Одоогоос 5-н жилийн өмнө би энгийн нэгэн, урьд нь хүнтэй гэрлэж байгаагүй, тухайн үед 38-тай байсан эмэгтэйтэй гэмгүй танилцаж улмаар гэр бүл болцгоосон.Энэ миний хувьд 2-дахь гэрлэлт л дээ.Урдахи эхнэр маань намайг мэхлэсэн хөнгөмсөг нэгэн байсан болохоор би өөрийн хүүгээ аваад түүнээс салсан.Одоо хүү маань 15 настай надтай хамт байдаг. Бид 2-н дундаас нэгэн охин мэндэлсэн нь одоо эхтэйгээ байгаа. Би охиндоо хайртай. Бид хоёрын хувьд маргалдаад зөрчилдөөд байдаг зүйл үгүй. Хамгийн гол нь тэр миний хүүг илтээр ад шоо үзэж юм л бол миний хүүд бурууг тохож,сүүлдээ бүр ажилгүй,худалч,залхуу гэх мэтээр зүсэн зүйлээр хэлдэг. Би хүүгээ өмөөрөөд л хэрүүл үүсдэг.Миний хүү уг нь дуугүй, юу ч ярьдаггүй,мөрөөрөө л байдаг. Ер нь жаахан зөрүүд, хэнэггүй байж болох талтай. Тэрнээс биш тэнэж алга болох зэргээр намайг одоохондоо зовоогоогүй л байна. Эхнэр маань одоо Дарханд охинтой минь цуг байгаа, тэнд өвөлжсөн юм. Саяхан эхнэр бид 2 удахгүй болох хүүхдийн баяраар юу авах тухай ярьж байгаад эхнэр маань охиндоо болон өөртэй хувцас авах тухай ярьсан.

Хариуд нь цалин буухаар мөнгө явуулъя гээд энд би хүүгээ бас баярлуулах ёстой гэж хэлсэн. Тэгж хэлэнгүүт шууд л\ Чи миний охинийг 15, 16 хүрсэн хар юмтай жишлээ, Бид 2-г боддоггүй наадхыгаа л боддог\ гэх зэргээр аашилж гарсан. Энэ тухай би хүүдээ хэлэхгүй л дээ. Хариуд нь би\ Энэ хоёр хоёулаа л миний хүүхэд, Чи миний хүүд эхийн хайрыг амсуулж, төрсөн эхийг нь орлож, өөрийн охин шигээ л бодож явахад хангалттай. Тэр чинь насан арай хүрээгүй бас л жаахан амьтан шүү дээ\ гэж хэлсэн. Хариуд нь тэр\Чи дандаа л хүүхдээ өмөөрдөг, бид хоёрыг боддоггүй \ гэж дайрч давшилсан. Одоо би яахаа мэдэхгүй болоод л сууж байна. Энэ бүхний эцэст би хүүдээ хойт эхийн царай харуулж байхаар ганцаараа хүүтэйгээ л байдаг байж дээ гэж боддог. Яах вэ? яаж шийдвэл дээр вэ?