Гадаад иргэнтэй гэр бүл болох нь жил бүр 20%иар өсч байгаа бөгөөд солонгос иргэнтэй гэр бүл бологч гадаад эмгэтэйчүүдийн ажлын байрны асуудал хөндөгдөж эхэллээ.

 Өнгөрсөн сарын 28ны өдөр Засгийн газрын ордны төв байранд  “Гэр бүл бологч гадаад эмэгтэйчүүдийг ажлын байраар хангах бодлого, санал бодол” сэдэвт хэлэлцүүлэг явагдлаа.

Ажлын байрны тухай хэлэлцүүлэг эрчимтэй болж, оролцогчид бодол санаагаа илэрхийлэн цаашдаа бодлого боловсруулан хэрэгжүүлэх нь чухал болохыг тэмдэглэлээ. Энэхүү хэлэлцүүлэгийг Засгийн газрын “ирээдүйн хот” форум болон Гёнги аймгийн Гэр бүл эмэгтэйчүүдийн судалгааны төв хамтран зохион байгуулсан ба Засгийн газрын ирээдүйн хот форумын төлөөлөгч Ли Ин Жэ хөтлөн явууллаа.       

Ансан хот дахь Эмэгтэйчүүдийн ажлын байрны асуудлыг шийдвэрлэх төвийн захирал Ким Ин Жон нь “Гёнги аймаг дахь гэр бүл бологч гадаад эмэгтэйчүүдийн тоо  маш хурдтай  өссөөр байгаа бөгөөд гадаад эмэгтэйчүүдэд туслах улсын болон иргэдийн байгууллагын программт ажил явагдсаар байна. Энэхүү үйл ажиллагаа хэдийгээр их байгаа ч ажлын арга барил эзэмшүүлэх сургалт үнэндээ ховор байна” гэлээ.

Дун А Илбу дэд захирал нь “ажил хийхтэй зэрэгцэн хүүхдийн асуудал гарч ирдэг бөгөөд  Олон соёлт гэр бүлийг сайн бэлтгэвэл ахих зам урагштай ч , хэрвээ чадахгүй бол үнэхээр хүндрэл учрах болно” гэлээ.

Мэдээж бахархалтай тохиолдол ч байна. Гэр бүл бологч эмэгтэйчүүдийн хэлний хос чадварыг ашиглан орчуулагч, англи, хятад хэлний багш, эх хэлээр зөвлөгөө өгөгч, хүүхэд асрахад зөвлөгч багш зэргийг дурдаж болно. 

Ким Ин Жон дарга нь мөн нэгэн чухал тохиолдол бол гадаад эмэгтэйчүүд бүтээл урлан үзэсгэлэнгээр дамжуулан англи, хятад хэлээр жүжиг, тоглолт бэлдэн үзүүлж улмаар цэцэрлэг болон сургалтын байгууллагад ажилд орох ч бий “ гэлээ. 

Нөгөө талаас зурган эмчилгээгээр дамжуулан гадаад эмэгтэйчүүдэд үлгэр дуурайл, зөвлөмж болдог гэлээ.

Гёнги аймаг Гэр бүл эмэгтэйчүүдийн бодлого төлөвлөлтийн эрхлэгч ГуСүн Жа “жил бүр 40 гадаад эмэгтэйд солонгос дахь бүтээгдэхүүний үнэ, гэр бүлийн санхүүгийн асуудлыг тооцоолох, төлөвлөх талаархи ойлголтыг дээшлүүлэхийн тулд эдийн засгийн сургалтыг явуулах болно” гэлээ.

행정안전부의 гадаад иргэдийн мэдээнээс үзвэл Гёнги аймагт амьдарч буй гадаад эмэгтэйчүүд нь Хятадын Солонгос үндэстэн, Хятад үндэстэн, Пиллипин, Тайланд, Япон үндэстэн ихээр суурьшиж байгаа бөгөөд Гёнги аймагт/ Ансан, Сүвон, Соннам зэрэгт /хамгийн их, дараа нь Сөүлд ихээр оршин сууж байгаа юм байна.

Тоогоор авч үзвэл 2007онд 31,987оос 2008онд 39,395болж, Олон соёлт гэр бүлийн тоо 2007онд 6,617оос 2008онд 11,131 болж өссөн байна.

Ажилд орж чадахгүй байгаа шалтгааныг авч үзвэл:

▲хүүхдээ асрах шаардлагатай/54,5%/
▲тохирох ажлын байр байхгүй/14,2%/
▲Солонгос хэл мэдэхгүй/11,7%/

-Ажил олох арга зам

▲Нутаг нэгтнээс мэдсэн/25,1%/
▲Солонгос найзаас мэдсэн/23,5%/
▲Олон нийтийн байгууллагаас мэдээлэл авсан/2,5%/

Ажил хийх шалтгаан:

▲Амьдралын өртгөө дээшлүүлэх/28,6%/
▲Өрхийн орлого болох/24,5%/
▲Хөгшрөөд ирэхээрээ ашиглах/14,3%/
▲Гэр лүүгээ явуулах/6,5%/ байлаа. 

Солонгос иргэнтэй гэр бүл бологч гадаад эмэгтэйн хүүхдийн сургалтанд гарсан алдааны талаар монгол эмэгтэйг танилцууллаа. Солонгос хэлийг огт мэдэхгүйгээр гэр бүл болж улмаар хүүхдээ гарган өсгөхдөө ч энэ байдал үргэлжилсээр байлаа. Иймээс хүүхэд ч хэл ярианы чадвар оройтон бусадтай харьцаж чадахгүйд хүрсэн. 

