Анхны учрал эсвэл сүүлийнх байдаг, эсвэл гайхамшигтай ер бусын санагддаг.Цоо шинэ мэдрэмж, огт ондоо таашаал анхны учралыг онцгой болгодог биз. Энэ содон сонин таашаалыг дахин мэдрэхийг хүсч, үгүй бол энэ нь андуу зүүд байсныг өөртөө батлах гэж эрчүүд хоёрдах болзоонд бүсгүйчүүдийг дууддаг.
Тэгээд л хоёрдох болзоо сүүлийнх болдог...ЭСВЭЛ



Хоёрдох болзооны дараа олон эрчүүдийн "шинэ"-ийн халуун буурч, хөл нь газар дээр эргэн бат гишгэж байдаг. Хоёрдахь болзоо ихэвчлэн ганц хоёр хоногийн дараа болдог бол гуравдахь болзоонд урих зоригийг гаргах гэж эрчүүд хүүхнүүдийн мэддэггүй битүү шаналлаар зовдог юм байх. Анхны учралын дараа тэд дур хүсэлдээ шатаж, инерциэрээ дараагийн тулаандаа дууддаг бол хоёрдахынхаа дараа тэд ахин уулзах хэрэггүй , эсвэл заавал уулзах ёстой гэсэн хоёр шийдийн нэгийг гаргах гэж бөөн юм болдог.Гуравдахь болзооны урилга тэдний хувьд зүгээр нэг нийллэг, цагийг зугаатай нөхцөөх асуудал биш , энэ хүн хэн болж болох вэ гэдэг асуулт тавигддаг.


Та хэн байж болох вэ?
Та одоо түүнд хэн шиг харагдах ёстой вэ гэдгээ шийдхийн тулд ухаанаасаа илүү зөн билгээ сонсох хэрэгтэй болно.Ямар ч байсан түүнийг цочроохгүйн тулд ямар нэгэн зүүж байгаагүй баг битгий сонгоорой. Эрсдэлтэй туршилт нь цаг хугацааны шалгуур давсан хосуудад илүү баталгаатай үр дүнг авчирдаг. Орчин тойрны хүмүүсийг цочруулах хэтэрхий зоримог секс хувцас таны өөртөө итгэлтэй байдлыг илэрхийлэх түрэмгий маягийн төрх түүний энэ удаагийн эргэлзээтэй алхамын бурууг батлах учраас "хэм хэмжээ" гэдэг үгийг энэ өдрийн турш амны уншлагаа болгоорой. Төлөв хэр нь тачаал цухалзсан , маш сайн хийцийн , нэр хүндтэй фирмийн загварыг сонговол сайн. (Мэдээж таныг 3 дахиа урьсан залуу иймэрхүү зүйлийг ялгаж салгах байлгүй дээ) Та энэ мөчид зориулж их мөнгө, ухаан, цаг зав их гарзадсан байх, гэхдээ энэ аялал таныг хүрэх гэсэн өндөрлөгт чинь гаргах учраас танд үүнээс илүү амжилтыг авчрах болно шүү дээ. Таны будалт, үс засалт, аксессуар сонголт, бие авч яваа байдал , үг бүр чинь уйгагүй хийсэн сургуулилт шиг л ердөө байгаагаараа байгаа мэт санагдах хэрэгтэй.


Та хэн байж болохгүй вэ?
Ямар ч үед , бүр хэрэг гарсан ч та цэцэн ухаантан байж болохгүй. Ирэх 50 жилийн турш таны хосгүй мэргэн үгсийг сонсч суух ялыг сэтгэлдээ төсөөлөн суух боломжийг түүнд бүү олго.Ямар нэг шинжлэх ухааны үнэлж барашгүй мэргэжилтэн , эсвэл явдаг нэвтэрхий тольтой болохсон гэж тэр таньтай уулзаагүй байх гэж бодож байна. Гэвч та түүний чин хүсэл сонирхолыг нь мэдэрч дургүй байсан ч дуртай болж чадах "ашигтай золиосын зарчмыг бариарай." Түүнд ээжийг нь эмээг нь асрагчийг нь хэзээ ч бүү санагалзуулаарай. Та түүний ирээдүйн сүйт бүсгүй шалгаруулалтын 83-т бичигдэж байж болох ч халамжлан хүмүүжүүлэгч хуулийн зөвлөх гарын туслахын аль нь ч одоогоор биш гэдгээ мартав.Гэхдээ та дээдсийн хүрээлэнгийн ёслол, найз рокеруудын цугларалт ээж аавтай нь зусланд барих үдшийн зоогийн аль альнийг нь чимж чадах бүсгүй гэдгээ аядуухан ойлгуулна биз. Нэгэн танил эмэгтэй маань хэлсэн үг, минийхээр бол ёстой оройдоо залмаар суут үгийг би танд зориулья."ЭР ХҮНИЙГ ТААВАР НЬ Л БАЙЛГА. ТААВААРАА Л ГАРТ ОРООД ИРДЭГ ЮМ" гэж.


