Та яарч байхдаа иддэг, эсвэл зурагтын өмнө хивж суудаг бол ходоодны шархлаа тусахад гайхах зүйлгүй. Түүнчлэн гамбургер байнга иддэг, чихэрлэг ундаанд дурладаг бол ходоодны салст давхарга үрэвсэхээс өөр аргагүй.

     Стресс, спиртийн төрлийн ундааг хэтрүүлэх, тамхи татах нь байдлыг улам хурцатгадаг. Түүнээс гадна ямар ч архаг өвчин ходоод үрэвслүүлж мэднэ. Ходоодны шархлааг ихэнх хүмүүс ноцтой гэж үздэггүй бөгөөд үүнийг байх ёстой зүйл мэт хүлээн авдаг байна. Үнэндээ бие махбодь ямар нэгэн өвчнөөр хэзээ ч өвдөхгүй байх ёстой систем юм. Ходоодны шархлаа ч бас хүмүүсийн заавал тусах ёстой өвчин биш. Тиймээс энэ өвчний шинж тэмдэг илрэхгүй байх талаар эртнээс арга хэмжээ авах хэрэгтэй.

     Хоолны үеэр юу ч битгий уу. Тэр ч бүү хэл ус ч уух хэрэггүй. Энэ нь ходоодны шүүс сулруулдаг гэмтэй. Ус, цайг хоолноос 30 минутын өмнө буюу хоолны дараа цаг болж байгаад уна. Тамхи, спиртийн төрлийн ундаа, давсалсан гахайн мах, цуу, шарсан хуурсан хоол, даршилсан бүтээгдэхүүнийг аймшигт зүүд мэтээр март.

     Хоол хүнсээ маш удаан, тайван ажил. Хоолоо хазах бүртээ 20 удаа зажлаад үзээрэй. Зурагт, компьютерээ унтрааж, сонингоо хойш нь тавь. Энэ бол хоосон үг биш. Судалгаагаар хоол идэх үедээ зурагт үзэх нь хорт хавдар үүсгэдэг гэнэ. Уурлаж бухимдаж, гомдож цухалдаж болохгүй. Энэ үед хоол хүнс бие махбодид хор болно. Үүнээс болж ходоод муудна.

    Хоол идэж байхдаа сэтгэлийн хөдөлгөөнд автах, тэр ч бүү хэл хэт баярлаж болохгүй. Хэрвээ таны ходоодны хүчил ихэдсэн, шархлаатай бол жүржийн төрлийн жимс, улаан лооль, исгэсэн байцаа хэрэглэхээс татгалзаарай. Харин ходоодны хүчил багасдаг шархлаатй бол сүү, шөл хэт их уух хэрэггүй.