Чөлөөт бөхийн дэлхийн аварга шалгаруулах тэмцээн өнөөдрөөс Данийн Хернинг хотноо эхэлж байна. Харин манай тамирчид өнгөрөгч бямба гарагт дэлхийн аваргад оролцохоор Данийн зvг хvлгийн жолоо залах ёстой байлаа. Гэвч цаг агаарын таагvй байдлаас болж нислэг хойшиллоо гэх шалтгаан зааж өчигдөр өглөө арайхийж эхний жингийн гурван тамирчнаа илгээлээ. Цаг агаар л гэж шалтаглаж байгаа болохоос биш vнэндээ чөлөөт бөхийн холбооны удирдлагуудын хариуцлагагvй байдлаас болж тамирчид маань хvнд байдалд ороод байгаа нь нууц биш. Аль долоо хоногийн өмнөөс л цаг агаарын таагvй vзэгдлийн талаар сэрэмжлvvлэг мэдээг өдөр тутам мэдээлсээр байтал явах цагийн хуваарийг зохицуулж яагаад болсонгvй вэ. Хангалттай л хугацаа байлаа шvv дээ, та нарт. Ямар хэдхэн орны дунд данстай олон улсын нэрэмжит тэмцээнд оролцох гэж байгаа биш дээ. Арай л дэндvv хайнга хандаж байгаа юм биш vv. Дэлхийн аварга шалгаруулах тэмцээн болох газартаа дор хаяж долоо хоногийн өмнө очиж орчноо судлан, жингээ тааруулж, бэлтгэлээ базаадаг бичигдээгvй журам байдаг биз дээ. Бусад холбоод чинь иймэрхvv дvрэмтэй ажиллаад амжилт гаргаад л байна шvv дээ.

Байгуулагдаад нэг их удаан хугацааг өнгөрөөгөөгvй байгаа чөлөөт бөхийн холбооны өнөөх шинэ менежмент нь тэгээд энэ болж таарч байна уу. Та бvхний шинэ менежмент чинь тамирчид цагийг нь тулгаж тэмцээндээ оролцоод ялагдаад бай гэснээс огт ялгаагvй санагдаж байна. Тэгээд ч Дани улс манайхтай цагийн зөрvv нь таарахгvй учир эртхэн очиж тааруулдаг ёсыг чөлөөтийн албанынхан даанч умартсан бололтой. Цагийн зөрvv нь гараагvй тамирчид амжилт vзvvлж байсан тvvх бараг л байхгvй дээ. Чөлөөт бөхийн холбооны ерөнхийлөгч Л.Чинбат өөрөө тамирчдаасаа тvрvvлээд Данийг зорьсон гэнэ. Энэ нь чухам хаанахын ёс юм бэ гэдгийг би асуумаар байна. Холбооны ерөнхийлөгч нь тэмцээнийг зохион байгуулах хороонд хvсэлт гаргаж ямар ч байсан тамирчдаа оролцуулахаар болсон бололтой. Ингэлээ гээд ядраад очиж байгаа тамирчид амжилт гаргах уу, бодоод vз дээ.

Өчигдөр өглөөний 08.55 минутаас Москва-Берлиний чиглэлийн онгоцоор гавьяат тамирчин Б.Наранбаатар, П.Өнөрбат, Л.Алтантулга нар Данийн зvг хvлгийн жолоо залжээ. Тэмцээндээ оролцох нь ч оролцох л бололтой. Харин цаадахыг нь эрт хэлээд яахав. Зvгээр л харж байя. Тэгвэл vлдсэн хэсэг нь vдээс хойш 16:00 цагаас Улаанбаатар-Москва чиглэлийн нислэгээр эх орноосоо нислээ. Хэрвээ монголын тамирчид энэ удаагийн дэлхийн аварга шалгаруулах тэмцээнд амжилт муутай оролцвол хариуцлагыг нь чөлөөт бөхийн холбооны удирдлагуудаа та нар өөрсдөө vvрээрэй.

Томоохон тэмцээн уралдаанд амжилт гаргаж чадахгvй бол тамирчид бурууг нь vvрч, нvvрлvvгээ чичлvvлдэг. Vнэхээр тамирчдын буруу байсан бол бас яая гэхэв. Холбооны хариуцлагагvй удирдлагуудаас болж тамирчдын нэр хvнд яагаад ч сэвтэх учиргvй ээ