Сайн байцгаана уу? Энэ өдрийн мэндийг хүргье. Миний нөхөр бид хоёр гэрлээд жил хагас болж байна. Бид хоёрын хэн хэнийх нь хувьд энэ 2 дахь амьдрал. Би урьдах нөхрөөсөө хүү, охин хоёртой. Нөхөр маань урьдах эхнэрээсээ нэг охинтой, одоо 8 настай. Нөхрийн маань охин ээжтэйгээ хааяа уулздаг, гэхдээ охин аавтайгаа үлдэнэ гэж хүссэн учраас бид хамт амьдардаг. Ээжтэйгээ тийм ч дотно харьцаатай биш, ээжийгээ нээх үгүйлээд байдаггүй, очих ч дургүй байдаг юм. Миний нөхөр хүүхдүүдтэй маань их сайн харьцаатай. Хүүхдүүд маань ч хоорондоо их сайн дотно харьцаатай байдаг. Ер нь бол манайх жаргалтай л айл. Би нөхрийнхөө охинтой ч дажгүй сайн харьцаатай. Би миний охин гэж дууддаг л даа, та бүхэнд ойлгомжтой болгохын тулд нөхрийн охин гэлээ ойлгоорой. Гэхдээ бидэнд нэг асуудал байнаа. Нөхрийн маань охин аавыгаа надаас их харамлах юм. Нөхөр маань миний хүүхдүүдийг эрхлүүлж, үнсэж тоглоход охин яах ч үгүй, хамт тоглоод баяртай байдаг. Харин нөхөр маань намайг үнсээд, тэврээд, хамтдаа байхыг харвал дүргүйцээд, над руу муухай хараад суучихна. Ажлаа тараад бид хоёр бие бие санаад хамтдаа тэврэлдэж суугаад кино үзэх, эсвэл бие биеэ үнсэх зэрэгт дүргүйцнэ.

Бүүр гэр бүлээрээ хамт суугаад кино үзье гээд дуудахаар нөгөө хоёр хүүхэд маань гүйгээд хүрээд ирнэ, харин охин бол ганцаараа дүргүйцлээ илэрхийлээд суучихна. Харин нөхөр бид хоёр түр тар хийсэн үед бол надтай тоглоно, хамт байж хүүхэд шиг хамаг юмаа яриад, инээж хөөрөөд баяртай л байдаг. Бид хоёр эвлэрээд, бие бие санаад жоохон нялуураад, тэвэрч үнсэх гэнгүүт хаалга үүд саваад уурлаад эхэлнэ дээ. Нөхөр ажилдаа явсан хойгуур надтай зөв зүгээр хөөрхөн харьцна. За тэгээд орой унтах үед манай өрөөнд орж ирээд намайг торгон унтлаганы хувцас өмссөн байвал, угүй ээ энийг өмс гээд зүгээр подволка гаргаад өгнө. Надаас байнга, аав таныг унтахдаа тэвэрч унтдаг уу, их үнсдэг уу гэж асууна. Бас та аавд таалагдах гэж ийм гоё хувцас өмсөөд, хумсаа будаад байгаа юмүү гэнэ. Ааваасаа, ээж бид хоёрийн хэнд нь илүү хайртай вэ гэж асууна. Надаас аав танд өнөөдөр хэдэн удаа хайртай гэж хэлсэн бэ гэж асууна, тэгээд надад таньд хэлсэнээс олон удаа хайртай гэсийн байна гэж хэлнэ. Нөхөр бид хоёр бүүр гайхаад, инээд ч хүрэх шиг, уур ч хүрэх шиг. Нөхөр маань охиндоо эвтэйхэн тайлбарлаад, аавын охиноо хайрлах хайр нэг ондоо, эхнэрээ хайрлах хайр гэдэг чинь шал ондоо асуудал гэх мэт янз бүрээр тайлбарласан. Загнаж ч үзсэн. Нэг хэсэгтээ гайгүй ойлгож байгаад, тэгээд дахиад л эхэлнэ. Энэ тохиолдолд одоо бид яах вэ, охиндоо ойлготол нь тайлбарлах уу, эсвэл том болоод өөрөө ойлгоно гээд тоохгүй орхих уу? Энэ одоо хэвийн үзэгдэл уу? Эсвэл энэ их хартай охин уу? Надад ч эхэндээ инээдтэй санагдаж байснаа, одоо үнэндээ дургүй хүрч эхэлж байнаа. Нөхрийгөө чөлөөтэй үнсэхээс ч болгоомжилдог болсон. Эсвэл 8 настай охинд хайр дурлалын тухай, эрэгтэй эмэгтэй хүмүүс яагаад хамт байхыг хүсдэг тухай гүнзгий ярьж тайлбарлаж өгөх уу? Би уг нь охидуудтайгаа ойр дотно найзууд шиг байж том болоход нь ч хамгийн дотны хүн нь болохыг их хүсэж байна. Ийм сонин зүйлээс болоод бид хоёр нөгөө хойд ээж, дагавар охин хоёрийн муухай харьцаанд орчихвий гэхээс айж байна. Яасан нь дээр вэ? Ийм байдалд орж байсан хүн байна уу?