6-р сарын 17-ны өдөр “В” группын 2-р тойргийн эхний тоглолт болох Аргентин болон Өмнөд Солонгосын шигшээ багуудын тоглолт Монголын цагаар 19:30-д Johannesburg хотын Soccer City цэнгэлдэхэд амжилттай болж Аргентиний шигшээ багийн илт давамгайллаар өндөрлөлөө.

Тоглолт эхлээд хоёр баг хоёулаа хурдан темптэй тоглолтыг үзүүлж ээлжлэн довтолгоог зохион байгууллаж, өрсөлдөөнтэй тоглолтыг өрнүүлж байлаа . Тоглолтын 17 дахь минутанд Аргентиний шигшээ баг чөлөөт цохилтыг гүйцэтгэсэн ба Өмнөд Солонгосын шигшээ багийн довтлогч Park Chuyoung байрлалаа буруу эзэлсний улмаас хөлөнд нь ойж өөрийн хаалганд бөмбөг орсон. Ингэснээр тоглолтын эхний гоол орж Аргентины шигшээ баг хошуучилж эхэлсэн.

Тоглолтын 32 дахь минутанд Аргентиний 9 дугаартай довтлогч Higuain толгойгоороо гоол оруулж, өөрийн ДАШТ-ний анхны , тоглолтын 2 дахь гоолыг орууллаа. Эхний үеийн нэмэлт цаг дээр Өмнөд Солонгосын шигшээ багийн хагас хамгаалагч Chungyoung Аргентиний шигшээ багийн хамгаалагчийн алдааг чадварлаг ашиглан гоол оруулж, тооны харьцааг ойртуулсан.

Тоглолтын 2 дугаар үед аль аль нь эхний үед гаргаж байсан шигээ хурдан довтолгоог үзүүлж байсан. Тэр дундаа Арентиний шигшээ баг хоёр дугаар үеийн дунд үе хүртэл хэд хэдэн аюултай довтлогоо хийсэн ч гоол оруулж чадахгүй л байлаа. Солонгосын шигшээ баг Арентиний довтолгоог таслан хурдан сөрөг довтолгоонд шилжиж гоол оруулах хэд хэдэн аюултай боломжуудыг өөрсдийн болгож байсан ч хараахан гоол оруулж чадсангүй. Аргентиний шигшээ багийн ихэнх довтолгоо нь баруун жигүүрээр идэвхитэй явагдаж байсан ба довтлогч Tevez хаалга руу хэд хэдэн аюултай довтолгоог гүйцэтгэсэн. Ийнхүү Аргентиний шигшээ багийн ширүүн довтолгоо үр дүнгээ өгч тоглолтын 76 болон 80 дахь минутанд өмнөх тоглолтонд ихээхэн шүүмжлэлд өртөөд байсан довтлогч Higuain дарааллан хоёр гоолыг оруулан уг тоглолтонд кеттрик хийж шүүмжлэгчдийн амыг тагласан. Ингэснээр тооны харьцаа 4-1 болж Аргентинчүүдийн ялалтаар өндөрлөх нь тодорхой болж ирсэн.

Үүнээс хойш дахин гоол оролгүй байсаар Аргентиний шигшээ багийн ялалтаар өндөрлөлөө.