Дэлхийн нэрт гоо сайхан судлаачдын нэг болох Эсте Лаудер/АНУ/ нь үнэртэй усыг” үл үзэгдэгч” гоо сайхны бүтээгдэхүүн гэж нэрлэсэн нь тун оножээ. Бусад бүх гоо сайхны бүтээгдэхүүний адил үнэртэй усыг яаж зөв ашиглах тухай анхаарвал зохих хэдэн зөвлөгөө танд санал болгоё.

Нэг: Хэзээ ч хиртэй биенд үнэртэй ус түрхэж болохгүйг анхаар. Зөвхөн халуун ус,шүршүүрт орсны дараа үнэртэй усыг түрхэнэ. Арьс нь үнэртэй усыг шингээж аваад нарны гэрлийн цацраг шиг буцааж ойлгодог байна.

Хоёр: Үнэртэй уснаас 2-3дуслыг авч венийн судасны судлын дагуу биеийн

үргэлжийн халуун байдаг хэсгүүдэд түрхэнэ.Биеийн энэ хэсгүүд нь үнэртэй

усыг солилцоонд оруулалгүйгээр ханхлуулж чаддаг байна.

Үүнд:сарвуу,бугалганы нугалам,цээж ,эгэмний хонхорхой мөн хүзүү

чамирхайны артерийн судасны судал зэрэг болно. Чихний арын хонхорхой болон үсний угт үнэртэй усны үнэр маш удаан хадгалагдан үлддэг.Таны үнэртэй усанд шүршигч байхгүй бол та усаа шилээр нь хөнтрөн юүлж хэрхэвч болохгүй.Харин хуруу болон таглаан дээрээ 2-3 дуслыг аваад хурууны үзүүрээр хөнгөн тогшиж түрхэнэ. Үнэртэй усыг биед арчих маягаар үрж түрхэж яавч болохгүй.Учир нь үнэртэй усны үнэр болон мөн чанар алдагдана.

Гурав: Хэрэв хувцсандаа үнэртэй ус шингээх гэж байгаа бол доорх зүйлийг

анхаарна уу. Хөвөн даавуу,ноос,тааран материал нь үнэртэй усыг шингээх нь сайн байдаг. Ноосон,хөвөн даавуу,тааран хувцаснууд нь үнэрийг битүү саванд хадгалсан юм шиг он жилүүдээр шингээн үлдээх гайхамшигтай чанартай. Гэхдээ үнэртэй ус нь цагаан хувцсан дээр толбо тогтоох,үслэг эдлэлийн өнгийг нь алдуулах явдал байдаг юм. Иймд хувцасны дотор талаас доторлогоо,оёдлын нугалаа,мөр зэрэгт нь үнэртэй усыг шүршиж өгөх нь зүйтэй.  Үнэтэй даавуун цамц, платьныхаа мөрний оёдолд хэрчим хөвөн даавуу бэхлээд түүндээ дуртай үнэртэй усаа цацан санаа амар өлгөн хадгалж болох нь ээ.

Дөрөв: Үнэр нь удаан хадгалагддаг үнэртэй ус өнөөдөр мода байхаа больжээ. Өдрийн туршид та өөрт таалагдсан хэдэн ч үнэртэй усыг ээлжлэн түрхэн гангарч болох нээ,Өглөө болон өдөр түрхдэг үнэртэй ус нь нэг их хурц биш хөнгөхөн зөөлөн үнэртэй байх нь илүү зохимжтой. Харин орой бол усанд орсны дараа өглөө өдрийн усыг бодвол илүү анхилуун нууцлаг үнэртэй усыг таалаарай. Иймээс сүүлийн үеийн үнэртэй ус үйлдвэрлэгчид усны үнэртэх чадварыг.4-6 цаг байхаар тооцоолдог юм. Орой үдшийн болон ёслолын үнэртэй ус нь өдрийн үнэртэй усыг бодвол хадгалагдах чадвар нь илүү удаан байдаг. Үнэртэй усыг дотор нь үнэрээ хэр удаан хадгалах байдлаас нь хамаарч хэд хэд ангилдаг юм.

Тав: Үнэртэй усыг таглаатай саванд хийн гэрэл тусахгүй газар хадгална. Ийм нөхцөлд үнэртэй усны спиртийн ууршилт болон үнэртэй усны хүчилтөрөгчтэй исэлдэх нь явц нь удаан байна.

Зургаа: Өөр өөр бүлгийн уснуудыг хооронд нь холихгүй байхыг зөвлөж байна. Жишээлбэл: таны үнэртэй ус болон шүршигч нэг фирмийн нэг цуврал

байх. Хэрэв өөр өөр байвал шүршигч тань маш сул үнэртэй эсвэл бүр

үнэргүй байх жишээтэй. Хамгийн сүүлд хэлэхэд бүх юмс хэмжээндээ байвал сайхан байдгийг санаж явах нь зүйтэй болов уу. Таны ихдүүлж түрхсэн маш үнэтэй ховор үнэртэй ус чинь эргэн тойрны хүмүүст эвгүй сэтгэгдэл төрүүлэхийг үгүйсгэхийн аргагүй билээ.