UBS music video awards -2009 6 дахь удаагийн наадам UBS music продакшны 10 жилийн ойтой давхацан 10-р сарын 8-ны өдөр СТӨ-нд сүр дуулиантайгаар болж өнгөрлөө. Энэ үдэш Монголын рок попын одод чуулж, улаан хивсэн дээгүүр алхаж, стиль имижээ тодорхойлон жилд ганц болдог наадамдаа ёслол хүндэтгэлтэйгээр ирсэн юм. UBS music video awards ёслолын ажиллагааг нээлтээсээ авахуулаад л сэтгэл догдлом, эрч хүч, урлагийн шинэхэн бүхнээр дүүрэн байлаа. Энэ жилийн наадмыг нээж UBS music-ийн 10 жилийн ойд зориулан бүтээгдсэн Сангидоржийн Сансаргэрэлтэхийн хөгжим “Stormy MONGOLS” бүтээлийг хийлч, МУСТА Ч.Дэлгэрцэцэг гоцлон, үндэсний дуу бүжгийн “Түмэн-Эх” чуулга болон ЦДБЭЧ-ын бүжигчид бүрэн бүрэлдэхүүнээрээ бүжиглэсэн тоглолт үзэгчдийн цөсийг хөөргөж, гал бадраачихаад орчихсон нь наадмын уур амьсгалыг эрч хүчээр хөглөж өгсөн гэж болно. Энэхүү бүтээлээ хөгжмийн зохиолч маань харь газар ажиллаж, амьдарч, амьдралын төлөө зүтгэж буй бүх Монголчууддаа зориулан бүтээсэн байна. Энэ зохиол нь сүүлийн үед гарч буй дан хөгжмийн бүтээлүүдээс эрс ялгархуйц, мэргэжлийн өндөр түвшинд найруулагдсан, Монгол өнгө аясыг шингээсэн, цар хүрээгээрээ Холливудад эгшиглэж баймаар баялаг дуугаралт, хэмнэлтэй ёстой л нэр шигээ шуурга мэт эрч хүчтэй бүтээл болсныг мэргэжлийнхэн хүрээнийхэн ам нэгтэйгээр хэлж байсан юм. Мэдээж энгийн үзэгчдийн хувьд дотор огшоосон, сэтгэл хөдөлгөм аялгууг хийлч Дээгий өөрийн дотоод мэдрэмж, хүчээр амилуулж, үзэгчдийг байлдан дагуулсныг онцлоход таатай. Бүжгийн дэглэлтийг үндэсний дуу бүжгийн “Түмэн-Эх” чуулгын уран сайхны удирдагч, бүжиг дэглээч Д.Энхгэрэл дэглэсэн бөгөөд модерн маягийн тавилттай, хөгжмийн хэлээ бүрэн илэрхийлсэн, шинэлэг өвөрмөц цогц бүтээл болж чадсан юм.

Нэрт хөгжмийн зохиолч Сангидоржийн хүү С.Сансаргэрэлтэх эцгийнхээ авьяасыг өвлөж, шийрийг хатааж өдгөө алс холын Америкт амьдарч байгаа ч уран бүтээл нь эх орныг нь донсолгож, элэг нэгтнүүд нь энэ үдшээс хойш хүүгээ сураг тавьж эхэлсэн гэлтэй. П.И.Чайковскийн нэрэмжит хөгжмийн консерватур, мөн Испанийн Реал консерватурыг тус тус дүүргэсэн, өндөр боловсролтой хөгжмийн зохиолч. Өөрөөр хэлбэл чадалтай хөгжмийн зохиолч, хийлч, бүжиг дэглээчдийн хамтарсан гайхалтай бүтээл Stormy MONGOLS.

