1. ҮОД гэдэг нь ажлаа хийж байгаад бэртэл авах, хөдөлмөрийн нөхцөлөөс болж өвчин тусах, хөдөлмөрийн чадвараа алдах, доор дурдсан шалтгааны улмаас амь насаа алдсан ажилчдад зориулсан улсын нийгэм хамгааллын хөтөлбөр юм. Энэ хөтөлбөр нь тэжээлэгчдийнхээ хамтаар амьжиргаагаа залгуулах анхны нөхцөл буюу орлогыг баталгаажуулна.

ҮОД-ын бүх хураамжийг ажил олгогч хариуцна.

2. Гэрээгээр буюу албан ёсны ажилчид бүгд ҮОД-д даатгуулах ёстой.

3. Ажлын байран дээрээ ажлаа хийж байгаад осолд өртсөн цагаач ажилчид бичиг баримтын зөрчилтэй эсэх үл хамаарна дотоодын ажилчдын нэгэн адил эмчилгээний нөхөн олговор авах эрхтэй.

4. Хэрэв үйлдвэрийн удирдлагын зүгээс гэмтэл буюу өвчин авсан ажилчинд даатгалын тэтгэмж нэхэмжлэл өргөдөл бүрдүүлэхэд нь туслахгүй бол бидэнд утсаар (1588-0075) хандан дэлгэрэнгүй зөвлөгөө авч болно.

Журамд: Холбогдох тэтгэжийн нэхэмжлэл.

1. Үйлдвэрийн осол тохиолдох

2. Холбогдох тэтгэмж нэхэмжлэх өргөдөл бүрдүүлэх

3. Өргөдлийг үйлдвэрийн удирдлагын зүгээс манай салбарт гаргах

4: Өргөдөл гаргагч ийм тэтгэмж авах эрхтэй эсэхийг тодорхойлох

5. Өргөдөл гаргагчид мэдэгдэл өгөх

ҮОД-ын тэтгэмж

1: Эмчилгээний тэтгэмж Эмчилгээний тэтгэмжинд доорх тэтгэмж хүлээн зөвшөөрөгдсөн ажилтай холбоотой гэмтэл, өвчин авсан ажилчны эмчилгээнд зарцуулагдсан төлбөр, эмчилгээ нь дотоодод зөвшөөрөгдсөн ба эмнэлэгт 4 хоногоос илүү хугацаанд хийгдсэн эмчилгээний мөнгөн дүн орно.

2. Хөдөлмөрийн чадвараа түр алдсаны тэтгэмж

Ажилтай холбоотой гэмтэл, өвчин авсан ажилчдад олгодог хөдөлмөрийн чадвараа түр алдсаны тэтгэмж нь тэдний эмчилгээ хийлгэхийн тулд ажилдаа ирээгүй хоногийн дундаж цалингийн 70% хязгаарлагдана.

3. Гэмтэл-өвчний нөхөн олговрын жил тутмын төлбөр

Гэмтэл-өвчин нөхөн олговрын жил тутмын төлбөр нь ажилтай холбоотой гэмтэл өвчний улмаас 2 жил эмчлүүлсний дараа ч бүрэн эдгээгүй ажилчинд олгодог жил тутмын төлбөр юм. Энэхүү гэмтэл, өвчний байдал нь хөдөлмөрийн чадвар алдалтын стандартын зэрэгт таарсан байх ёсой.

4. Хөдөлмөрийн чадвараа бүрмөсөн алдсаны тэтгэмж

Эмчилгээнд бүрэн хамрагдсан хэдий ч хөдөлмөрийн чадвараа алдсаж тахир дутуугын 14 зэргийн нэгэнд хамаарч байвал хөдөлмөрийн чадвараа бүрмөсөн алдсаны тэтгэмжийг төлнө.

