Moderator: mgl_300
УРГИЙН ӨДРИЙН ТЭМДЭГЛЭЛ
3 дахь өдөр
Амьдрал маань эхэлчихсэн гэдгийг би мэдлээ. Гэхдээ эцэг эх хоёр маань одоохондоо юу ч мэдэхгүй байгаа байх даа. Учир нь би алимны үрээс ч жижигхэн.
14 дэх өдөр
Намайг тээж яваа гэдгээ тэр мэдээгүй л яваа байх даа. Би яг түүний зүрхний доор байна.
18 дахь өдөр
Өнөөдөр зүрх минь цохилж эхэлсэн. Үүнээс хойш амьдралын минь туршид чимээгүйхэн цохилох болно. Дараа нь магадгүй олон жилийн дараа ядраад зогсох байх, гэвч одоо бүх юм эхэлж байна.
19 дэх өдөр
Ам маань дөнгөж бий болж байна. Ярьж чаддаг болохоороо танд юунд дуртай болохоо ярих болно. Хэрэв та их ярьдаг хүүхдэд дургүй бол би заримдаа чимээгүй байсан ч болно.
20 дахь өдөр
Тархи маань боловсорч эхэллээ. Одоогоор хараахан бүрдэж дуусаагүй л байна
22 дахь өдөр
Нүднүүд маань бий боллоо. Би таныг харахыг, өөрийгөө харахыг ямар их хүсч байгааг мэддэг ч болоосой.
24 дэх өдөр
Хоёр чих маань бий болж байна. Гэхдээ түүгээрээ одоогоор юм сонсож байгаа эсэхээ мэдэхгүй байгаа.
27 дахь өдөр
Миний дотор эрхтэнүүд бий болчихсон байна ш дээ. /энэ үед нугас мэдрэлийн сэрлүүд, бөөр, элэг, цусны эргэлт бий болдог/
Тархи маань ажиллаж байх шиг байна. Жаахан эмх замбараагүй ч гэсэн би бодож байна гээч. Гайхалтай.
31 дэх өдөр
Хөл гар минь хэлбэржиж эхэлсэн. Гэвч хөл маань ээж рүү гүйх, гар маань аавыг тэврэх хүртэл нилээн хугацаа шаардагдах байх.
35 дахь өдөр
Би гараа хөдөлгөж үзлээ. Хөдөлж байгааг нь мэдэж байгаа ч юу хийх ёстойгоо сайн мэдэхгүй л байна.
43 дахь өдөр
Би зарим зүйлийг ойлгож эхэлсэн. Гэхдээ олон юмсын учрыг олохгүй л байна.
/Энэ үед ургийн тархины давтамжийг гаргаж болно/
44 дэх өдөр
Хаа сайгүй л шинэ зүйл мэдрэгдэх боллоо. Заримдаа юу болоод байгааг ч ойлгохгүй юм аа. /Сүүн шүдний бүрдэл энэ үеэс эхэлдэг/
45 дахь өдөр
Гэдсэн дотор маань юу болоод байгаа юм бол. / дотоод эрхтэнүүд байр байрандаа байрласан байдалтай байна, гэдэс хүчил ялгаруулж, элэг цусны улаан бөөмсийг үйлдвэрлэдэг/
46 дахь өдөр
Одоо нарийхан хуруунууд маань бий болж байна. Амьтан илнэ, бөмбөг шиднэ, түүгээр ч барахгүй хийл дарна, үзэг барьж зураг зурах болно.
48 дахь өдөр
Бяцхан булчингуудаа хөдөлгөх аргаа одоо л олж байна. Уг нь амархан л юм байна шүү.
49 дэх өдөр
Би гарынхаа алган дахь зүйлийг хуруугаараа мэдэрч байна. Хэрэв бяцхан хөлийн уланд минь хүрвэл хөлөө татан өвдгөө нугалах болно. Хөлөнд минь чанга хүрэх гээд байвал зугтахыг оролдож сурсан.
50 дахь өдөр
Араг яс минь бүрэн бүрдсэн бололтой. Гэхдээ тийм ч хатуу биш мөгөөрсөн байдалтай л байна.
