書き込み数 33
Монгол улсын баг тамирчид Германы Дюссельдорф хотноо өчигдөр эхэлсэн жүдо бөхийн “Дэлхийн цом”-ын тэмцээнд амжилттай оролцож байна.Тэмцээний эхний өдөр болсон барилдаанд Хөдөлмөрийн баатар Х.Цагаанбаатар /66 кг/, ОУХМ С.Мияарагчаа /66 кг/, Д.Төмөрхүлэг /60 кг/, Г.Болдбаатар /60 кг/, С.Ням-Очир /73 кг/, нарын таван жүдоч зодоглосон бөгөөд 2009 оны дэлхийн аварга, Тагнуулын ерөнхий газрын “Ирч” спорт хорооны тамирчин Х.Цагаанбаатар, ОУХМ, “Женко” клубын тамирчин С.Ням-Очир нар жиндээ тэргүүлж, алтан медаль хүртсэн бол залуучуудын ДАШТ-ий хошой мөнгөн медальт Д.Төмөрхүлэг хүрэл медалийн эзэн болоод байна. С.Мияарагчаа, Г.Болдбаатар нарын хувьд хоёул шагналт тавдугаар байрт шалгарсан байна. Ийхүү Монголын баг тамирчид хоёр алт нэг хүрэл медалийн эзэд болоод байна.Ц.Авирмэд
