2 багийн хувьд энэ тоглолт маш чухал тоглолт байсан. Хожсон нь шилдэг 16-д шалгарах болоод байсан. Дани-Японы шигшээ багуудын тулаанд Ази тивийн төлөөлөл 3-1 харьцаатайгаар ялалт байгуулснаар шилдэг 16-д орох эрхээ авлаа.
Тоглолтын 17 дахь минутад Оросын CSKA багийн хагас хамгаалагч Honda 28 орчим метрийн зайнаас цохисон цохилтыг Данийн хаалгач Thomas Sorensen хааж чадалгүй тоглолтын анхны гоол орсон.
Тоглолтын 30 дахь минутад Японы багийн хагас хамгаалагч Endo-гийн чөлөөт цохилт амжилттай болон 2 дахь гоолыг оруулсан. Ийнхүү тоглолтын эхний үе 2:0 харьцаатай өндөрлөв.
Тоглолтын 2-р хагас эхлэхэд Данийн шигшээ багийн тоглолт нь эрс нэмэгдэн довтолгоонд түлхүү анхааран тоглож байсан. Тоглолтын цаг дуусахаас 9 минутын Данийн шигшээ баг торгуулийн цохилт хийх боломжтой болсон. Багийн хашир туршлагатай довтлогч Jon Dahl Tomasson торгуулийн цохилтыг цохиод алдсан ч ойсон бөмбөгийг нэмж цохин гоол орууллаа. Энэ гоол нь тоглолтын төгсгөл биш байлаа. Тоглолтын 87 дахь минутад Shinji Okazaki дахин гоол оруулснаар Япончууд Данийн шигшээг илт давуу байдалтай 3:1 харьцаатайгаар буулгаж авлаа.
Ингэснээр тэд группээс Голландын багийн араас 2-р байраар шалгарч байгаа бөгөөд шөвгийн 16-д Парагвайн шигшээ багтай тоглох болно. Харин Данийн шигшээ багийн хувьд дэлхийн аваргад үлдэх боломж байсан ч түүнийгээ ашиглаж чадсангүй.
www.soccer.mn ees
