Өмнөд Солонгосын шигшээ багийн хагас хамгаалагч Park Ji Sung ‘Спорт-Экспресс’ сонинд ярилцлага өгөхдөө тэдний баг 1/8 шигшээ тоглолтонд яагаад хожигдсон тухай болон тус тэмцээний талаархи сэтгэгдлээ хуваалцлаа.

- Таны бодлоор ¼ шигшээд үлдэх боломжийг яагаад алдсан бэ?

- Хамгийн гол нь Уругвайчууд маш хурдан гоол хийсэн. Тоглолт ч бидний хувьд амар байгаагүй. Өрсөлдөгч маань сайн баг байсан. Гэхдээ бид муу тоглосон гэж хэлэхгүй ээ. Бид хүчний бэлтгэл сайн хийцгээсэн. Энэ нь ч бидний давуу тал байсан бөгөөд үүндээ тааруулж тактикаа боловсруулсан. Тоглолтын 2-р хагаст бид давуу байсан. Иймдээ ч тоглолтыг удирдаж тоог тэнцүүлж чадсан. Бид дахин гоол хийхийн төлөө тоглож эхэлсэн. Гэсэн хэдий ч Уругвайчуудад аз тохиосон.

- Магадгүй Luis Suarez-ийг сайн хамгаалан барьж, чөлөөтэй тоглохыг нь хорих ёстой байсан юм болов уу?

- Эхний гоол бидний өөрсдийн алдаанаас болсон. Үүнд ямар ч маргаан байхгүй. Харин Уругвайн 2 дахь гоолын хувьд Suarez гайхамшигтай цохиж гоол оруулсан.

- Талбайн зүлэг муу байсан нь танай тоглолтонд нөлөөлсөн үү?

- Эхний хагаст л хэцүү байсан. Дараа нь бороо орсны дараа арай гайгүй болсон.

- Танай багийн гишүүд Европын клубүүдэд тоглож байгаа нь танай багт нөлөөлж байна уу?

- Тэгэлгүй яахав. Болдогсон бол Азийн олон тоглогчид Европд тоглох боломжтой байгаасай. Үүнээс шалтгаалан манай тивийн шигшээ багийнхны тоглолт эрс сайжрах болно.

- ДАШТ-д таны бодлоор ямар баг сайхан тоглолт үзүүлж байна вэ?

- Аргентин. Энэ баг л аваргын титмийг авах боломжтой байна