Над шиг ийм асуудалтай тулгараад яаж шийдээд ямар амьдарч байгаа талаараа бичвэл маш их баярлана. Би нөхрөөсөө салах үгүйгээ шийдэх гэсэн юм. Би 31 настай, нөхөр 38 настай, нөхрийнхөө 2 дохь эхнэр, бид хоёрын дундаас гарсан 2 охинтой, том нь 3 нас, бага нь 8 сартай. Би одоо ажлынхаа шугамаар гадаадад ажиллаж амьдарч байна.

Манай нөхрийн хамгийн том дутагдал бол хүнтэй харьцаж чаддаггүй, огцом ууртай, дээр нь бас хартай. Ялих шалихгүй зүйлээр л шалтаг хийгээд хэрүүл үүсгэж, сүүлдээ хэд хэдэн удаа надад гар хүрээд сүүлийн удаа намайг сална гэхээр ингээд салаарай, тэгвэл ингээд салья гээд хоолой боогоод заазуур тулгаад үнэхээр аймаар юм болсон. Би түүнээс хойш 2 охиноо аваад Монгол явах боломжийг хүлээж байгаад Монгол яваад салах өргөдлөө шүүхэд өгөөд ирсэн ба шүүх хурал хэд хоногийн дараа болно.

Нөхөр,  дээрийн үйлдлээ намайг айлгахын тулд тэгсэн, салмааргүй байна, салахгүй гэж байгаа. Би нэг болохоор 2 охиноо өнчрүүлмээргүй байдаг, нэг болохоор ийм аавтай байгаад ч яахийн хүүхдийн хүмүүжилд муу, тэгээд ч амьд дээрээ салья гэж бодоод, засарчихын бол уу гэж бас бодоод яаж шийдэхээ мэддэггүй ээ.

Нөхөр засрахын тулд сэтгэлзүйч дээр сургалтад явж байгаа. Гэхдээ өмнөх эхнэрээ бас л зодоод салсан гэсэн, тэр үедээ бас л засарна гэсэн байж таараа, хариу нь засраагүй л байна. Сэтгэлзүйн сургалтад яваад засардаг юм болов уу??? Яасан нь дээр вэ?