Төрийн бус байгууллагаас шалгаруулсан

Цагаач иргэдтэй холбоотой 10чухал үйл явдал

Сөүл-Ёнхаб ньюс  2009-12-30    

Солонгос хүнтэй гэр бүл болж буй цагаач эмэгтэйчүүд болон цагаач ажилчид улам бүр өсөн нэмэгдэн “Олон үндэстний нийгэм” хэмээн яригдах болсон энэ цаг үед Пүсань хотын нэгэн төрийн бус байгууллагаас цагаач иргэдтэй холбогдолтой оны 10чухал үйл явдлыг шалгаруулсан нь олны анхаарлыг татаж байна.

Пүсань хотод үйл ажиллагаа явуулдаг, цагаач иргэдийн эрхийг хамгаалах “Цагаач иргэдтэй хамт” хэмээх байгууллага нь өнгөрөгч 2009онд эдийн засгийн хямралын улмаас цагаач иргэд олноороо ажлаас халагдан, шинэ ажилд орж чадахгүй байсан явдал нь цагаач ажилчдын хувьд хамгийн том гарз хохирол хэмээн үзэн “ Эдийн засгийн хямралын анхны золиосын хурга нь цагаач ажилчид” хэмээн 10чухал явдлын хамгийн онцлох үйл явдлаар нэрлэжээ.   

Үүний дараагаар “Орон нутгийн засаг захиргааны байгууллагаас гадаад иргэдийг дэмжих хууль тогтоомж батлах явдал байдаг боловч хүний эрхийг хамгаалах зорилгоор байгуулсан нь хамгийн анхны тохиолдол.” хэмээн Ансан хотын захиргаанаас баталсан хүний эрхийг хамгаалах хуулийг 2дахь онцлох үйл явдлаар шалгаруулжээ.

     Үүний зэрэгцээ жижиг дунд үйлдвэрүүдийн зөвлөл нь цагаач ажилчдын байр хоолны зардлыг суутгах боломжийг бүрдүүлсэн нь "Цагаач ажилчдын хөдөлмөрийн доод хэмжээний цалин хөлсийг аюулд оруулж байна." гэсэн үүднээс 3-р байранд орсон бөгөөд, гадаад иргэнтэй ялгавартай хандсан үг яриа ярьсан нэгэн эрэгтэйг шүүхэд дуудан, шүүхээс торгууль ноогдуулсан нь 4дэх чухал үйл явдлаар нэрлэгдсэн байна.  

   Мөн  орон нутгийн жижиг дунд үйлдвэрүүдийн ажилчдын үйлдвэрчний 2зөвлөл нь цагаач ажилчныг үйлдвэрчний гишүүнээр элсүүлсэн явдал, гэрээ сунган дахин ажиллах үед цагаач ажилчин нь “1сар хүртэлх хугацаагаар нутаг буцах” явдлыг үгүй болгосон хөдөлмөрийн гэрээний хуулийн өөрчлөлт нь 5, 6 байранд тус тус оржээ.

   Бүртгэлгүй цагаач ажилчны тухайд, засгийн газартай хамтарсан бичиг баримтын шалгалтын үеэр баривчлагдан, албадан нутаг буцсан Непаль ажилчин Ми Нүгийн хэрэг 7-р байр, Улсын Хүний Эрхийг Хамгаалах Хорооны Пүсань хот дахь салбараас цагаач ажилчдын орон байрны талаар судалгаа явуулан, үр дүнг нь олон нийтэд танилцуулсан тайлан 8-р байр, Засгийн газраас явуулж буй бүртгэлгүй цагаач ажилчдыг баривчлах баривчилгааны үеэр хүчирхийлэл, хүний эрхэнд халдах явдал удаа дараалан гарч байсныг 9-р байранд нэрлэжээ. 

   Үүнээс гадна иргэншил авах асуудлыг хүндрэлтэй болгон, солонгос хүнтэй гэр бүл болж буй цагаач иргэдийг хоёр иргэншилтэй байхыг хүлээн зөвшөөрөх хэмээн нэрийн доор иргэншлийн хуулийг шинэчилж байгааг 10дахь үйл явдлаар нэрлэсэн байна.

   “Цагаач иргэдтэй хамт” байгууллагын Жон Гүг Хыи редакцын зөвлөлийн дарга “Манай байгууллагын англи хэл дээр эрхлэн гаргадаг сонингийн редакцын зөвлөлийнхөн хэлэлцэн 10 чухал үйл явдлыг шалгаруулсан" бөгөөд “Хэдийгээр эдгээр 10 чухал  үйл явдлыг шалгаруулахад цагаач иргэд оролцоогүй ч гэсэн өнгөрч буй энэ онд олны анхаарлын төвд байн, хүмүүсийн хамгийн чухал хэмээн бодож байгаа дарааллын дагуу нэрлэсэн” хэмээн өгүүлсэн юм.

  


 Сурвалжилсан Ян Тэ Сам tsyang@yna.co.kr