52 дахь өдөр
Би өвдөлтийг мэдэрсэн. Энэ их муухай юм аа. Тэгэхээр та намайг аль болох өвтгөхгүй байхыг хичээгээрэй.
55 дахь өдөр
Гарын алганы хээ маань тодорч байна.
56 дахь өдөр
Би өдөр бүр л шинэ зүйлийг сурж байгаа. Сониуч юм болохоор одоо энэ бяцхан ертөнцтэйгээ танилцахаар нааш цааш хөдөлж байна. Гар минь сайн хөдөлж байгаа шүү. Хэзээ нэгэн цагт энэ гараараа би олон зүйлийг хийх байх даа.
60 дахь өдөр
Миний нугасны рефлекс бий болчихсон. Намайг илэхийг, хүрэхийг би мэдэрч чаддаг боллоо.
64 дэх өдөр
Нүүр маань бараг хэлбэрээ олчихсон. Удахгүй нүд маань нарыг, цэцгийг, далайг, уулыг харах болно.
70 дахь өдөр
Би өөрийгөө эрэгтэй юм болов уу, эмэгтэй юм болов уу гэж боддог байлаа. Гэхдээ өнөөдрөөс эхлээд би аль нь гэдгээ мэддэг боллоо.
71 дэх өдөр
Ээжээ, би таны зүрхний цохилтыг сонсож байна.
72 дахь өдөр
Би ч хурдан том болж байх шиг байна. / энэ үеээс triod ба adrenal –ын булчирхайнууд ажиллаж эхэлдэг/
77 дахь өдөр
Би шингэн зүйл залгиад байна аа даа. Амаа хамаагүй ангайж байгаад зөндөө юм балгачихлаа. /ургийн энэ үед залгиж буй шингэнийг амниотик гэдэг/
80 дахь өдөр
Та намайг юу хийж байгааг мэдэхгүй болохоор загнаж чадахгүй л дээ. Би хуруугаа хөхөж байна.
85 дахь өдөр
Би инээмсэглэж байна. Бас нүүрээ үрчигнүүлж үзсэн.
95 дахь өдөр
Би улам ухаантай болоод байх шиг байна даа. Өдөр ирэх бүр л бодох зүйл ихсээд байх шиг /Тархины хальс энэ үед 30-40 хувь бүрдэж дуусдаг байна/
108 дахь өдөр
Таныг халууцахад би халууцаж, даарахад адилхан даарах болсон. Иймд та намайг байгаа гэдгийг санаж гайгүй сайн хувцаслаарай.
/Энэ үед ургийн эрхтэнүүд өвдөлт, халуун, хүйтэн химийн бодисонд хариу үйлдэл үзүүлэхийн хамт гэрэл, цэгэн даралтад хариу үйлдэл үзүүлж эхэлдэг/
111 дахь өдөр
Үс минь ургаж байна. Аавынхаа, эсвэл ээжийнхээ үсний өнгийг дуурайсан даа.
115 дахь өдөр
Сормуус, хөмсөг тодорч байна гээч. Ургахгүй нь л гэж айлаа шүү.
118 дахь өдөр
Дуу чимээнээр би сэрчихдэг болсон.
120 дахь өдөр
Би тийрч чадна. Таныг муухай газар очиход, муу хүмүүстэй уулзвал би тийрдэг. Гэхдээ хаяа зүгээр л сахилгагүйтмээр санагдахаараа тийрчихдэг шүү.
121 дэх өдөр
Би зарим зүйлийг сайн ялгадаг болсон болохоор одооноос намайг бяцхан гэж битгий бодоорой. / Энэ үеэс эхлэн харах болон сонсох, үнэрлэх амтлах, хүрэлцэх, хор хүргэх өдөөлтийг ялгах чадвартай болсон байна./
154 дэх хоног
Би таны хоолойг дуурайн дуугарахыг оролдож байна. Гэхдээ сайн болохгүй л байна даа. /энэ үед ураг эхийнхээ дууны хэлбэрээр уйлах үйлдэл үзүүлдэг/
Эх сурвалж : http://enkhmandakh.wordpress.com