Боксын ДАШТ /Дэлхийн аварга шалгаруулах тэмцээн/ Италийн Мелан хотноо єчигдєр эхэллээ. Хоёр жилд нэг удаа болдог 15 дахь удаагийн ДАШТ-д таван тивийн 143 орны боксчин 11 жинд алт, мєнгє, хvрэл медалийн тєлєє хvч vзнэ. Энэ удаагийн ДАШТ-нд манай улс анх удаа бvрэн бvрэлдэхvvнээрээ буюу есєн жинд єрсєлдєнє. Манай тамирчдын салхийг хагалж 51 кг, 64 кг-ын тамирчинТ.Нямбаяр, Монгол Улсын гавьяат тамирчин У.Мєнх-Эрдэнэ нар эхний тоглолтоо хийнэ. Тэмцээн монголын цагаар 17.30 цагаас эхэлсэн бєгєєд Т.Нямбаярын тулаан энэ єдрийн 14, МУГТ У.Мєнх-Эрдэнийнх 26 дахь тоглолт юм. Тиймээс дугаар шилжих мєчид манай боксчдын тоглолт эхлээгvй байлаа. Манай бусад тамирчдын хувьд Э.Идэрхvv /54 кг/ єнєєдєр Белорус, Т.Чулуунбаатар /75 кг/ Доминиканы, ОУХМ З.Энхзориг /60 кг/ Хорватын тамирчидтай єрсєлдєхєєр оноолт таарчээ. Маргааш Б.Жавхлан /57 кг/ Ж.Отгонжаргал / 69 кг/ нар рингэн дээрх анхны тоглолтоо хийнэ. Харин баасан гаригт С.Эрдэнэбаяр /81 кг/ Йорданы боксчинтой тулалдахаар оноолт таарсан байна.

Энэ удаагийн ДАШТ-д тамирчид хоёр минутаар дєрвєн vе тоглодог байсныг болиулж, ємнєх дvрмийн дагуу гурван минутаар гурван vе тоглохоороо онцлог болж байна. Харин сугалааг тамирчдын vзvvлсэн амжилт, зиндаагаар хийх юм. Тиймээс єндєр зэрэглэлтэй тамирчид эхний тойрогт хоорондоо учраа таарахгvй нь. Монгол Улсын гавьяат тамирчин П.Сэрдамбын /48 кг/ сугалаа ч энэ жишгээр гайгvй таарчээ. Тэрээр эхний тойрогтоо гоц мєргєсєн бол хоёрдугаар тойргийн тулаанаа энэ сарын 5-нд Словакийн тамирчинтай хийнэ.

МИЛАНЫ РИНГЭНД ХVЧ VЗЭХ МОНГОЛЫН БАГ ТАМИРЧИД
48 кг Бээжингийн олимпийн мєнгєн медальт, гавьяат тамирчин П.Сэрдамба
51 кг Н.Тєгсцогт
54 кг Э.Идэрхvv
57 кг Б.Жавхлан
60 кг ОУХМ З.Энхзориг
64 кг Гавьяат тамирчин У.Мєнх-Эрдэнэ
69 кг Ж.Отгонжаргал
75 кг Т.Чулуунтємєр
81 кг С.Эрдэнэбаяр