| Хүндэтгэл итгэл, бие биенээ ойлгох ойлголцол гэдэг гэр бүл бат бөх байхын илрэл. Тиймдээ ч эцэг эхчүүд үр хүүхдээ хань ижилтэй болоход нь эв найрамдалтай яваарай хэмээн захидаг. Гэр бүл болж хамтын амьдрал зохионо гэдэг бие биетэйгээ эелдэг дотно харьцаж, ямарваа асуудал тулгарахад зөв шийдвэр гаргахыг хэлнэ хэмээн сэтгэл зүйчид үздэг. Та дараах сонжоогоор ханиа хэр нээлттэй хүн бэ? гэдгийг мэдэхээс гадна ер нь танайх ямар гэр бүл вэ гэдгийг дүгнэж болох нь. Магадгүй бие биенээ ойлгоход энэхүү сонжоо тус болох вий.
1.Та хоёр ямар нэгэн зүйл тохиолдоход ойлголцож чаддаг уу?
А/ тиймээ-10
Б/ Заримдаа л ойлголцдог-5
В/ Ойлголцоод байх тийм ч чухал биш-1
2. Чи эхнэрээсээ /нөхөр/ ямар нэгэн зүйл асуух болбол шууд асуучихаж чадах уу?
А/ Тиймээ. Чадалгүй яахав.-10
Б/ Зөвхөн шаардлагатай тохиолдолд-5
В/ Шууд асуучихаж чадахгүй-1
3. Хэрвээ танай эхнэр таныг ярьж байхад үл тоомсорлосон байдал гаргаад байвал?
А/ Хонгор минь ямар нэгэн таагүй зүйл болоо юу гэж асууна-10
Б/ Нэг их тоохгүй-5
В/ Энэ тухай бодолгүй цааш ярина-1
4. Та хүссэн цагтаа өөрт тулгамдсан асуудлынхаа талаар эхнэртэйгээ /нөхөр/ ярилцаж чадах уу?
А/ Тиймээ. Хүссэн үедээ ярьж чадна-10
Б/ Зөвхөн асуудал сөхөгдсөн үед л-5
В/ Чадахгүй. Тохиромжтой цаг хугацааг хүлээнэ-1
5. Та хоёр ярилцаж байхдаа ямар нэгэн тодорхой зарчим баримталдаг уу?
А/ Би зөвхөн энэ тухай ярих ёстой гэж эхнээсээ боддог-10
Б/ Өөрт бодогдсоныгоо л шууд ярьчихдаг-5
В/ Үгүй ээ ярилцахад тодорхой зарчим шаардлагагүй-1
6. Эхнэрийнхээ /нөхөр/ сэтгэл санааг тогтворгүй байх үед ч гэсэн өөрт тохиолдсон бэрхшээлээ түүнтэй хуваалцаж чаддаг уу?
А/ Тиймээ-10
Б/ Зөвхөн миний асуудлыг сонсох чадвартай үед л ярьдаг-5
В/ Үгүй ээ. Яагаад гэвэл тэр ч бас асуудалтай байна шүү дээ-1
7. Ямар нэгэн чухал шийдвэр гаргахдаа та эхнэртэйгээ /нөхөр/ зөвлөдөг үү?
А/ Тэгэлгүй яахав-10
Б/ Аль болох зөвлөхийг боддог-5
В/ Үгүй ээ. Түүний зөвлөгөө тийм чухал биш-1
8. Өөртөө тохиолдсон проблемийг найз нөхөддөө ярьж сэтгэлээ онгойлгодог уу?
А/ Заримдаа-5
Б/ Үгүй ээ. Би өөртөө тулгараад байгаа асуудлаа бусадтай ярилцдаггүй-1
В/ Бие биетэйгээ илүү сайн ойлголцохын тулд зөвлөлддөг-10
9. Эхнэр /нөхөр/ чинь чамтай ярилцаж байгаа хэрнээ өөр зүйлийн талаар бодож байгаа юм шиг санагддаг уу?
А/ Үгүй ээ-10
Б/ Заримдаа тэгж санагдах нь бий-5
В/ Тэр ердөө ч намайг анхаарахгүй байх шиг санагддаг-1
10. Та нар хоорондоо ярилцаж байх үедээ сэтгэл хангалуун байж чаддаг уу?
А/ Үргэлж сэтгэл хангалуун байдаг-10
Б/ Заримдаа л-5
В/ Үгүй ээ-1
70-100 оноо
Танд баяр хүргэе. Учир нь та нар тулгамдсан асуудлыг маш зөв шийдвэрлэдэг эвсэг гэр бүл юм. Танай гэр бүлийн бат бөх харилцаа бие биеэ сайн ойлгодог хүлээцтэй байдалтай холбоотой. Түүнчлэн ямар нэгэн бэрхшээлийг хамтдаа даван туулдаг давуу чанартай хүмүүс гэж сайшаасан ч болох нь.
69-30 оноо
Сайн гэр бүл болоход тун ойрхон байна гэж хэлэх байна. Гэвч танай гэр бүлд хааяа үл ойлголцох асуудал тулгардаг. Асуудлыг зөв шийдвэрлэх нь хэн хэнээс чинь хамааралтай байдаг юм байна гэдгийг хэлэх хэрэгтэй болов уу. Гэвч танайх удахгүй аз жаргалтай гэр бүл болно гэдэгт итгэлтэй байна.
29-10 оноо
Уучлаарай. Танай гэр бүл нэлээд асуудалтай юм. Одоохон бие биедээ анхаарал тавихгүй бол юу ч болж мэдэх нь байна шүү. Цаашид маш их хичээх хэрэгтэй гэж зөвлөе.
| 