Энэхүү бүтээлийг онцолсны учир UBS music продакшны 10 жилийн ойд зориулан бүтээгдсэн, энэ үдэш анх үзэгчдийн хүртээл болж, хамгийн гол нь тэнд цугласан үзэгчдийн цөсийг хамгийн ихээр хөөргөсөн эхлэл байсан юм. Түүнчлэн тоглолтонд дуучин Нора, наадамд морин тэрэг хөлөглөн ирсэн “Моханик” хамталг, амьд хөгжмийн гэх тодотголтой явах болсон The Lemons хамтлаг, “Эмоушн”—ы Т.Солонго буюу May-C нараас гадна дуучин BX, Quiza, Эгшиглэн, Агиймаа нарын яг одоо уран бүтээлээрээ залуусын таашаалыг хамгийн ихээр хүлээгээд буй дуучид оролцож ая дуугаа өргөсөн. Ерөнхийдөө наадмыг хамтран зохион байгуулсан Fusion брэндийн хэв маягаа эвдэцгээе хэмээх уриа наадмын утга агуулгыг тодорхойлж байсан гэж болно. Рок попын акулуудаас поп дива С.Наран хүчирхэг, амьд хоолойны чадлыг гайхуулсан, гүн гүнзгий угта агуулгатай үг бүхий “Welcome to my heart” дуугаа дуулж үзэгчдийг тавтай морилохыг урьсан. Ингээд та бүхэндээ энэ жилийн шилдгийн шилдэг клипийн эздийг танилцуулъя. ☆★ <***АЗ ЖАРГАЛ ХҮСЬЕ ***>>>> ☞ <***АЗ ЖАРГАЛ ХҮСЬЕ ***>>>>☜ 

Аз жаргалыг дараа ир гэж битгий буцаа 
Анхны яргуй цасан дороос ургадаг шиг 
Аадар бороо дээд тэнгэрээс асгардаг шиг 
Аз жаргалын элч цаг цагтаа ирдэг юм

Хойтон жилийн наадамдaa  хадгалсан 
Хоргой эмжээртэй дээл бишээ аз жаргал 

Бороо шар  нарны гэрэл солонго болон нумладаг шиг 
Бодол ариуссан насны жаргал хайр болон ивлэдэг юм

Зузаан янаг сэтгэл  бодлоо  ч 
Зуурдын энэхэн хорвоогийн зураг хатуу 
Арзыг хорз болтол нь нэрж болохоос бус 
Аз жаргалыг дараа эдэлнэ гэж битгий хадгал..

Аз жаргалыг дараа эдэлнэ гэж  битгий хуур 
Ачит ээжийгээ дараа жаргаана гэж  хоногийг битгий хуур 
Аугаа эх орноо дараа мандуулна гэж дайсандаа  битгий хуурт 
Амьдралын амраг ханиа  битгий  хуур

Аз жаргал гуйлгачин шиг хаалгыг  чинь тогшвол   
Агшин хором  эргэж эс ирдэгийг   битгий  умарт 
Ариухан сэтгэлийн  бодлоо  битгий  хадгал 
Аяндаа минийх л юм чинь гэж намайгаа  битгий шаналга

Шагласан торгон дээл шиг 
Шаналалд идэгдсэн гундуу заяа  хоцордог  юм 
Шатаж  эс амжих   унтарсан гал шиг 
Санасаар яваад улирах  дутуу амьдрал хоцордог юм

Алтан зуузай уяан дээр хангинахад 
Аянчин хорвоогийн морийг тосож ав 
Аяар аяар хаалгыг чинь тогших 
Аз жаргалыг  битгий буцаа...





One More Time -In grid

 
One Mone Time - 쥬얼리





  