5. Сувилгааны тэтгэмж

Сувилгааны тэтгэмжийг эмчилгээ дууссаны дараа байнга болон түр хугацаанд сувилгаа шаардлагтай тэтгэмж авах эрхтэй ажилчинд олгоно.

6. Ар гэрийнхний тэтгэмж (Оршуулгын зардал )

Ажилтай холбоотой ослын улмаас нас барвал, ар гэрийнхэнд нь жил бүр 52/100-аас 67/100 хүртэлх дундаж мөнгөн дүнтэй тэнцэх нөхөн олговор буюу 1300 хоногийн дундаж цалингын хэмжээтй тэнцэх нэг удаагийн тэтгэмж олгоно.Ажилчны оршуулгын ёслолыг үйлдсэн ар гэрийнхэнд 120 хоногийн дундаж цалингын хэмжээтэй тэнцэх оршуулгын зардал нэмж олгоно.

7.Мэргэжлийн хэвийн байдалдаа эргэж ороход туслах тэтгэмж

Хөдөлмөрийн чадвараа бүр мөсөн алдсаны тэтгэмж авч буй, үйлдвэрийн ослоор гэмтсэн ажилчин ажилд орохын тулд сургалтанд хамрагдах хэрэгтэй бол, сургалтын зардлаа төлүүлж болно

Нэг удаагийн төлбөрийн хөтөлбөр

Хэрэв одоо эмчилгээнд хамрагдаж буй, үйлдвэрийн осолд орж гэмтсэн цагаач ажилчин эмчилгээгээ үргэлжлүүлэх шаардлагтай боловч эх орондоо буцах ёстой болбол, эмчилгээний тэтгэмж, хөдөлмөрийн чадвараа түр алдсаны тэтгэмжийн нийт мөнгөн дүнг нэг удаад бөөнд нь олгохыг хүсч болно. Энэхүү мөнгөн дүнг гэмтэл-өвчний байдлаас хамааруулан тооцоолно.

Байнга асуудаг асуултууд

Би ажиллаж байгаад гэмтсэн удаатай. Гэвч хууль бус цагаач ажилчин байсан тул тэд надад олгох ёстой нөхөн олговроо олгоогүй . Одоо би энэ гэмтлийнхээ тэтгэмжийг авах эрхтэй юү?

Тухайн үйлдвэрийн осол гарснаас хойш 3 жил өнгөрөөгүй, 4 хоногоос дээш хугацаанд эмчилгээ хийлгэсэн бол хууль ёсоор сууж байгаа эсэхээс үл хамааран нөхөн олговор авах эрхтэй

Ажил олгогч ажилтай холбоотой гэмтлийг маань хүлээн зөвшөөрөх дургүй байна. Тэгсэн ч гэсэн надад нөхөн олговор олгох уу?

Ажил олгогч ослыг хүлээн зөвшөөрөхгүй ч гэсэн таны ажлын байр харьяалагддаг манай салбарт нөхөн олговор хүссэн өргөдөл гаргаж болно. Ингэснээр бид үүнтэй холбоотой асуудлыг шийдвэрлэх боломжтой болно.

Эмчилгээнд хамрагдаж байхдаа ямар ямар төрлийн тэтгэмж авах боломжтой вэ?

Таныг хариуцан эмчилж байгаа эмнэлгийн байгууллагад эмчилгээнд орсон зардлыг олгодог бол хөдөлмөрийн чадвараа түр алдсаны тэтгэмжийг дундаж цалингын тэтгэмжийн 70-90%-иар бодож олгоно.

Би эх орондоо эмчлүүлмээр байна. Би яах вэ?

Та хожим эмчилгээний тэтгэмж, хөдөлмөрийн чадвараа түр алдсаны тэтгэмж, хөдөлмөрийн чадвараа бүрмөсөн алдсаны тэтгэмжийг авах эрхтэй болж магадгүй учраас эдгээрийг нэг удаад бөөнд нь авсны дараа эх орондоо буцаж болно.