өөрийнхөө тухай өөрт тохиолдож буй зүйлийн талаар хэлэлцэх гэсэн юм. Миний бие одоо 20 настай, оюутан. Ээжтэйгээ, дүүтэйгээ мөн ээжийнхээ саяхан суусан залуутай нь хамт 4-үүлээ амьдардаг. Тэр залуу ээжээс минь дүү, одоо 34-37 орчим насны хүн. Их аятайхан нүдэнд дулаахан том биетэй, царайлаг, европ төрхтэй залуу байдаг юм. Тэрнийг хэн ч харсан ээжийн минь мөнгөнд болсон гэж хэлэх боловч ээжид минь их халамжтай хандаж үнэхээр их санаа тавьдаг. Харин ээж минь одоо 40 гарсан хэрнээ хэнд ч гологдохооргүй, оворгүй сайхан эмэгтэй. Тэр хоёр нийлээд нэг их удаагүй жил гаруй л болж байна. Энэ залуу ер нь юм юмаараа ээжид минь их ханьтай байдаг болохоор дүү бид хоёр хэн хэн нь дургүйцдэггүй юм. Гэсэн ч дүү бид хоёр тэр хүнтэй нээх харьцаад байдаггүй л дээ гагцхүү шаардлагатай үед л дуугардаг юм. Ээж тэр 2 хоёулаа өглөө гараад орой ирдэг ажилтай.

Нэг өдөр би сэтгэл санаа дундуур байсан болохоор найз охидуудаараа юм ууж суугаад их халсан л даа. Тэгээд гэртээ оройтож ирээд гал зуухандаа ус уугаад юм бодоод сууж байтал тэр хүн орж ирсэн юм. Тэр өдөр бид хоёр анх удаагаа их эелдэг бөгөөд дотноор ярилцаж үзсэн. Тэр их халуун дулаан сайхан хүн шиг надад санагдсан. Энэ өдрөөс хойш би битүүхэндээ тэр хүнийг боддог болчихсон, гэрт тааралдахаараа өөрийн эрхгүй сандраад, зүрх хүчтэй цохилоод нэг ёсондоо хааяа хааяа тэр хүнийг хүсээд байдаг болсон гэхүү дээ. Тэр хүн ч гэсэн намайг өөрийг нь сонирхоод байгааг мэдсэн юм шиг надруу их зөөлөн харц шидэж зөөлөн инээмсэглэж байсан. Нэг өдөр ээжийн минь төрсөн өдөр болж бид гэртээ ээждээ бэлэг барьсан юм л даа. Тэр өдөр бид 4-үүлээ их хөгжилтэй байж, орой болсон хойгуур ээжийн найзууд дуудаад ээж гараад явсан юм. Дүү бид 3 үлдээд дүү унтахаар явсны дараа би гал тогооныхаа ажилтай зууралдаад хоцроход тэр хүн миний ард ирээд зогсож, чихрүү минь ойртоод -чи зүгээр ороод унт, би хийе гэж халуун амьсгаагаар хэлсэн. Би тэр үед бие барьж дийлээгүй, эргэж хараад уруул дээр нь үнсчихсэн. Харин тэр яг тэр мөчийг хүлээж байсан юм шиг уруулыг минь озож хоёр гарыг минь чанга атгасан. Би яахаа мэдэхгүй байсан ч салж чадахгүй байсан…

Энэ өдрөөс хойш бид хоёр ерөнхийдөө ийм харьцаатай болсон, гэхдээ нэг ч унтаагүй. Би бол онгон. Одоо би тэрнийг ээжтэй минь байгааг харахаар уур ч хүрэх шиг инээд ч хүрэх шиг болохын, хааяа өөрийгөө үзэн ядахын, гэвч яаж ч чадахгүй тэр хүнд татагдаад байгаагаа сайн мэдэж байна. Ээж минь мэдвэл яаж гомдох бол гэхээс зүрх цохилхоо больж байгаа мэт санагддаг, гэсэн ч өөрийгөө барьж дийлэхгүй юм. Тэр хүн ямар ч хувиралгүй зөөлөн инээсээр ээжийг минь халамжилж огт нь зан нь хувирахгүй, тэгсэн хэрнээ надад бас халуун дулаан ханддаг. Тэр намайг зүгээр л үнсэж, хүзүүг минь үнсэж, илж байдаг болохоос өөр зүйл хийсэн удаа нэг ч байхгүй. Цаашид ер нь яаг яах ёстойгоо ч мэдэхгүй байна, энэ янзаараа би тэр хүнд биеэ өгөх юм шиг байна, гэсэн ч би тэр хүнд хайртай учираас харамсахгүй боловуу гэж бодож байна. Мэдээж тэнэг хэрэг байх тэгэхдээ би яах вэ? Өөрийн эрхгүй сэтгэл минь тэр хүн руу тэмүүлж, түүнийг л харахаар баяртай болж, байхгүй бол сэтгэл өвдөж, санаа зовох юм. Хааяа ч өөрийгөө бодохоор уйлмаар санагдах юм. Миний үеийн зөндөө аятаахан залуус намайг зүгээр байлгадаггүй ч сэтгэлд минь таарсан хүн нэг ч алга, ядаж нэг найз залуутай болбол арай өөрчлөгдөх байх гэж найдах боловч санасанаар болохгүй юмдаа. Миний энэ тухай нууцийг хэн ч мэдэхгүй, би хэнд ч хэлээгүй, хүнд хэлвэл намайг үзэн ядах байх гэж айж байна. Надад зөвлөөч би яах ёстой вэ? Надад их хэцүү байна.