Тэгсээр  4настай хүү нь эмнэлэгээс “сэтгэцийн өөрчлөлттэй” гэсэн онош тавигдлаа. Ээж нь ч энэхүү мэдээнээс болж сэтгэл зүйн өөрчлөлтөнд орлоо. Тэр хүү шинжилгээ болон тоглоомт эмчилгээ хийлгэн сайжирч буй ажээ. 

Ийм байдлаар ээжийнх нь гадаад хэлний чадвар муу байх нь хүүхдэд ихээхэн нөлөө үзүүлдэг байна. 

Гуян хотын Олон соёлт гэр бүлд туслах төвийн захирал Ким Им Ён нь хэлний бэрхшээл 34,3% буюу хамгийн их хүндрэлийг үзүүлдэг атал солонгос хэлний сургалтын төсөв нь Олон соёлт гэр бүлд туслах нийт төсөв болох 9тэрбум 9зуун мянгын 7% буюу 700саяыг зарцуулж буй нь учир дутагдалтай байна гэлээ. 

Мөн хэл, хүүхдээ өсгөх, гэр бүлийн байдал, соёл гм янз бүрийн дэмжлэг хамтдаа өгөгдөхгүйн улмаас үнэндээ ажлын байраар хангагдах нь боломжгүй байна гээд бодит байдалд төсвийн хэмжээг ихэсгэх хэрэгтэй гэж үзлээ. 

Гёнги Их сургуулийн Олон соёлт гэр бүлд туслах төвийн дэд захирал Со Жун Нам нь гоо сайхан, жолоо гм төрөлх хэлээрээ шалгалт өгч үнэмлэх авахаад ажлын байраар ханган  дэмжлэг үзүүлэх нь чухал байна гэлээ.        

Мөн Ажлын байраар хангах сургууль нээх талаар санал тавилаа. Гадаад эмэгтэйчүүдийн ихэнх нь их дээд мэргэжилтэй бөгөөд эдгээрийн солонгос хэлний асуудлыг шийдвэрлэж чадвал ихээхэн үр дүнг гаргах болно гэж үзлээ. 

Олон соёлт гэр бүлд өсч буй хүүхдийн цэцэрлэг, бэлтгэл сургуулийг олшруулж дүүрэг бүрээр гадаад эмэгтэйчүүдийн нетворк холбоог бий болгон нийгэмтэйгээ зэрэгцэн алхах чадвартай болгох нь чухал байна гэсэн санал гарч байлаа.

Гёнги аймгийн гэр бүл эмэгтэйчүүдийн судалгааны төв, эмэгтэйчүүд HRD судалгааны мэргэжилтэн Ким Ён Хэ нь Олон соёлт гэр бүлд туслах төслийн талаар танилцуулаад, өв соёлын сургалтаар дамжуулан олон соёлын талаархи ойлголтыг дээшлүүлэх асуудал ч гарч ирж байна гэлээ.

Ли Ин Жэ гишүүн нь АНУын Head Start программт ажлыг жишээ болгон ерөнхий чиглэлийг санал болгов. АНУын хувьд Олон соёлт гэр бүл ба эмэгтэйчүүдийн сургалтыг төлөө 1976оноос засгийн газраас программт ажил явуулсаар ирсэн.

1964оноос эхэлсэн Head Start нь сургалтанд хамрагдаж чадахгүй иргэд болон гадаад иргэд, гэр бүл салсан иргэдийн 3-5 насны сургуулийн өмнөх насны хүүхдүүдэд зориулсан программ юм.

АНУын засгийн газраас 1994оноос 0-2 насны хүүхдүүдэд хүртэл Early Head Start программт ажлыг явуулж байна.

АНУ нийт 18,000 төв байгуулагдаад улсын тусламж болон иргэдийн сайн дурын үйл ажиллагаагаар дамжуулан тусалсаар байна.

Мөн Асран хүмүүжүүлэгч  эцэг эхчүүдийн холбооноос Олон соёлт өрх толгойлсон эхчүүдийн төслийн явуулж байна. Гэр бүл салсан эмэгтэйчүүдэд бие даан амьдрах чадвартай болтол байраар ханган, зохих хугацаагаар хүүхдийг нь асарч өгөх дэмжлэг ч байдаг гэлээ.

 Со Жун Нам дэд захирал нь солонгос бол төрөлтөөр бага, өндөр настаны тоогоор их үзүүлэлттэй учир гадаад эмэгтэйчүүдийн ажлын байрны асуудалд гадаад эмэгтэйчүүдийг оролцуулах нь чухал гэлээ.

Ким Им Ён захирал нь гадаад эмэгтэйн шаардлага болон улсын бодлогын нэгдмэл байдлыг чухалчлаад ажлын байраар хангагдах хүртэл туслах хэрэгтэй гэж үзлээ.

Энэхүү хэлэлцүүлэгт Ханнара намын Ким Дун Сон, Ли Бом Ре, Кан Сон Чонь, Ли Чол Ү гишүүн, Ардчилсан намын Ким Хы Чол гишүүн, Хууль Зүйн Яамны Нийгмийн нэгдмэл систем багийн ажилтан оролцлоо.

Ли Ин Жэ гишүүн нь Гёнги аймгийг төв болгосон хэлэлцүүлэгийн дагуу санал хүсэлтийг тавихаар төлөвлөж буйгаа илэрхийлээд 6сард төрийн зүгээс Олон соёлт гэр бүлийн талаар хэлэлцүүлэг явуулах болно гэлээ.