Та юу хийж болохгүй вэ?
Эр хүнтэй жоохон дотносонгуутаа л бэлэг өгөх өвчин санхүүч эсвэл хэт сааталтай эмэгтэйчүүдээс бусад хүүхнүүдийг дайрдаг гэнээ. Энэ бол өгөөмөр сэтгэл_ баяр хөөрийн илрэл, нэмэх оноо авах үзүүлэлтийн аль нь биш.энэ бол аюулын дохио.!! Бүр нэг юм өгөхгүй бол амьсгал чинь тагларах гээд  хөрст дэлхий хөмрөх гээд байвал хэнч хэнд ч өгч болох энгийн үнэгүй юмийг бэлэглэж үз. Хамгийн моодны хүүхэлдэйн түлхүүрний оосор, компьютерийн хажууд тавих одой кактус, гоё мөртлөө үнэтэй биш асаагуур байж болох юм.Түүнээс биш хувийн эзэмшил гэрт нь тавих зураг, эдлэл, дотуур ба гадуур хувцас, их үнэтэй зүйл зэрэг нь гоонь эрийн ертөнцийх нь хаалгийг тогшсон хэт тулган хүлээлгэсэн авир мэт ойлгогдоно. Мөн түүний ба өөрийн ирээдүйн амьдралыхаа нь талаар гэр бүлийн талаар нэг ч үг унагаж болохгүй.Ялангуяа хүүхдийн тухай яриа эрчүүдийг өөрөөсөө холдуулах найдвартай арга.Түүний дэргэд цагаан хоол мацаг барих тухай битгий ярь.Харин энгийн эрүүл хүнсийг боловсон идэж чаддаг соёлоо гайхуулж таны бие дотор эрхтэн эрүүл гэдгээ харуулбал дээр


Эцсийн цохилт
Амталж үзээгүй юмныхаа амтыг хүн тэр даруй тодорхойлж чаддаггүй шиг анхны шөнийн дараа сайн муу гэж байдаггүй, огт өөр, бусдын адил гэж хоёрхон ангилал байдаг.Хоёрдах шөнийн тачаангуй үлгэрийн дараа худлаа домог, ид шидийн найраг хоёрын нэг нь үлдэнэ.Тэгвэл энэ гурав дах шөнө танаас сайн бодож бичсэн зохиолын, гайхамшигтай үнэн жүжиглэлийг үзүүлж чадах хичээнгүй тоглолтыг шаардаж байна даа. Эхний хоёр уулзалтаар та торгон арьс , анхилуун ус уян гулгааг харуулсан бол одоо таны биеийн хонхор нугалаа бүхний тархины эс ширхэг бүрийн аль хэр мундагийг үзэх болох нь дээ. Битүү туфли өмсөхөө больсон өнөө цагт цэмцийсэн педикуртэй, нялх хүүхдийнх шиг зөөлөн ягаахан өсгийтөй хөлөөр , сайн чанарын задгай гадсан өсгийт жийсэн байвал эдийн чансаа мэддэг нүнжигтэй эр бол лав л тэсэхгүй дээ. Таны чимгийн үнэ нь бус зүүсэн чих хүзүү хуруу тань дээд зэргийн арчилгаатай байх ёстой. Өвдөг, тохой өгзөг суга цавь гэх мэт анхаарал татах хэсгүүд тан байнгийн бэлэн байдалд онц дүнтэй явдаг гэж найдья.