Бичлэгийн тоо 2,391
Х.Эрдэнэт-Од, О.Гүндэгмаа, Н.Баярмаа нар үрийн зулай үнэрлэжээ
Уншсан 1789 vote 0 2009.08.07 12:24:25
Монголын спортын ертөнцөд алдар нэрээ дуурсгасан эрхэмсэг хатагтай нар маань энэ үхэр жилд нярайлж үрийн зулай үнэрлэх нигууртай байжээ. Спортын аль ч төрөлд амжилт гаргахаар сэтгэл шулуудсан бүсгүйчүүдэд үр хүүхэд төрүүлээд, гэр орон сахиад байх нь амжилтад нь сөргөөр нөлөөлөх магадлал өндөр байдаг ч юм шиг. Тиймээс тэд хувийн аз жаргалаа огоорч, бэлтгэл сургуулилтдаа шамддаг нь нууц биш. Хүн төрөлхтний спортын их баяр олимпийн наадам өнгөрсөн жил өмнөд хөршийн нийслэл Бээжин хотод болсноос хойш манай эмэгтэй тамирчдад үрийн зулай үнэрлэх сайхан боломж олгох шиг боллоо. Хүүхэд ахуй наснаасаа бөхийн спортод хүчээ үзэж, улсын аваргын амжилтыг олонтаа биелүүлсэн Монгол Улсын гавьяат тамирчин, жүдо бөхийн үндэсний шигшээ багийн дасгалжуулагч Х.Эрдэнэт-Од эх, үрсийн баярын өдөр буюу энэ оны зургадугаар сарын 1-ний өдөр амаржиж охинтой болсныг бид өмнө нь мэдээлж байсан билээ. Тэгвэл Монгол Улсын хөдөлмөрийн баатар, Бээжингийн олимпийн буудлагын төрлийн мөнгөн медальт, гавьяат тамирчин Отрядын Гүндэгмаа хэдхэн хоногийн өмнө АНУ-ын Солт Лейк хотод нярайлж хүү төрүүлсэн баярт мэдээ байна. Монголынхоо нэрийг дэлхийн чихнээ дуурсгасан алдарт тамирчин маань ууган охиноо есдүгээр ангид сурч байхдаа төрүүлсэн гэдэг. Буудлагын дасгалжуулагч Ундралбаттай алба, амины холбоотой байсан тэрээр сүүлийн жилүүдэд гавьяат тамирчин, Афины олимпийн хүрэл медальт Х.Цагаанбаатартай амьдарч байгаа юм. Бээжингийн олимпийн хүндийн өргөлтийн төрөлд шагналт 6-8 дугаар байрт шалгарсан, олон улсын хэмжээний мастер Н.Баярмаа бас саяхан үрийн зулай үнэрлээд байгаа юм. Ийнхүү спортын талбарт хурд хүч, авьяас мэдрэмжээ сорьдог бүсгүйчүүд маань 2012 оны Лондонгийн олимпоос өмнө хувийнхаа амьдралд санаа тавьж, үр хүүхдээ төрүүлсэн ажээ.
- Холбоотой бичлэг :
- http://www.mglclub.com/2047052/3a8/trackback
