Би Канад улсын Торонто хотод амьдардаг. Саяхан сониноос хєдєєний нэгэн эмэгтэй Турк улсад ажил эрхлэхээр очсон тухай уншаад

Канад улсад ажил хєдєлмєр эрхлэхээр ирэх гэж байгаа хvмvvст дараах зєвлємжийг танай Olloo.mn вэб сайтаар дамжуулан хvргэхийг хvссэн юм.

Канад улсад амьдрах боломжтой юу гэвэл боломжтой. Чухамхvv хэрхэн яаж амьдрах вэ гэдэг сонголтыг зєв хийж тухайн орны талаархи мэдээлэлийг маш сайн цуглуулж гэр бvлийн амьдралын тєлєвлєлтийг сайн хийж бэлтгэлтэй ирэх ёстой. Таны хvvхдvvдийн хувьд Канадын болон Кебекийн гэсэн хоёр тэтгэмжтэй цэцэрлэг сургууль бvх юмыг улсаас даана. Кебекээс бусад мужид ганцхан Канадын тэтгэмжтэй. Та маш сайн тєлєвлєлт хийж ирсэн тохиолдолд сайхан амьдрах боломжтой. Хэрэв ямар ч мэдээлэлгvй сайхан гэдэгт хууртагдан итгэж ирвэл харанхуй нvхрvv унахтай адил. Энд та бvх юмыг нойлоос эхэлж манай хуулинд захирагдан дахин цоо шинэ амьдаралаар амьдрах ёстой гэдэг хууль vйлчилнэ. Учир нь Канад улсын хууль маш чанга боловсролын систем нь маш єндєр шалгууртай зєвхєн єєрийн болон АНУ-ын боловсролын системийг хvлээн зєвшєєрдєг. Єєрєєр хэлбэл Канад болон АНУ-ын мэргэжлийн дипломтой мэргэжилтэнд ажлын байр нээлттэй. Бусад улсын иргэн тухайн эзэмшсэн мэргэжилээрээ ажиллахыг хvсвэл хамгийн тvрvvнд Канадын цагаачлалын болон боловсролын яаманд єєрийнхээ мэргэжлийн дипломын vнэлгээг хийлгэх хvсэлтээ гаргах ёстой. Таны хvсэлтийн дагуу тухайн яам агентлаг таны тєгссєн их, дээд сургууль олон улсад хvлээн зєвшєєрєгдсєн бvртгэлтэйг шалгахаас гадна Канад улсын боловсролын системийн аль тvшинд байгааг тогтоож тухайн дипломыг эзэмшигч мєн гэдгийг батлан, дипломын vнэлгээ хийсэний дараа тухайн мэргэжлээр ажиллуулах болон дахин суралцах эсэхийг шийднэ. Хэрэв та хvсвэл тухайн мэргэжлээрээ 1-2 жил курст суралцсаны дараа мэргэжлээрээ ажиллах бvрэн боломжтой. Дипломын vнэлгээг хийхэд 6-8 сар шаардагдана. Мэргэжлээрээ ажиллахын тулд мэргэжлийн болон хэлний шалгалт єгєх ёстой. Vvний тулд тэтгэлэгтэй 1 жилийн хэлний курст та албан ёсоор суралцдаг онцлогтой. Хэлний хувьд муж бvр єєрийн онцлогтой ихэнх мужууд англи хэлээр ярих боловч Кебек , Монераль мужид франц , англи 2 хэлээр ярьдаг.

Канадын хамгийн том муж болох Францчууд амьдардаг Кебек, Монераль хотууд тєрийн vйл ажиллагаагаа франц хэл дээр явуулдаг учраас франц хэл эзэмших шаардлагатай байдаг. Энд хэлтэй бол хєлтэй гэдэг хууль vйлчилдэг. Франц улсад мэргэжил эзэмшсэн болон франц хэлний мэргэжилтэн, нийгмийн ажилтан болон орчуулагч, эмч сувилагч зэрэг олон тєрлийн ажлын байр нээлттэй байдаг. Учир нь энд цэвэр франц хэлээр ярьдаг хvмvvс ховор байдагтай холбоотой. Энд мєн л Канад болон АНУ-ын боловсролын системийг хvлээн зєвшєєрдєгєєс гадна Францын боловсролын системийг нааштай хvлээн авдаг. Канад улсад эмч, сувилагчийн мэргэжил чухал ач холбогдолтой ажлын байр ихтэй байдаг. Эмч сувилагч нар дипломын тэнцэтгэлээ хийлгэхийн тулд тухайн харьяа анагаах ухааны коллежид хандан 1 сарын дотор хариу авсаны дараа мэргэжлийн 4, франц хэлний шалгалтыг 1-2 жилийн дотор єгч тэнцсэний дараа ажиллах эрх авдаг онцлогтой. Эмчийн хувьд сувилагчийн коллежи тєгссєн бол єндєр vнэлгээ авна. Энд эмч болохын тулд 2 жил коллежид суралцаны дараа Анагаах ухааны дээд сургуульд ордог сургалтын системтэй.

Мэргэжлээрээ ажиллахын тулд 1-3 жилийг та заавал зарцуулна. Ийм учраас ирэхийн ємнє маш сайн тєлєвлєлтийг хийсэн байх шаардлагатай. Нэг нь ажиллана нэг суралцана гэдгийг битгий мартаарай.

Харин мэргэжлийн бус ажил хийж амьдрана гэвэл хєдєлмєрийн биржд хандан ажил гарсан тохиолдолд цагийн 8-9 канад долларын ажлыг хийх боломжтой.

Канадад ирэхийн тулд хэнд яаж хандах ёстой вэ гэдэг маш чухал. Энд ихэнх гэр бvл бараг 90% нь зуучлалаар дамжиж ирсэн байдаг. Маш их мєнгє 8-10 мянган долларыг зєвхєн зуучлалд vргvй зарцуулсан байдагаа ярьдаг.

Жишээлбэл: Оросын иргэн Анна, Монголын иргэн Саруул гэж хоёр эмэгтэй 7000 доллараар зуучилдаг. Канад улсаас шууд vнэгvй олгодог ногоон картыг 1000 доллар нэмж vнэлж авдаг байх жишээтэй. Ингэж харийн хvнтэй нийлж нутагт нэгтэнээ хуурч мэхэлдэг хvмvvсээс болгоомжлоорой. Тэд мєнгєє авч байвал л боллоо гэсэн бодолтой. Тэд амьдрал маш сайхан бvх юм ОК гэж хууран авчираад хаядаг. Хэлгvй хvмvvс хаана яаж хандахаа мэдэхгvй нутаг нэгтэнээ бараадан хамаг мєнгє цаг хугацаагаа алддаг явдал их байна. Ийм учраас маш сайн мэдээлэлийг нутаг нэгтнvvдээсээ авч байх хэрэгтэй. Дээрхи 2 иргэн тэдний зуучлалын мєнгєєр амьдраад, зуучлуулаад ирсэн хvмvvс нь хохироод vлдэж болохгvй шvv дээ. Хvн хvнээ хайрладаг байх ёстой шvv гэдгийг л дахин дахин сануулж байна.

Манай гэр бvл , манай найз нєхєд бид зуучлалгvйгээр єєрсдєє хандаад 2-3000 доллар зарцуулаад л ирсэн.

Тэгэхэд бусад гэр бvл карманд байх ёстой 10.000 доллараа зуучилалд зориулаад дахиад єр тавиад тvvнийгээ ажил хийгээд тєлнє гээд энд ирж байна шvv дээ энэ бол бvтэшгvй зvйл гэдгийг л сайн ойлгох хэрэгтэй.