Би О гэдэг. 26 настай. Яг одоо би дотороо бодогдож байгаа хар муу бүхнийг сэтгэлээсээ авч хаямаар байна. 5 жилийн өмнө нөхөртэйгээ танилцаж өөрийн эрхгүй тэр хүнд татагдаж үерхэж эхэлсэн. Өнгөрсөн хугацаанд бүх юм сайхан байсангүй. Мэдээж эхэндээ бусад хүмүүс ямар байдаг тэрэн шиг бүх юм сайхан байлаа. Гэтэл миний сонгосон сонголт эр нөхөр маань зөвхөн өөрийн биеийн амар амгаланг юунаас ч илүүд тавьдаг хувиа хичээсэн, худалч бүүр алхам тутамдаа худалаа ярьдаг, мөнгө эд хөрөнгө бол тэр хүний хувьд үр хүүхэдээс нь илүү нандин зүйл болсон тийм амьтантай таг сохор царайлж яваад хувь заяагаа холбожээ. Өнгөрсөн хугацаанд өөрт тохиолдсон зарим нэгэн таагүй явдалыг бичиж энэ сайтыг уншигч залуучууд бүсгүйчүүдтэй сэтгэлээ хуваалцмаар байна. Бид 2 хамт ажилдаг байсан юм. Анх нөхөрөө хараад би инээмсэглэл их таалагдаж билээ. Их л сайхан хүн лүү харж инээдэг залуу байлаа. Англиар маш сайн ярьдаг соёлтой залуу байна даа гэж харсан миний тэр нүд тэр үед хүний хуурамч инээдийг ялгаж харж мэдэхгүй амьтан байж. Нөхөр маань надаас өмнө нэг бүсгүйтэй хамтарч амьдарч байгаад салсан байсан.

Тэгээд би нэг удаа тэр бүсгүйтэйгээ чи таарвал уулзах уу гэж асуухад тэр – Юу гэж уулзаж байдаг юм. Чи надад байхад гэж хэлж байсан юм. Гэтэл бид 2 үерхээд яг 8 сар болж байхад нэг удаа утасруу мсж ирэхээр нь би аваад үзтэл англиар төрсөн өдрийн мэнд хүргэсэн мсж ирсэн байлаа. Би хэн бэ гэтэл тэр ажлын газрын гадаадыг байна гэж хэлэхээр нь би итгээд л өнгөрсөн. Гэтэл тэр нь нөгөө өмнөх бүсгүй нь байж. Маргааш нь түүний төрсөн өдөр байсан юм. Яг төрсөн өдрөөр нь би ажиллаар өөр тийшээ явах ёстой байсан тул маргааш нь явсан. Гэтэл намайг явангуут нөхөр маань нөгөө хүүхэнтэйгээ төрсөн өдрөө тэмдэглэж байгааг би тэр дор нь мэдсэн. Тэгээд утас руу нь залгахаар авахгүй зугатаагаад тэр үед би анх удаа маш их гомдож үерхэхээ болёо гэж бодож байсан. Тэгээд болих гэтэл нөгөөх маань намайг битгий орхиоч уучилаарай, би чамд хайртай гээд л намайг гуйж эхэлсэн. Тэр үед тэрнээс болих гээд намайг эргүүлдэг байсан гадаад залуутай хүртэл уулзаж байлаа. Гэхдээ элдэв юм болоогүйл дээ. Зүгээр л уулзсан юм. Гомдолоо тайлах гэж. Гэвч миний сэтгэлд тэр гадаад залуу биш нөгөө залуу маань байгаад байсан учир би ганц уулзаад дахиж тэр гадаад залуутай уулзаагүй. Сэтгэлд тэр хүн байсан учираас за яахав нэг удаа уучилья гэж бодсон. Тэгээд намайг дорд үзсэн тэр нэгэн явдлыг мартах гэж хичээж байлаа.

