Бусдад ямар нэг зүйл хийж өгөхийнхөө өмнө, үүнийг хийлээ гээд надад ямар ашигтай вэ гэж заавал эрэгцүүлж бодоорой. Үүнийг хэтэрхий амиа бодсон явдал гэж зарим хүн шүүмжилж магадгүй. Гэхдээ энэ бол тийм ч амиа бодсон хэрэг биш юм. Бусдын төлөө хэт их шаналах нь танд сэтгэл санааны дарамт болж яваандаа ядаргаа, стресст оруулах болно.
Өөрийгөө хайрлахгүй бол хэн чамайг хайрлахгүй:
Бусдын эрх ашигт нийцэхгүй байлаа ч өөрийн ашиг сонирхлоо хамгийн эхэнд тавих ёстой гэдгийг санаж яв. Болж өгвөл өөрийгөө хайрлаж бай. Та өөрийгөө хэр зэрэг үнэлж чадна, хүмүүс таныг тэгж л үнэлэх болно.
Өөртөө итгэлгүй хүн шантрамтгай байдаг:
Өөртөө итгэлтэй байх нь өөрийгөө ялан дийлж буй хэрэг юм. Үүнийг бусдад ялагдахгүй байх цорын ганц арга гэж ойлгосон ч болно. Тэгвэл яаж өөртөө итгэлтэй, эрч хүчтэй байж, өөрийн санаа бодлоо хамгаалж чаддаг болох вэ. Ингэхийн тулд ярилцаж байгаа хүнийхээ нүд рүү нь эгцлэн харж ярьж сур. Үгээ тод дуудаж, хэлэх гэсэн санаагаа тодорхой хэлж, бас чөлөөтэй ярьж сур. Чанга хэллээ гээд хэн ч чамайг үнэлэхгүй. Хамгийн гол нь өөртөө итгэлтэй бай.
Яаж сул дорой байдал гаргахгүй байх вэ:
Өөрийн санаа бодлоосоо хэзээ ч бүү ухар. Харилцан ярилцаж буй хүнээсээ бүү айж сүрд. Хэлсэн ярьсан чинь бусдад таалагдахгүй байж болно. Тэглээ гээд харилцан ярилцаж буй хүнээсээ сүрдэж болохгүй. Ичиж зовох байдал гаргаж бүр ч болохгүй. Энэ нь өөрийнхөө үнэлгээг бууруулах болно гэдгийг бүү март.
Цаг зав бол таны хувийн өмч:
Чухал яаралтай биш бол зарим нэг ажлаа хойш тавьж сур. Мөн үүнээс гадна "Үгүй" гэж хэлж хэвшиж сурах хэрэгтэй. Хүн хичнээн чадвартай ч бүх зүйлийг шууд л бүрэн гүйцэд хийх боломжгүй байдаг.
Амралт зөвхөн танд л хэрэгтэй:
Амралт танд зайлшгүй хэрэгтэй. Гэхдээ амрах цагаа урьдчилан төлөвлөх хэрэгтэй. Та үнэхээр туйлдаа хүртэл ядарснаа мэдэрч байвал дараах аргуудыг туршаад үз.
-Хоолоо удаанаар ид
-Аажуухан явж сур.
-Нэг өдөр олон ажил бүү төлөвлө!
-Аливаа зүйлд хэт их чармайлт бүү гарга.
-Нэгэн зэрэг хоёр ажлыг бүү хий.
-Биеийн дасгал заавал хийж бай.
-Ойгоор зугаалдаг байх хэрэгтэй.
-Морь унах сонирхолтой болох хэрэгтэй.
-Цаг руугаа байн байн бүү харж бай.
-Аливаа зүйл тохиолдоход сэтгэл санааны сайн бэлтгэлтэй бай.