Монгол туургатны хип хоп их наадам “Ub palace”-т 7-р сарын 10-ны өдөр болно гэсэн сүржин уриатай реклам баахан цацагдсан ч өнөөх наадам нь бололгүй хойшилсон. Энэ тухай тодруулахад ямартаа ч уг тэмцээнийг зохион байгуулах үүрэг хүлээсэн хип хоп холбооны ерөнхийлөгч ноён Баавар хэд хоног дарааллан архи ууснаар удаан хугацаагаар “шартаж” Монголд анх удаа болох байсан хип хоп их наадамд оролцохоор ирэх байсан хамтлаг дуучид зохион байгуулагч талынхныхаа энэхүү хариуцлаггүй байдлыг тэсэж чадалгүй, тэгээд ч үнэ хөлсөн дээрээ тохиролцоогүйгээс ирэхээ хойшлуулсан гэнэ. Ер нь хип хоп холбооны ерөнхийлөгч Бааварын “шартсан“ гэж хэлдэг энэ арга нь хэд хэдэн удаагийнх ба өмнө нь ч иймэрхүү шалтгаанаар хэвлэлийн бага хурлыг хүртэл хойшлуулж байсан нэгэн. Ямартаа ч Даян аварга Г.Өсөхбаяр, аварга Д.Сумъяабазар нар Монгол туургатны бөхийн барилдаан хийж цөм ашиг олсоныг соргогоор ажигласан Хип хопын ерөнхийлөгч Монгол туургатны хип хоп наадам хийх гэсэн боловч “шарталтаас” болоод хүсэл нь талаар өнгөрчээ.