Хайр олон янз – Та тавдугаар хайр нь байж чадна. Өөрийгөө чөлөөл!!!
Яг үнэндээ хайр маш олон байдаг гэдэгтэй та санал нийлэх байх. Амраг хосын, аав ээжийн , анд нөхдийн, үр хүүхдийн, Бурхны хайр гээд л ...
Тэгвэл, ингэж ангилахгүйгээр арай өөрөөр ангилаад үзье.

Нэгдүгээр хайр - Өөртөө л хайртай хүн.
Мөн чанартаа өөрийгөө ч хайрлаж чаддаггүй хүн. Тэр бол адгуус ч байж мэднэ. Бусдыг айлгаж дарамталснаараа өөрийгөө хамгаалж, хайрлаж байгаа мэт боловч өөртөө ямар их хор хөнөөл учруулж байгаагаа ч мэддэггүй өчүүхэн амьтан. Тэгээд энэ нь зөв гэж боддог. Гэвч энэ үйлдэл нь тийм бишээ.
Хоёрдугаар хайр - Өөртөө хамааралтай бүхнээ л хайрлaдаг хүн.

Өөрийн хайртай хүнээ, хайртай бүхнээ амиараа ч хамаагүй хамгаалдаг. Өөрийн хайраа өмч мэт ханддаг. Түүний хайртай хүн өөрт нь хайргүй байх эсэх нь хамаагүй. Хайртай хүн нь өөр хүнд хайртай байсан ч явуулахгүй тийм хүн. Тэр бол хувиа хичээгч бирднээс ялгаагүй. Тэгээд тэр:

-Би тэрийг хайрлаад байхад ойлгохгүй юм.....

гэж хайрынхаа араас харамсан хайр нэхэж, түүнээсээ болж өөрийгөө ч өрөөлийг ч зовоодог хүн юм.

Гуравдугаар хайр - Өөрийнхөө хайртай бүхэнд хамааралтай бүхнийг хайрлaдаг хүн.

Тийм хүн өөрийнх нь хайртай хүний хусэл зоригийг хундэлдэг. Тэгээд түүнд хамааралтай бүхнийг ч мөн түүн шиг хайралдаг. Тиймээс тэр өөрийн бух өчөөхэн ч гэсэн эд зуйлд ч хямгатай хандаж үр хүүхэд ээж аавийгаа хайртай хүнээ жинхэнээр нь харлаж чаддаг хун. тэр бол жинхэн хүн мөн. Тиймээс тэр анд нөхөд элгэн садандаа ч эх орондоо хэрэгтэй хүн байдаг юм

Дөрөвдүгээр хайр -  Энэ хүн маш их чин сэтгэлтэй хүн.

Тэр бол аугаа нэгэн. Тэр амьтай бухнийг, байгаль дэлхийгээ, дэргэдээ байгаа хүн шигээ л хайралдаг. Түүний дэргэд байгаа хүн хэзээ ч хайр халамжаар дутахгүй. Тэр хүн түүнийг таньдаг үгүй нь хамаагүй юм. Тэр бүгдийг л ээж шигээ, хайртай залуу, бүсгүй шигээ л хайрладаг тийм л аугаа хүн байдаг даа. Тэр бол Тэнгэрийн дагинс, Тэнгэр илч нар.

Тавдугаар хайр -  Энэ хүн бүр илүү гайхалтай хүн юм.

Түүний дэргэд хүн байхгүй байгаа нь огт хамаагүй. Түүний хайранд орон зай цаг хугацааны хязгаар гэж үгүй. Түүнд хайрлaдаггүй зүйл гэж үгүй. Тэр бүхнийг хайрладаг. Мод чулууг хүртэл хайрлaдаг. Дайснаа ч хүртэл элгэндээ тэврээд хайрлаж чаддаг байхад хүн та ямар их хайрыг амсдаг гээч. Даанч үүнийгээ анзаардаггүй нь л харамсалтай. Тэр бүгдэд санаа тавьж тэр энэ гэж ялгадаггүй. Түүнд бүх зүйл ямар ч ялгаагүй. Сайхан муухай, сайхан сэтгэлтэй муу санаатай зэргийг ялгаж хайрлaдаггүй юм. Тэр бол Бурхан юм. Түүнийг ямар ч үгээр илэрхийлэх аргагүй юм. Түүнтэй зүйрлэх нэгэн нь юм хаа ч байхгүй. Тэр өчүүхэн жижиг эсийг ч хүртэл бүх л ертөнцийг хайрлаж байгаа шигээ хайралдаг. Тэр бол ариун нандин хайр юм.

За за энэ бол миний л бодол байлаа.
Амьддаа бие биенээ хайрлаарай. Анд минь.
Найз минь.  Ямар ч зүйлийг хайраар хийвэл үр дүн нь хайр л байх болно.