Бие давхар эмэгтэйчүүдийн гар утасны хэрэглээ хүүхдийнх нь хүмүүжил, ааш занд нөлөөлдөг гэдгийг судалгаагаар нотолжээ.

АНУ-ын олон нийтийн эрүүл мэндийн сургуулийн эрдэмтэн Лейка Кейфетс тэргүүтэй судлаачид 13159 хүүхдийг судалгаандаа хамруулжээ.

Тэдгээр хүүхдийн ээж нь бие давхар байхдаа мөн судалгааны үйл явцад хамрагдаж байсан аж. Олон жилийн ажиглалтын үp дунд жирэмсэн байхдаа гар утас их хэрэглэдэг байсан эмэгтэйчүүдийн хүүхэд бусадтай харьцуулбал сэтгэл хөдлөлөө илэрхийлэх, биеэ хянаж авч явах, хөдөлгөөн хийхдээ тааруу байгааг илрүүлсэн байна. Жирэмсэн эх үүрэн утас ашиглахад өөрийнх нь биед хүчтэй нөлөөлөхгүй боловч нялх хүүхдэд илүү хортой байдаг аж. Гар утасны долгион хүүхдийн тархинд томчуудынхаас хүчтэй нөлөөлж, сэтгэл мэдрэл, оюун санааны согогтой болоход түлхэж ч болзошгүй гэнэ. Үүнийг судлаачид бие давхар эмэгтэй тамхи татахтай жишин тайлбарлаж байгаа юм. Эхийн хэвлийд байгаа нялх үp төдийгүй бяцхан жаалуудад гар утас ашиглах муу нөлөөтэй гэдгийг эрдэмтэд мөн сануулжээ.

Ванны хөөсрүүлэгчийг үнэрт нь бус, өөрийн бие организм, зан чанарын онцлогт тохируулан сонгох нь чухал шүү!

Нарс шилмүүсний үнэр: Мансуурам сайхан үнэр нь танд ойд зугаалж байгаа мэт сэтгэгдэл төрүүлнэ. Ийм хөөсрүүлэгч нь ядаргааг тань түргэн тайлж, эрч хүч өгөх, сэлбэх увдистай. Сэтгэлийн гомдол, гутрал, цөхрөнгүй байдлыг арилгадаг онцлогтой. Ажил хэрэгч, ажилдаа дарагдсан хэн бүхэнд тохирох хөөсрүүлэгч.

Мандарин: Сэнгэнэсэн үнэр нь танд романтик байдал, хааяа ч гэсэн хорвоогийн аль болж бүтэхгүй бодит үнэнээс тасарч тэнгэрт умбах мэт гайхамшигт мэдрэмжийг төрүүлнэ. Яаруу тэвдүү, асуудлаа буруу шийддэг, сэтгэлийн хөдөлгөөн ихтэй эмэгтэйд тэнцвэрийг авчирах тул хэрэглэхэд илүү зохистой.

Жүрж: Жүржийн үнэртэй хөөсрүүлэгч нь өөрийн хүчинд итгэх, өөдрөг үзэлтэй болоход нөлөөлдөг. Хэт даруу, өөртөө итгэл муутай эмэгтэйд тохирно.

Сүү, зөгийн бал: Сүү, зөгийн балны холимог хөөсрүүлэгч нь арьсыг уян хатан болгохын сацуу гайхамшигтай зөөлрүүлдэг. Энэхүү хөөсрүүлэгч нь стресст автамтгай, эмзэг бүсгүйчүүдэд илүү тохирно.

Нимбэг: Гайхамшигтай үнэр нь таны цог золбоо, идэвхжилийг тань нэмэгдүүлнэ. Нимбэг нь олон тооны ашигтай бодисыг агуулдаг. Үүнд бактери устгагч чадвар нь бие организмын нянжилт, мөөгөнцөрийг арилгах, багасгах үйлчилгээтэйг мартуузай. Шинийг эрэлхийлэгч, шалмаг, санаачлагатай эмэгтэйчүүдэд илүү тохирно.