Vй олноороо харьд одож их юм сурч, их мєнгєтэй болж ирээд Монголоо хєгжvvлнэ гэнэ.

Энийг яаж батлах вэ? Ихэнх хvн мэргэжлээсээ єєр, мэргэжил шаардагдахгvй ажил хийж, Aмерикт гэхэд л эмч хvн очоод ачигч, математикч мах, ногоо хэрчигч, инженер хvн асрагч хийж, бас Мексик голдуу цагаачидтай багагvй єрсєлдєж байх жишээтэй. Эмч нь эмнэлэгт ядаж сувилагч, инженер хvн засврчин хийж мэргэжил чaдвараа тэлэх бололцоо бага байна. Хувь хvмvvс маань санхvvгийн хувьд одоогоор хожиж байгаа мэт боловч vндэсний эрх ашгийн vvднээс харвал Монголчууд бид ирээдvйд хожигдож мэдэх нь.
.
Тэд маань их мєнгє илгээж байна. Ах дvvдээ маш их тус болж бйна. Даанч тэр мєнгєний нэлээдийг баар, шоундаа идэж уугаад дуусгаж сайндаа л машин болгоод унаж байна. Харьд хєлсєє дуслуулж, хvнийг царайчилж олсон мєнгєєр нь эргээд гадаадын vйлдвэрлэгчидийг тэжээж байна гэсэн vг. Тоног тєхєєрємжєє хаягдал хэмээн Хятдуудад зарчихсн болохоор архи найруулж бусдыгаа хордуулахгvй л юм бол эх орондоо юм хийхэд амаргvй байна. Оймс нэхээд 500 тєгрєгєєр зарна гэвэл Хятадууд 300 тєгрєгєєр цохино. Гадагшаа гарсан Монголчуудын тvрvvч нь эргэхээр цаг болсон. Гэвч тэд алга. Тэдний зарим нь буцах битгий хэл одоо Монгол руугаа буцна гэснийгээ євчтэй хvн байх гэж гайхаж сууна. Хvvхдээрээ явсан нь харьд дасч байна. Хариад юу хийх вэ гэж тэд их ярьдаг. Бас Монгол дахь эрvvгийн нєхцєл байдлаас их айж байна.
.
Хотод єссєн хvvхдvvд аав ээж найз нєхдєє санахаас биш Монголын хаа нэгтээ байгаа уул гол, тал, нуурыг зvvдлэх биш (аав ээж нь нутгаа vзvvлээгvй бол). Тэдний заримд нь цемент бол хаа ч адилхан. Нэгэн цагт тєрийн хар хайрцагт байсан охид маань дэлхийгээр нэг бэлчиж явна. Тэгэхээр тэр хайрцагт юу байдаг юм бvv мэд. Уг нь манайх шиг vндэстэн нєхєрт гарч хvvхэд гаргаагvй охидоо харьд илгээх нь эмгэнэл. Vндэстний эрх ашгаас давсан хvний эрх байх ёсгvй гэвэл фашист гэгдэх биз. Тэгвэл vндэстэнг vрэн таран хийвэл хэн гэгдэх вэ?! Америкт 10 жил байгаа залуу "Монголд 2 байртай болсон ч 2 хvvхэдтэй болсонгvй" гэж хэлж байсан. Єєрєєр хэлбэл мєнгє Монгол хvvхдийг орлохгvй гэсэн санаа цухалзуулж байна.
.
Америкт настангууд асрамжийн газарт насны намраа тухтай єнгєрєєдєг учраас vр хvvхэдгvй байлаа гээд нэг их санаа зовох юмгvй байдаг. Харин Монголчууд нутагтаа ясаа тавина гэдэг. Энэ нь хvч тамираа дуустал, євгєн эмгэн болтлоо харьд сууна, харь орныг хєгжvvлнэ гэсэн vг битгий болоосой. Харьд гарсан асар олон Монголчууд, одоо гарахаар зэхэж байгаа хvмvvст идэр насандаа эргэн ирж Монголоо хєгжvvлнэ гэдэг нь vнэн vv? Япончууд, Солонгосууд хоёрдугаар дайны дараа Америк явж ирээд улса хєгжvvлсэн юм шиг манайхан ярьдаг. Арай ч тиймгvй юм билээ. Нєгєєдvvл нь эргэж ирэх биш, харин тэндээ жаапантаун, корейтаун байгуулаад vлдчихсэн, нэлээд нь оргvй уусчихсан. Япон чинь тэднээс ємнє хамаг юмаа єєрсдєє хийдэг орон байсан, тиймдээ л дэлхийн дайн хийлцэж aагар, газар, усанд Америктай ана мана байлдаж байсан билээ.
.
