Сэм Уортингтон саяхнаас Голливудын Олимпын тавцанд гарч ирсэн австралийн залуу жүжигчин юм. Хоёр жилийн өмнө түүнийг хэн ч таньдаггүй байлаа. Харин одоо тэр од гэж тооцогдож байгаа. Тэр бидний 5 жил хүлээсэн, найруулагч Жеймс Кэмероны 15 жил хүлээсэн “Аватар” кинонд тоглосон юм. Сэм нь Жейк Саллийн дүрд тоглосон.
Энэ дүрийг яаж олж авсан вэ?
Сэм Уортингтон: Над руу утасдаад нэгэн дүрд тоглохыг санал болгосон. Яг ямар дүр, хэн гэгч найруулагчийн кино гэдгийг анх надад хэлээгүй. Долоо хоногийн дараа дахин утасдаж Жим Кэмерон чамайг Лос-Анжелест нисээд ир гэж байна гэсэн. Би ч тэгье гэсэн юм.
Далайн цэрэг Жейкийн дүрд тоглохыг шууд хүлээн зөвшөөрсөн үү?
Сэм Уортингтон: Эхлээд тормозоо шалгах хэрэгтэй гэж Жимд хэлсэн шүү.
Жим Кэмеронтой ажиллахад ямар байв?
Сэм Уортингтон: Би өөрт оноосон ажлыг нухацтай сайн биелүүлэх дуртай. Жим ч тийм хүн байна лээ. Тиймээс бид дуртай ажилдаа гүн орж чаддаг гэж хэлж болно.
“Аватар” киноны зураг авалтын үеээр Жеймс Кэмерон зураглалын сүүлийн үеийн шинэ техник, технолгийг ашигласан. Энд “байлдан авах технологи” буюу хүний биед бэхэлсэн хэмжигч нь хөдөлгөөн бүрийг нь нэгд нэгэнгүй тэмдэглэн дамжуулж камераар хөдөлгөөнийг компьютерт гардаг технологи гэсэн. Энэ тухай бага зэрэг тодруулаач.
Сэм Уортингтон: Бид жүжигчний тоглолтыг авах аргыг ашигласан. Маш гайхалтай байсан. Эхлээд бага зэрэг сандарч байсан талтай. Дараа нь толгой болон нүүрэн дээр бэхэлсэн хэдэн зуун хэмжигч нарыг тоохоо больсон. Жейк аватар нь цэнхэр арьстай, 3 метрийн өндөртэй хэдий ч түүнд миний хувийн онцлогууд шингээстэй байгаа. Бүх зүйлийг бодит, үнэн зөвөөр гаргасан гэж хэлж болно.
Өөрийн чинь дүр биеийн хөдөлмөр их шаардсан дүр. Яаж бэлдэж кинондоо орсон бэ?
Сэм Уортингтон: Цэргийн сургуулилалт шиг юм болоогүй. Би Жеймс Кэмероны дүү, тэнгисийн цэрэг байсан Жон Дэвидтэй ихэнх цагийг өнгөрөөж байсан. Хамгийн гол нь тэнгисийн цэргийн дүр төрх, зан араншинг мэдрэх нь чухал байлаа. Яагаад өөрсдийгөө ялагдашгүй хэмээн үздэг, бусад бүх юмыг ямар өнцөгөөр хардгийг мэдэж авч ойлгох нь надад их чухал байсан.
Мөн шинэ хэл сурсан билүү?
Сэм Уортингтон: Пандора гаригийн орон нутгийн хэл На’ви нь үнэндээ хэлэхэд англи хэлний америк аялгуунаас амархан байсан шүү. Өдөрт 2 цаг хичээллэж англи хэлний америк аялгуу, На'ви хэл зэргийг судлаж байсан. Хоёр хэл сурсан гэж хэлж болно шүү.