Өнөөдөр нийслэл болон зарим аймгуудад хүчтэй, ширүүн бороо орж үер бууснаас олон хүний амь нас эрсдэж, эд хөрөнгийн хохирол учраад байна. Одоогийн байдлаар нийслэлд 3 хүүхэд, 1 том хүн осолдоод байгааг ОБГ тогтоосон бол Говь-Алтай аймагт 18 хүн үерийн усанд осолдсон байна. Тус аймагт одоогоор 17 хүний цогцсыг олсон бөгөөд эрж хайх ажиллагаа үргэлжилж байгаа юм байна. Тэдгээр хүмүүс малаа хариулж, үнээгээ сааж, гэрийн ажлаа хийж байсан малчин иргэд аж.
Нийслэл хотод үдээс өмнө бүрхэг тэнгэр, хүчтэй салхитай байсаар үдээс хойш болоход бороо хаа нэг дуслаж, удалгүй 14 цагийн үед гэнэт ус ихтэй ширүүн бороо шаагин орж, яах ийхийн зуургүй зам талбай усаар дүүрч, машин явах аргагүй болоход ойрхон болоод байсан юм. Зөвхөн төв замын усыг шавхаж аваад байгаа бөгөөд зарим туслах замууд усанд автаад байна.
Хан-Уул дүүргийн Биокомбинатад үерийн далан сэтэрч ойролцоо амьдарч байсан 4 айл үерт автан, гэр нь урсаж явсан бөгөөд газар дээр нь онцгой байдлын шуурхай алба ажиллаж байгаа аж. Мөн Улаанхуаран, Баянзүрх дүүргийн нутаг дахь гэр хорооллын зарим айл усанд автаад байгаа юм байна. Түүнээс гадна зусланд гараад байсан зарим айл өрхийн гэр усанд автаж эд хогшил хөвөн урсаж байгаа талаар мэдээлэл ирлээ.
Мөн Баянзүрх дүүргийн нэгэн байрны машины зогсоолын хажуудах хана усанд түрэгдэн нурснаас гурван машин дарагдаад байгаа аж.
Ийнхүү гэнэтийн аюул, гамшиг тохиолдсоноос Улсын онцгой комисс яаралтай хуралдсан юм.
Э.Заяа
![IMG_3355 []](http://sonin.files.wordpress.com/2009/07/img_3355.jpg?w=600&h=400 "IMG_3355 []")
![IMG_3356 []](http://sonin.files.wordpress.com/2009/07/img_3356.jpg?w=600&h=400 "IMG_3356 []")
![IMG_3369 [] copy](http://sonin.files.wordpress.com/2009/07/img_3369-copy.jpg?w=400&h=600 "IMG_3369 [] copy")
![IMG_3377 []](http://sonin.files.wordpress.com/2009/07/img_3377.jpg?w=600&h=400 "IMG_3377 []")
![IMG_3378 []](http://sonin.files.wordpress.com/2009/07/img_3378.jpg?w=600&h=400 "IMG_3378 []")
![IMG_3409 []](http://sonin.files.wordpress.com/2009/07/img_3409.jpg?w=600&h=400 "IMG_3409 []")
![IMG_3349 [] copy](http://sonin.files.wordpress.com/2009/07/img_3349-copy.jpg?w=600&h=400 "IMG_3349 [] copy")
Фото зургийг:
Б.Батгэрэл
sonin.mn ees