Филлипин, Пакистан зэрэг олон орны хvн амын нэлээд хувь нь цагаачилж ажилласаар мєн ч удаж байна. Жишээ нь Америк хvн хєгшрєхєєрєє Филлипин асрагч хvvхнvvдийн гарт очдог гэмээр. Гэвч дээрх орнуудын ихэнх хvмvvсийн амьдрал ядуу хэвээр. Аав ээждээ эргэж ирэхгvй гэж хэлээд явсан хvн бйхгvй биз. Гэвч тэд усaнд хаясан давс шиг уусчээ. Америкт Ирланд цусыг ямар нэгэн хэмжээгээр агуулсан хvн 60 сая байгаа гэдэг. Ирланддаа одоо зєвхєн гурвхан сая ирланд хvн vлджээ. (mанайх шиг 2,5 сая хvнтэй улс, орон орон руу цацах аянаар эхэлбэл хэд маань vлдэх бол). Ирланд залуус одоо ч Америкт ирсээр байдаг юм билээ. Гэтэл одоо Ирландын Дублин хот 50000 цагаач Хятадтай болжээ. Английн эрхшээлд орсон Хойд Ирландад бvvр ч цєєхєн Ирланд хvн vлдэж тэндээ vндэсний цєєнх болов. Монголчууд бид Ирланд vндэстний туулсан, туулсаар яваа шиг тvvхийг эхлvvлчихээд байгаа мэт. Ирландууд Америкт цагаачилж эхэлсээр 500 жил болжээ. Их ч мєнгє гуйвуулсан байх. Олон сая Ирланд цагаачдын гуйвуулсан байх ёстой олон тэрбум доллар наалдаж одоо Ирланд улс цойлсон юмгvй л байна. Тэр битгий хэл Ирландууд кельт хэлээ мартаж байна гэнэ. .
.
Цагаачдын мєнгийг технологи vйлдвэрлэлд биш гол тєлєв идэж уухад зарцуулсан бололтой. Ирланд биш Америк хєгжсєн. Ирланд одоо эдийн засгийн чадавхаараа Грек, Португалийн зиндаанд, Европтоо бол хойгуур ордог юм. Америкийн бєєрєнд наалдсан, бас АНУ vvссэн єдрєєс хойш сая сая хvнээ ажиллуулсаар ирсэн (одоо Америкт 30-аад сая бий гэдэг) Мексикт одоо болтол ихэнх хvний амьдрал ядуу байгаагаас мянга мянгаараа Америкийн хилийг єдєр шєнєгvй нууцаар давсаар. Америкийн дэлгvvрийг Мексикийн биш далайн цаадах Хятадын бараа дvvргэж байна. Америкт хэдэн зуун жил хvмvvсээ ажиллуулаад байгаа Мексик гялалзаагvй байхад Монголчууд бид бvгдээр гадаадад гарч ажиллаад ч эргэж улсаа хєгжvvлж чадах уу? Гэртээ хоол хийхээс тєвєгшєєн биеийн амрыг харж, хvvхдvvдээ айл айлаар хэсvvлж, тэднээрээ хоол зєєлгєж идээд баяжсан айл байдаггvй бололтой. Сvvлдээ бvvр балайраад эх орноо тvрээслээд баяжия гэсэн ухуулга хийж явдаг хvмvvс ч бий болжээ. Энэ нь ээжийгээ мєнгєтэй хvнд тvрээслэнэ гэснээс ялгаа юу байна.
.
Монгол улсад нийт Монгол vндэстний дєнгєж 25 хувь буюу 2.3 сая нь байна. Монголчууд биологийн насжилтаараа залуугаараа Сайхан сайхaн бvсгvйчvvд 4-5 хvvхэдтэй биш, 4-5 дипломтой зaлуу нaсыг бaрж байна. Ээмэг зvvсэн хєвгvvд олширвол удалгvй гомо, лесби хэмээх манингууд залгаж мэдэх тул хvний єсєлтєд бас саад болно гэсэн vг. Сvvлийн 10-аад жилд гадагшаа яваад эргэж ирээгvй Монголчуудын тоо Монголд тєрж байгаа хvvхдийн тооноос олон дахин давж эхэллээ. Манайхан орон зайгаа vлдээн гадагшаа дvрвэж асар олноороо харьд одсоор байна. Аймаг сумын тєвийнхэн ч Улаанбаатар "хот улс" руу дvрвэн бєєгнєрч тэндээсээ дэлхийн аянд мордож ард нь асар их нутаг эзгvйрэн, тэдний тєрvvлээгvй vр хvvхдийн орон зай vлдэх нь. Охид хєвгvvдийн маань орхиод vлдээсэн орон зайг нутагтаа vргэлж чихэлдэж халууцаж байдаг орныхон дvvргэхээ цуваад эхэлбэл яах вэ?, Тэднийг байлгаач гэвэл яах вэ?, энэ хоосон хашаанд чинь ирж бууя гэвэл яах вэ? Хадны мангаагаар бvv айлга гэх бизээ. Тэдний хувьд бидний vлдээсэн орон зай диваажин шиг санагдах ч юм билvv.
