Батга маш олон шалтгаантай гардаг. Зарим хүн фторокорт, преднизолон, зэрэг даавартай тос хэрэглэснээс болсон байдаг. Жирэмснээс сэргийлэх болон харшлын эсрэг эм, иодын бэлдмэлийг удаан хугацаагаар хэрэглэхэд батгашдаг. Жишээ нь: Жолооч, лаборант, бензин түгээгүүрийн ажилтан, химийн бодистой харьцаж ажилладаг хүмүүст батга гарах хандлагатай байдаг.

Батгатай хүмүүст хориглох заалт:

1.Нүүрээ байнга халуун усаар угаавал арьс суларч эрт хөгшрөх хандлагатай болохоос гадна арьсны нүхдрэл ихсэх барзайх шалтгаан болдог.

2.Тослог арьстай хүмүүс нүүрээ сүүн шингэнээр цэвэрлэж, тэжээлийн тос түрхэж, крем тавьж болохгүй.

3.Мэдээжийн хэрэг өөх төс, давс ихтэй халуун ногоотой хоол хэрэглэх хэрэггүй.

4. Архи, тамхи хэрэглэж, бэлгийн харьцааны дэг журамгүй амьдрал нь батгыг эдгээхгүй байх том шалтгаан болдог.

5.Кофе болон хэт сэргээх бэлдмэл чихэр ихтэй гурилан бүтээгдэхүүн хэрэглэх сайн биш.

6. Баталгаагүй гоо сайхны бараанаас батгаа сэдрээдэг тал бий. Иймээс урьд хэрэглэж байгаагүй шинэ тос, пудр хэрэглэж байх явцдаа арьсныхаа өөрчлөлтийг ажиглаж сурах хэрэгтэй.

7. Агааржилтгүй халуун батгыг ихэсгэнэ. Иймд ажлын өрөө тасалгааныхаа салхивчийг 2-3 цаг тутамд онгойлгож, цэвэр агаар оруулаарай.

8. Арьсан дээр ямар нэг юм гардаг бол халуун наранд удаан байж, бүгчим газар олон цагаар ажиллах хэрэггүй.

9. Өдөн дэр, ноолууран хөнжил бүр ч шаардлагагүй. Хүний арьс амьсгалах, тос, хөлс ялгаруулахад агшиж, сунах чадвартай, гуужин унаад нөхөн төлжигддөг чухал эрхтэн юм. Арьсны өвчнийг эдгээхгүй удаавал биеийн дархлаа суларч халдварт өвчнөөр өвчлөх боломжтой болдог.

10. Батгатай хүүхдүүд батгаа нуух гэж маск зүүж, алчуур боож, үсээ урт ургуулж нүүрээ халхалдаг. Ингэснээр батга арилчихгүй. Ороолт, алчуур, масканд наалдсан идээ бээр арьсаар тархаж батгыг улам сэдрээдэг гэдгийг мартаж болохгүй. Ялангуяа зуны улиралд эрүүл агаарт гарч нар, салхиар биеэ чийрэгжүүлэх ёстой байтал өвөл, зунгүй битүү хувцас өмсөх нь буруу юм. Цээжээ ил гаргасан задгай хувцас өмсөхөөс ичих хэрэггүй.