Гэтэл нөгөө бүсгүй нь байнга утасруу нь залгаастай мсж бичээстэй. Нөхөр маань миний хажууд байхдаа ямар ч байсан тухайн үед тэрнийг тоохгүй байсан. Би ч энэ хүүхэн л гүйгээд байгаа юм байна гэж бодсон. Ингээд бид хоёр хамтдаа амьдарч эхэлсэн би нэг шинэ байр захиалсан байсан тэрэндээ ч орсон. Яахав бид 2 хамтда сайхан л байсан. Нөгөө хүүхэн мартагдаж гэр бүл болон амьдарч үр хүүхэдтэй боллоо. Хүүхдээ төрүүлсэн цагаас л жинхэнэ ямар хүн бэ гэдэгийг нь яс мах, сэтгэл зүрхэндээ шингэтэл мэдэрч байна даа. Хүүгээ төрүүлээд нэг сар гарантай байхад нь зодуулж үзлээ. Элдэвийн муу үгээр хараалгаж, доромжилуулж үзлээ. Үзэх муу бүхнийг үзсээн. Нөхөр маань урьд бас нэг бүсгүйтэй суух гэж байгаад гадагшаа яваад  тэр бүсгүйгээсээ салсан юм байна лээ. Тэр бүсгүй нь манай хүнээс хүүхэдтэй үлдсэн. Дөнгөж төрчихөөд гэртээ 7 хоноогүй байхад тэр бүсгүй гэрийн маань хаалгыг балбаж нөхөртэй уулзах гээд чадахгүй байна гэж хашгичив.

Жоохон нялх хүүхэдтэй айл гэж бодох юм байхгүй хаалгыг маань аймаар балбаж өшиглөж байсан юм. Би дөнгөж төрсөн маш эмзэг байсан аймаар айж сэтгэл санаа тавгүйтэж охиноо тэврээд айгаад гэртээ сууж байлаа тэр үед. Нөхөр байхгүй байсан юм. Гэтэл нөхрийн өмнөх тэр бүсгүй нөхрийн ээж болон нөхөрт маш их өштэй хонзонтой тийм хүмүүс байсан. Тэр үед би тэр хүмүүсийг муухай хүмүүс вэ гэж бодож байснаас миний хүүгий аав, аавийнх нь ээж гэж ямар муухай юм хийсэн хүний чанаргүй өөдгүй амьтан байгааг харж мэдэрээгүй л байсан.

Хүүхэд гаргаад хүүг маань харах хүнгүй тул би өөрөө л ганцаараа гэртээ хүүхдээ хараад ажилгүй суудаг байлаа. Энэ хугацаанд нөхөр олон удаа худалаа ярьж намайг гомдоож байсан. Гэхдээ би тэр болгоныг нь өнгөрөөж байлаа. Хүүхэнтэй сүүлэрч тэр нь надад баригдаж би салая гэж бодовч хүүгээ бодоод тэвчихээр шийдээд байж байна. Гэтэл урьд шөнө гэртээ ирж хоносонгүй. Хүүхэд маань цагийн тариатай тариаг нь хийх ёстой байсан гэтэл ирээгүй. Ганцаараа учир тариаг нь хийж чадсангүй. Өглөөний тариа нь ч гэсэн.

Өчигдөр гараад явахдаа бас л худалаа хэлээд явжээ. Ажлынхаа газрын хүнтэй уулзана гэж гарсан боловч тэр хүнийх нь утасыг олоод залгалаа. Уулзана гэж тохироогүй гэнээ. Уулзаагүй нөгөө залуу нь Докторын зэрэг хамгаалах шалгалт өгөөд явж байна гэнэ. Амьдралд буруу сонголт хийж алдаа хийгээд өөрийгөө зүхэж сууна даа би. Надад энэ хувь тавилангаас илүү байх боломж байсан. Би буруу сонголт хийж. Энэ хүнээс салаад дахиж амьдрал эхлье гээд ч итгэл алга. Бас яг адилхан хууран мэхлэлт байгаа гэж бодож байна.