1. Шилдэг санаа- “7 сарын 1” дууны клипээр Тэнүүн, Quiza нар. V студи. Ивээн тэтгэгч Fusion brand
2. Шилдэг продюссер – Д.Болдын “Crazy fashion”, “Bonita”, дуучин Э.Агиймаагийн “Надаас чи” дуугаар В продакшны захирал Д.Болд. Hero entertainment. Ивээн тэтгэгч MAX fashion shop.
3. Шилдэг найруулагч – Д.Болдын “Crazy fashion”, Lumino MC “Төлөө” дуугаар Hero entertainment-ын найруулагч Б.Баатар. Ивээн тэтгэгч UNITEL корпораци
4. Шилдэг зураглаач – Дуучин Ч.Анугийн “Чамд жаргал ирнэ” дууны клипээр V студийн найруулагч Түвшинтөр. Ивээн тэтгэгч ХАС банк
5. Шилдэг зураач – Take off хамтлагийн “Зөвхөн чиний төлөө амьдармаар байна” дууны клипээр Zaya`sh студийн Ш.Даваахай. Ивээн тэтгэгч CASHMERЕ WORKSHOP
6. Шилдэг дүрс график эвлүүлэг – “Арга билэг” хамтлаг, Шуранхай Д.Эрдэнэчимэг, “Гэмтэй дээ”. Lemon студийн Л.Лхагвадорж. Ивээн тэтгэгч АЭРОМОНГОЛИЯ авиакомпани
7. Шилдэг дэбют – The Pips “20:30” дууны клипээр Flykillers студи. Ивээн тэтгэгч ЖЭМ ИНТЕРНЭШНЛ компани
8. Шилдэг дүр бүтээлт – “Дурлалыг юутай зүйрлэх вэ” дууны клипээр дуучин Л.Ган-Эрдэнэ. N entertainment. Ивээн тэтгэгч SKYTEL компани
9. Шилдэг имиж бүрдүүлэлт – Төгөлдөр хуурч Ами, “Flight of the bumble bee”. N entertainment. Ивээн тэтгэгч BE брэнд
10. Олны таашаалд нийцсэн клип -  “Love song” дуугаар Дуучин BX, Эгшиглэн нар. V студи.  Ивээн тэтгэгч СИТИНЭТ компани
11. Поп хамтлаг дуучдын шилдэг клип – “Love song” дууны клипээр ВХ, Эгшиглэн нар. V студи. Ивээн тэтгэгч “Монгол газар” компани
12. Хип хоп хамтлаг дуучны шилдэг клип – “Төлөө дуугаар” Lumino хамтлагийн MC. Hero entertainment. Ивээн тэтгэгч Time shop
13. Рок альтернатив хамтлаг дуучны шилдэг клип -  “Үлгэр” дууны клипээр Fire хамтлаг. TJ entertainment. Ивээн тэтгэгч BECK^”S  брэнд
14. Сонирхогчийн шилдэг клип – Ц.Батзаяагийн “Өнгө түгээгч” дууны клип.

Энэхүү 14 дэхь номинаци бол энэ жил наадамд шинээр орж ирсэн отгон номинаци юм. Өмнө нь зөвхөн мэргэжлийн клипмейкерүүдийн дунд зохиогддог байсан бол энэ жил сонирхогчдоор хүрээгээ тэлсэн нь 10 жилийн ойтой холбоотой гэж зохион байгуулагчид онцолж байсан. Ийн энэ намрын, энэ жилийн Монголын рок поп ододын чуулган UBS MUSIC VIDEO AWARDS-2009 ёслолын ажиллагаа сүр дуулиантай, амижлттай болж өнгөрлөө. Энэ жилийн наадамд 30 орчим хамтлаг, 30 гаруй дуучны 180 орчим клип өрсөлдсөн нь 520 гаруй студи, продакшны бүтээлүүд байв. Наадмыг жил бүр мэргэжлийн баг шүүн явуулдаг бөгөөд энэ жилийн тухайд МҮОНТ-ийн дарга, сэтгүүлч Ц.Оюундарь, “Хит интертайнмент”-ын захирал Д.Давааням, On`off-ын гэдгээрээ олонд танил, найруулагч Р.Тулга, “Free line” студийн захирал, зураач Ц.Гансэрээ, “Гэсү дизайн”-ы захирал, зураач Г.Ганбаатар, NTV телевизийн ерөнхий продюссер Б.Түмэн-Өлзий, дизайнер Н.Соёлмаа нарын бүрэлдэхүүнтэй шүүн тунгааж, шилдэг 14 клипийг шалгаруулсан юм. Наадмыг энэ жил Fusion брэнд хамтран зохион байгуулж байгаагаас гадна манай томоохон компаниуд ивээн тэтгэгчээр оролцсон өргөн цар хүрээтэй наадам болж өнгөрсөн юм.