Өмнөх тохиолдол гурван сарын өмнө 58 дахь тохиолдол болж бvртгэгдэж байсан юм. ХДХВ-ийн халдварын анхны тохиолдол Монголд 1992 онд бүртгэгдэж байсан бөгөөд халдвар тээгчдийн олонхи нь эрэгтэйчvvд байдаг. Өнөөдрийн байдлаар дээрх халдвар авсан хүмүүсээс найман халдвар тээгч нас бараад байгаа юм.

Манай хөрш хоёр улсад ДОХ-ын халдвар нэмэгдэхийн хирээр манай улсад аюул занал ойрхон байгааг сүүлийн 2-3 жилд бараг сар бүр халдвар тээгч илрэх болсноор баталж байна.

Монгол Улсын 2006-2010 онд Хүний дархлал хомсдолын вирус/Дархлал олдмол хомсдол/ ХДХВ/ДОХ-оос сэргийлэх үндэсний страгтегийн нэг тэргүүлэх чиглэл нь ХДХВ-ийн халдвар илрүүлэх Сайн дурын зөвлөгөө шинжилгээ/СДЗШ/-ий хөтөлбөр боловсруулж, хэрэгжүүлэх, 2010 он гэхэд бүх аймаг, дүүргийн хэмжээнд зорилтот бүлгийн буюу нийт хүн амд үзүүлэх сайн дурын зөвлөгөө, шинжилгээний үйлчилгээг бий болгохоор тусгасан юм. СДЗШ гэдэг нь хувь хүмүүсийн нууцыг чандлан хадгасан нөхцөлд, ХДХВ-ийн халдварт өртөх эрсдэлийг үнэлснээр, ХДХВ-ийн халдвар илрүүлэх шинжилгээг сайн дурын үндсэн дээр хийлгэх үйл явц юм. Уг ойлголтод шинжилгээнээс гадна шинжилгээний өмнөх болон дараахь зөвлөгөө багтах бөгөөд үйлчлүүлэгчид үзүүлэх урт хугацааны тасралтгүй халамж, дэмжлэг ордог.

Энэхүү СДЗШ-ний үйлчилгээг сурталчилах Ажлын багийг манай улс дахь олон улсын болон ТББ-уудаас төлөөллийг оролцуулан байгуулж орон даяар компанит ажлыг зохион явуулахаар болж 2009 оны 10 дугаар сарын 5-ны өдөр буюу өнөөдөр уг үндэсний компанит ажлын нээлтийн талаар «Монгол Ньюс» ХХК-ийн Мэдээллийн төвд хэвлэлийн бага хурал болно.