө 6 эгч хүүхэнтэй явдаг юм байна. Мэдээж би мэдснээс хойш сэтгэл шаналж дуусна шүү дээ, сална гээд шийдлээ, 1 сар нөхөртэйгөө харьцангүй ээ. Өдөр бүр утастаад л байдаг байлаа. Би гэдэг хүн шаналсаар яваад ходоод өвдөөд эмчид үзүүлсэн ходоодны шарх гэнэ ээ, тэгсэн ходоодны шархны гол шалтгаан сэтгэлийн шаналгаа байдаг гэнэ ээ. За тэгээд өдөр бүр утасдах нөхөртэйгөө өвдөөд үхэх гэж байхдаа утсаа аваад ярьчлаа, чамдаа хайртай, салахгүй эр хүнд ийм юм байх шүү дээ, уучил энэ тэр гээд л. Амралтаараа хүрээд ир гээд билет аваад явуулчлаа. Бодож бодож хүүгээ санасан хүн очлоо, нөхөр маань ч сүйд. Эмэгтэй хүн яахав дорхноо л уярна шүү дээ. Монголд 14 хоноод энд ирээд сар болоогүй байна, гэтэл нөхөртэйгээ утсаар ярьж байтал хажууд нь хүүхэн шивнэх сонсогдлоо.Хэлэх үгийг нь зааж өгч байна. Манай хүн гэртээ байна гээд ярьсан юм. Би одоо яах вэ, уг нь би одоо удахгүй 2 сар хүрэхгүй буцах юм. Урьдныхаа тэр нөхөртэй хөгшин хүүхэнтэй яваад байгаа юм байна. Энд ирэхээс өмнө монголд бас хүүхэнтэй яваад баригдсан юм. Тэр үед би үнэхээр яаж ч чадаагүй, хэсэг салаад тэсч чадалгүй эргээд нийлцэн юм.

Одоо бол би салж чадна, гэхдээ зөв үү буруу юу. Бодоод байхад эрчүүд бүгд банзал юм. Би бол хэн ч харахад аятайхан хүүхэн, өөрөө ч тэрэндээ итгэлтэй байдаг, намайг ч эрчүүд зөндөө эргүүлж байна, гэхдээ би нөхрөөсөө өөр хүн үзээгүй, одоо бол монголд очоод явалдана гэж бодож байгаа. Энд гадаадууд эргүүлэх л юм, даанч нэг л биш санагддаг.

Одоо энэ нөхрийг яах вэ, эрчүүд бүгд банзал уу, салах уу?

Өөртөө нь ярихаар хайртай, салахгүй гээд л найрч гарна шүү дээ. Яадгийн байгаа юм, эрчүүдийн ухамсар ийм дорой яана даа, та нар минь. Зөвлөгөө хэлээч…