Энэ оройн амар амгаланг тань айлтгая !  Улс орон хөгжихөд хамгийн түрүүнд хүмүүсийн оюун санаанд эрүүл саруул,эх орноо гэсэн зөв сэтгэлгээг суулгаж өгөх хэрэгтэй боловуу.Би яагаад зөв бодол зөв сэтгэлгээ гээд байна гэхээр яг одоогийнх шиг монгол улсыг удирдан чиглүүлж байгаа эрх мэдэлтнүүд албан тушаалыг мөнгө олох хэрэгсэл болгож бүр аалзны тор мэт албан тушаалын наймаа хийж монголын улс төрийг бүр сонгодог мафизм болгож байгааг л хэлээд байгаа юм. Би урьд нэгэн япон улсад сурч ажиллаж байгаа компютерийн мэргэжилтэн залуугийн ярьж байсан зүйлийг тодхон санаж байна.Тэр японд сурч сургуулиа төгсөөд эх орондоо очих байсан боловч японы нэр хүндтэй дээд сургуульд амжилттай сурсан учир японы нэгэн томоохон компютер техникийн компанид урилгаар ажиллаж байхдаа монгол эх орноо яаж хөгжүүлэх тухай санал бодлоо хэлж байсан. Түүний яриаг би их анхааралтай чагнаж ойлгож авсанаа та бүхэнтэйгээ бага ч болов сэтгэгдлээ хуваалцаяуу гэж бодож байна. Тэрээр ярихдаа япон улс 1950-иад оны үед яг одооны монгол орон шиг албан тушаал хээл хахуульд ялзарсан хэт амин хувиа хичээсэн байдал газар авсан байсан үе байсан.Тэгээд улс орон даяар тэр эмх замбараагүй байдлыг цэгцэлж улс орноо хөгжүүлэх зөв зам,зөв гольдролд нь оруулах хамгийн зөв алхам бол эрхтэн дархтангуудын хэт дураар авирлах байдал,хээл хахууль,албан тушаалаа урвуулан ашиглах байдлыг хайр найргүй устгах арга хэмжээ авч эхэлсэн байгаа юм.Тэр ч бүү хэл нилээд хэдэн сайд дарга нарыгаа торны цаана суулгаж чадсан байгаа юм.Бас солонгос улс мөн л японы нэгэн адил хуулиа чанд сахиж авилгын хэрэгт холбогдсон хүмүүстээ зохих ялыг нь өгч чаддаг. Хуулиа маш их дээдэлдэг ягштал баримталдаг бөгөөд хуулийн өмнө баян ядуу.сайд дарга,жирийн иргэн хэн гуай нь ч тэгш эрхтэй байдаг нь улс орны ирээдүй хойчийн хөгжил дэвшилд нь түлхэц болдог юм боловуу гэж би бодох юм.Өнөөдөр нэг дарга нь хээл хахуулийн хэрэгт холбогдлоо гэхэд нөгөө нь бас холбоотой болохоор би чамайг илрүүлэхүү чи намайгаа илрүүлэхүү гээд ацан шалаанд орохоор тийм өргөн хүрээний зэврэлт энэ өнөөгийн монголын нийгэмд нүүрлэсэн юм шигээ.Хээл хахууль гэх үг англиар мөн оросоор коррупци гэдэг энэ нь зэврэлт,зэврэх гэсэн үндэстэй үг,тиймээс өнөөгийн монголын нийгэм зэвэрч гүйцэж байгаа гэсэн үг.Манай монголчууд нэг ярьдагдаа дутагдлын хажуугаар дуугүй өнгөрөхгүй гэдэг,энэ үг ч одоо үнэ цэнээ алдаад байх шиг.Би нэг зүйлд их эмзэглэж явдаг өнгөрдөг жил Авилгатай тэмцэх газрын даргыг яг л мафитай кинон дээрх шиг л цааш нь харуулсан байгаа юм. Ер нь бодоод байхнээ энэ ертөнц чинь хамгийн зоригтой, хамгийн шударга,хамгийн сайн хүнээ түрүүлээд аваад явдаг юм биш байгаадаа.Монголын хувьд Зориг агсан,Дашбалбар агсан, Наранцацралт агсан,мөн саяны дурдсан авилгатай тэмцэх газрын дарга гээд олон шударга хөвгүүдээ юуны золионд эрлэгт илгээвээ?... Жирийн ард иргэд бид одоо албан тушаал гэгч монгол улсын хувь заяагаар ПОКЕР тоглодог монголын төрд сандайлсан ховдог шунахай балмад этгээдүүдийг хайр найргүй шахан зайлуулах цаг ирсэн юм бишүү? Ил гарч ирэхээр,нүүрэн дээр нь булай бульхайг нь дэлгэх гэхээр яаж ийж байгаад цааш нь харуулах мастер төлөвлөгөөгөө зохион жин тан болгоод үнэн үг хэлсэн бульхайг нь мэддэг хүмүүсээ нэг л мэдэхэд хорвоогийн хүмүүний амьдралаас шахан бодийг нь хөтөлнө.