2.    Байршил, байршил, байршил
Та супермаркетын талаар ямар ойлголттой байдаг вэ? Зүгээр л хэдэн бараануудаа өрчихдөг гэж үү? Үгүй. Тэд таныг яаж хуурах, яаж толгойг чинь эргүүлэхээ сайн мэднэ. Та жишээ нь сүү, талх, өндөг гэсэн 3 хан төрлийн хүнс авахаар орсон ч та тэднийг дэлгүүрийн 3 өөр талд, 3 өөр өнцөгөөс л олно. Яагаад гээч? Тэд таныг нэгээс нөгөөрүү явахдаа өөр зүйлс авахыг ятгаж байгаа хэрэг.

Тавиур дээр байгаа зүйлсийг хар. Хамгийн үнэтэйнүүд нь хамгийн урд хэсэгт, нүдэнд харагдах газар байгаа. Харин хамгийн хямд нь тавиурын хамгийн доод хэсэгт л байгаа.
Түүнчлэн хүүхдүүдийн нүдийг татахын тулд тоглоомнуудыг мөн нүдэнд харагдах ил газар тавьдаг гэнэ.

3.    Касс
Кассандээр хүлээж байхдаа хүмүүс юу хийхээ мэдэдгүй. Харин энэ хугацааг ашиглаад танаар худалдан авалт хийлгүүлэхийг хүснэ. Кассны хажууд өрсөн бараанууд таны нүдийг яах аргагүй татдаг биз? “Зүгээр зогсохоор нэг бохь авдаг ч юм билүү “

4.    Хямдрал. Гэхдээ үгүй ч байж магадгүй
Хямдрал хүн бүрийн нүдэнд тод тусдаг. Хүн бүр хямдралд дуртай. Гэтэл үнэндээ хямдрал зарласан зүйлсийн үнэ яг хэвээрээ байх нь олонтаа. Тэд зүгээр л таныг идэвхжүүлэх гэж оролдож байгаа хэрэг. Та сайн анзаарвал супермаркетад хямдарсан зүйлс яг үнэндээ хямдраагүй байдаг юм шүү.

Бас нэг анхаарах зүйл бол тэд хүмүүсийг аль болох хурдан хугацаанд авахуулахын тулд хугацаа заадаг. “Зөвхөн Даваа гаригт хямдралтай. Та яараарай” гэх мэт.

Тэгэхээр тэдний арга зальд өртөхгүй байх нэг арга бол ердөө авах зүйлсийнхээ жагсаалтыг гаргах. Тэгээд зөвхөн жагсаалтанд орсон зүйлсээ л худалдан ав.