Шинэ оны эхээр өвөр газар товлогдсон ар монголын алдарт дуучин бүсгүйн нижгэр хуримын сураг сүүлийн үед хэрэгт дуртай хэдэн монголчуудын амны зугаа болоод байсан билээ. Хартай нэг нь худлаа даа аягүй бол хэмээж байсан бол тансаг хуримын урилга хүлээн авсан хүндэт зочидын зарим нь очихгүй, барихгүй хэмээн олонд зарлаж байсан удаатай. Тэгвэл шинэ оны эхний өдөр эрх хонгор дуучин бүсгүй Sally маань үнэхээр өвөр Монголын тэрбумтан залуутай дэр нэгтгэж олон бүсгүйчүүдийн хорыг хөдөлгөсөн нижгэр хуримаа хийсэн гэнэ шүү. Урьд хожид үзэгдэж, харагдаагүй хоёр залуугийн нүсэр хуримыг МУГЖ Сосорбарам хөтөлсөн аж. Дуучин бүсгүй ойрмогхоноос Дундад улсад элэгтэй болсон нь тэрбумтан залуу хархүүтэй учир ургуулсандаа ч биш уран бүтээлийн хувьд ч өсч дэвжин, ашиг орлого арвинтай байх болсон нь нөлөөлсөн биз. Юутай ч Сэрчмаагаа ирээсэй хэмээн уран бүтээлээр нь цангаж явсан фэнүүдийх нь хувьд түүний хурим баахан түгшүүр дагуулж буй нь лавтай. Одоо сурвалжит айлын эзэгтэй болсон Sally хатагтай хэдэн төгрөгний төлөө микрофонтой зууралдаж явдаг хөг хэдийн өнгөрсөн биз ээ.

Ямартаа ч хавь ойрынхоныг нь цочирдуулсан Сэpчмаагийн хуриманд монголоос найз нөхөд болон нэгэн үе урлагийн гал тогоонд хамт чанагдаж явсан гэх Номинко тэргүүтэй найзууд нь явсан гэнэ ээ.
Харин дуучин Сарантуяа, Ариунаа нар явахаас эрс татгалзсан байна.

Шинэ оны эхний өдөр эхлэн гурав хоног үргэлжилсэн тэдний хуриманд гавъят Сосорбарам, “Хит”-ийн Давааням, Өвөрмонголын алдарт уртын дууч Лхасүрэн нарын эрхэмүүд байлцсан гэнэ. Өвөрмонголын уул уурхайн бизнес эрхэлдэг Баяраа гэдэг залуутай Өвөрмонголын алдарт “Шангрелла” зочид буудалд Христийн зан үйлийн дагуу хуримын ёслол үйлджээ.

Энд нэг зүйлийг  сонирхуулахад Сэрчмаагийн хятад нөхөр нь Сэрчмаа нэpтэй урлагийн сургууль ӨСӨЗО-д байгуулсан ба тус сургууль нь 3-р сараас элсэлтээ авч эхлэх юм гэсэн. Монголоос нэлээд олон багш урилгаар багшлах ч сурагтай байна лээ.