Азийн Олимпийн Зөвлөлөөс олимпийн төрөд багтаж амжаагүй боловч хүүхэд залуус олноороо сонирхон хичээллэдэг спортын төрүүдийг дэмжих зорилгоор 2005 оноос Азийн танхимийн спортын наадамыг зохион явуулж байгаа билээ.
Хоёр жилд нэг удаа зохион явагддаг энэхүү наадамд манай кикбоксчид анхнаасаа амжилттай оролцсоор ирсэн уламжилалтай.
2009 оны 10 сарын 30 наас 11 сарын 8 нд Вьетнам улсын Ханой болон Хо Ши Мин хотод явагдсан наадамын кикбоксын төрөлд манай 4 тамирчин дасгалжуулагч О.Алтанпүрэвийн хамт оролцлоо.
Тэднийг Вьетнамийн зохион байгуулагчид дээд хэмжээнд хүлээн авч хаашаа  л явна цагдаагийн хамгаалалтай машин үйлчилж  ,кикбоксын тамирчдыг хотынхоо хамгийн сайн буудалд тооцогдох 5 одтой Гранд зочид буудалд байрлуулж нэг багт 3-н хөтөч гарган өгчээ.
Кикбоксын спортын төрөл энэ удаа өмнөд Вьетнамийн Сайгон буюу Хо Ши Мин хотын Вэн Дон спортын ордонд зохиогдож Азийн 12 улсын кикбоксчид эрэгтэй 6 эмэгтэй 3 жинд аваргуудаа тодоруулсан юм.
51 кгд Б.Мягмарсүрэн эхний учраа нь эзэн орны тамирчин Пи Лонг Жюен байлаа.
Тулаан эхнээсээ манай тамирчиний оновчтой довтолгоон, амжилттай хамгаалалт доор явагдаж , эсрэг талын тамирчины хөгжөөн дэмжигчдын шуугиан дунд өндөрлөж Монголын тамирчин дасгалжуулагчын хамт ялсанлаа бат итгэлтэй байсан ч 2:1 харьцаагаар Вьетнамын тамирчин ялах нь тэр.. бүгд гайхаж  Монголын тамирчин ялсан гэж ам амандаа ярихаас цааш хэтэрсэнгүй.
Б.Мягмарсүрэн бол Мишээл кикбоксын клубын тамирчин энэ жил орсон тэмцээн болгондоо түрүүлээд байгаа билээ , Рояал-2009, Hite Max 2009 халз тулааны аварга, тэрээр кикбоксчин мөртлөө боксын 2009 оны залуучуудын аварга шалгаруулах тэмцээнд хүртэл түрүүлсэн юм.
67кгд Ө.Төрбаяр эхний учраа  Тайландын тамирчин Чан Тарангсутай 3 үеийн турш ан мана үзэлцэн оноогоор хожигдлоо.
71кгдМишээл кикбокс төвийн тамирчин ОУХМ Б.Наадам Иракийн тамирчин Махди Фоудийг хожиж хүрэл медалийн болзол хангаад мөнгөн медалийн төлөө Вьетнам улсын тамирчин Ван Сю Нжюентэй тулалдаж , манай хүн 3 үе давамгай байсан ч бас л Вьетнам ялах нь тэр.
75кгд Г.Жавхлан хүрэл медалийн төлөө тулаанаа Кувейт улсын тамирчин Алкуллаф Мохаммэдтэй хийж эхний үед хожигдож 2-р үед тэнцэж 3-р үед илт давамгай байдлаар буулгаж анхныхаа наадмаас анхныхаа медалийг авлаа.
Мөнгөн медалийн төлөө тэрээр Иордан улсын тамирчин Салэмих Жадтай өрсөлдөж оноогоор хожигдсон юм. Түүний өрсөлдөгч нь Азийн Наадамын 2 удаагийн аварга 34 настай тамирчин байлаа.
Ийнхүү манай 4-н залуу тамирчин өөрсдийнхөө үүргийг нэр төртэй биелүүлж улсынхаа нэрийг дуудуулж ,улсынхаа далбааг 2 удаа өндөрт өргөж чадсан юм.