.
Хэрвээ Монгол улсыг Монгол хvнтэй нь ирээдvйд байлгана гэж байгаа бол одооноос бодох хэрэгтэй мэт. Зээл тусламжаа ямарч дарамтгvйгээр цуцалчихдаг Орос шиг их гvрэн битгий хэл пvvс компани ч цаашид бидэнд таарахгvй биз.Дэлхийгээр нэг цагаачилсан Монгол гэх эрээвэр хураавар хvмvvс 2000 жилийн дараа эргэж ирээд бас Израйлийн тvvхийг эхлvvлэх vv. Энэ бол хvсээд байхаар хувь заяа биш байхаа.
.
Саяхан Улаанбаатарт дvрвэгсдийн асуудлаар олон улсын нэгэн бага хурал болсон дуулдсан. Могол, Хазар (тэдний бэсvд зэрэг Монгол овгийнхон), Халимаг мэтийн хvний нутагт суугаа ах дvvсээ авах цаг ирвэл тэд туслах гэж байгаа бол ч яахав дээ. Харин захын нэг дvрвэгсдийг авчрах асуудлыг тавивал оронд нь єєрийн ах дvvсийг авчирья гэсэн асуудлыг сєргvvлэн тавих хэрэгтэй мэт санагдана. .Монгол гаралтайгийнхаа тєлєє хядуулж гадуурхагдаж ирсэн ах дvvс бидэнд бий шvv дээ. Америкчууд Талибуудыг хєєхєєр Афганд ирэхэд зэр зэвсэг муутай Хазарууд цэргvvддээ гутал гуйж байсан гэдэг. Узбекууд нь Узбекстан, Туркээс, Тажикууд нь Тажикстан, Иранаас, Пуштунууд нь Пакистан, Арабуудаасаа зэр зэвсэг авч байхад Хазарууд л ганцаардаж байсан. Иранчууд хvнд хэцvv vед Афганы Тажикуудад зэр зэвсэг, нисдэг тэрэг єгсєн атлаа єєрсдийнх нь тєлєє цусаа урсган байлдаж ирсэн Хазаруудад Хомейнийхоо зургийг л илгээж байсан гэдэг. 1944 оны євєл Сталин Халимагуудыг ачааны вагонд чихэж (тал нь замдаа хєлдєж дарагдаж vхсэн) Монголын хилийн ойролцоо цєлєєд байхад ч Чойбалсан тэр боломжийг ашиглах нь битгий хэл байсан тул тэд 10-аад жил болоод харийн нутгийн гvн рvv буцаад явчихсан. Харaмсалтай нь Монголчууд бид бие биенээ татах биш тvлхэх юм даа. Бидний зарим нэг нь євєр Монголчуудаас жийрхэж Хятад гэх нь холгvй байдаг. (Хятадууд тэднийг Хятад болсон гэж vзээгvй байхад шvv дээ). Ар Монголыг чєлєєлєх тэмцэлд хэдэн зуугаараа цусаа урсгаж байсныг нь мартсан бололтой.
.
Хэдэн жилийн ємнє Орхоны эрэг дээр Хархорины хэдэн залуус "Хотонтынхонтой алалцана" гээд хєлчvvрхэж байхтай таарч билээ. Далайн цаана байгаа нэг Монгол харь эзэндээ нутаг нэгтнээ сэмхэн гvтгэн ажлаас нь халуулж байсан нь ганц тохиолдол биш. Амьдрах орон зайгаа тэлэхийн тєлєєх тэмцэл дэлхийд улам хvчтэй єрнєж байхад харин бид орон зайгаа vлдээн харийн газар чихэлдэхээр одож, vлдсэн хэд нь виз хєєцєлдєх хоорондоо газар нутгаа хайр найргvй сэндийчин байна гэвэл хэр хэтрvvлсэн болдог бол. Нэгэн цагт дэлхийг донсолгож явсан vндэстэн хvний нєєцєндєє хайнга дvлий хандсаны эцэст хулан тахь шигээ цєєрч манж хєршийнхєє хойноос мордох болбол ичмээр. Бас хvн тєрєлхтєнд ч харамсалтай бус уу. Бидэнд одоо vндэсний vзэл, vндэсний vйлдвэрлэл хоёр ус, агаар мэт дутагдаж байна.