帖子数 4,494
Японы мэргэжлийн сүмогийн дэвжээнд урьд өмнө байгаагүй амжилт үзүүлж Монгол түмнийхээ бахархалт хүү болсон 68 дахь их аварга Ёкозүно асашёрюү Д.Дагвадорж Япон улсад 12 жилийг өнгөрөөсөн. Хааяахан эх орондоо ирж нутгийн салхиа үнэрлэж хүч тэнхээ сэлбэж оддог хүүгээ Монгол түмэн дэвжээн дээр гарах бүрийд нь өндөлзөн дэмждэг. Японд өнгөрүүлсэн 12 жилийн хугацаанд тэрээр их амжилтыг үзүүлж байсан ч энэ амжилт амар хялбараар олдоогүй гэдэг нь ойлгомжтой. Хичнээн амжилт гаргасан ч дэвжээн дээр ганцаар гарах түүнийг дэмжих уухай Сүмогийн дэвжээнд байгаагүй. Тэгвэл энэ хэцүүхэн үеийг харуулсан нэгэн нэвтрүүлгийг Японы Fuji телевизийн нэвтрүүлгээр энэ сарын 13-нд гаргажээ. Нэвтрүүлэгт Японы алдартай улс төрчид, урлагийн одод, тамирчдыг урьж оролцуулан их аваргын талаар юу гэж боддогийг нь асуужээ. Харин тэднийг ярьж эхлэх зуур их аварга маань уйлж эхэлж. Тэрээр тасралтгүй уйлсаар байсан тул бичлэгийг зогсоосон ч Асашёрюү аварга тайзны буланд уйлсаар л байж. Сүмогийн ертөнцөд баатар гэгдэж хүнд хүчир бүхнийг элдэв зовлон тоочилгүй арав гаруй жилийн турш туулж ирсэн “том хүн”-ийг ийнхүү хүүхэд шиг уйлахад нэвтрүүлэг хийж байсан багийнхан ч гайхаж. Аваргыг уйлуулсан нэвтрүүлэг “Special” нэртэйгээр хоёр цагийн турш гарсан бөгөөд энэ нь Япон улсад шуугиан тарьж байна. Сэтгэл хөдлөлөө тэр бүр ил гаргаад байдаггүй их аваргын тухай Япончуудын интернетийн хэлэлцүүлэг хүртэл явуулахад хүрээд буй аж.
