Жирэмсэн үед хоол тэжээлийн хэрэгцээ өсөх нь эргэлзэхгүй юм. Жирэмсэн эмэгтэйн биеийн жин дунджаар 11 кг өсдөг. Долоо хоногт 230-460г-аар биеийн жин нэмэгдэхэд хэвийн гэж үздэг. Жирэмсэн эмэгтэйн хоногийн хоол хүнсний илчлэгийн хэрэгцээ 300 ккал-аар нэмэгдэх бөгөөд уураг, өөх-тос, нүүрс-ус, амин дэм ( A,D,E,C,B бүлгийн, фолийн хүчил), эрдэс бодис (калыш, фосфор, иод, төмөр, магни, цинк)-оор бүрэн хангагдсан байх ёстой. Хоол тэжээлийн дутагдлаас болж цус багадаж, уургийн дутагдалд орсноор жирэмсэн эх цус алдах, зулбах, дутуу төрөх, жирэмсний хордлогод орох, хүүхдийн өсөлт хөгжилтөнд муугаар нөлөөлөх нь элбэг байдаг.

  ба эмэгтэйчүүдийн эмч жирэмсэн эмэггэйн биеийн жин хэт ихсэхээс сэргийлж нүүрс-ус, өөх тосыг хэт хязгаарласнаас бие махбодийн илчлэгийн хэрэгцээг нөхөхийн тулд уургийн задрал явагдсанаар уураг, эсэг тэр ч байтугай даавар багасахад хүрдэг. Хоногийн хоолны илчлэг удаан хугацаагаар 1500 ккал-аас бага байснаар бие махбодид ус хуримтлагдаж эмч түүнийг буруу үнэлснээр хоолыг улам хязгаарлах нь алдаанд хүргэж болох юм.

Жирэмсэн эмэгтэйн мэдлэг, боловсрол, соёл, хүмүүжлийн түвшин дорой, амьдралын хангамж муугаас өндөр илчлэгтэй, эрдэс, амин дэм, уургаар баялаг, тохиромжтой хоол хүнс хэрэглэж чадахгүй байх явдал бий.

Жирэмсэн эмэгтэйн уургийн хэрэгцээ 50% өсдөг бөгөөд уургийг мах, загас, өндөг, сүү, тараг, аарц, бяслаг, вандуй, шош, овёсны гурил зэрэг бүтээгдэхүүнээс авдаг. Ялангуяа сүү, сүүн бүтээгдэхүүнийг жирэмсэн эмэгтэй өдөр бүр хэрэглэх ёстой.

Нүүрс ус, өөх-тос нь бие махбодийн илчлэгийн эх үүсвэр болдог бөгөөд эдгээр нь гурил, гурилан бүтээгдэхүүн, будаанууд, сахар, зөгийн бал, жимс, ногоонд их байдаг. Гэвч хөнгөн шингэцтэй нүүрс ус (сахар, гурил, гурилан бүтээгдэхүүн)-ийг хязгаарлана.

Цөцгийн тос, цөцгий, ургамлын тос нь жирэмсэн эхэд ашигтай нөлөөлдөг байхад хонь, үхэр, гахайн махны өөхийг ялангуяа жирэмсний II хагаст эрс хязгаарлах нь зүйтэй.

Жирэмсэн эмэггэйд ургийн араг ясыг бүрдүүлэхэд кальци, фосфор, цус төлжүүлэхэд төмөр, магни хэрэгтэй байдаг тул эдгээр эрдэс давсыг жимс, ногоо, мах, сүүн бүтээгдэхүүнээс авдаг. Жирэмсний хэвийн явцыг хангахын тулд давсыг хязгаарлаж, шингэний хэрэгцээ хоногт 1л-ээс хэтрэхгүй байх бөгөөд хавагнах хандлагатай бол 0,8л хүртэл багасгана.

Жирэмсэн үед амин дэмийн хэрэгцээ ихэсдэг бөгөөд аминдэм дутагдсанаас зулбах, дутуу төрөх, гаж хөгжил үүсэх аюултай. Ялангуяа А аминдэм дутагдвал ургийн өсөлт зогсож амьгүй төрөх явдал ч тохиолдож болох юм. Загасны тос, элэг, цөцгийн тос, өндөгний шар, лууван, улаан лооль, нохойн хошуу зэрэг хүнсний бүтээгдэхүүнд А аминдэм баялаг агуулагддаг.

В бүлгийн аминдэм дутагдсанаас төрөлтийн сулрал үүсэх аюултай. В бүлгийн амин дэм нь хар талх, дрожж, мах, элэг, хар, шар будаа, овёсны гурил зэрэгт ихээр агуулагддаг.

С аминдэм биеийн эсэргүүцлийг сайжруулдаг ба энэ нь хад, нохойн хошуу, даршилсан байцаа, нимбэг, исгэлэн алим, жүрж, гүзээлзгэнэ, бөөрөлзгөнө зэрэгжимс жимсгэнэд их агуулагддаг.

Д аминдэм нь ургийн яс бүрэлдэхэд оролцох бөгөөд загасны тос, өндөгний шар, загасны түрс, сүү, сүүн бүтээгдэхүүнд ихээр агуулагдана.

Е аминдэм нь ургийн хэвийн хөгжилд нөлөөлөх бөгөөд ургамлын тос, эрдэнэ шиш, вандуй, салат, мах, сүү, сүүн бүтээгдэхүүнд их байдаг. Иймээс жирэмсэн эмэгтэйн хоол хүнс нь нэг төрлийн биш байх ёстой бөгөөд өвөл, хавар шинэ жимс ногоо гараагүй үед   эмч нэмэлт аминдэм өгөх шаардлагатай.

Жирэмсний эхний хагаст зарим эмэгтэйчүүдийн хоолны дуршил муудаж дотор муухайрах, бөөлжих шинж илэрдэг бөгөөд энэ үед өглөө сэрмэгц орондоо хагас аяга хүйтэн ус уух нь зовиурыг хөнгөвчилнө. Жирэмсний эхний хагасын хордлоготой эмэгтэйчүүд нь ойр ойрхон бага багаар хооллож байх нь тохиромжтой. Жирэмсний 2-р хагаст ураг хурдан томорч элэг, бөөрний ачаалал ихэсдэг тул, хоолны дэглэмийг өөрчлөх хэрэгтэй болдог. Хоолноос халуун ногоо, гич, цуу зэрэг хурц амтлагчийг хасаж, шингэн ба давсыг хязгаарлах нь зүйтэй.

Жирэмсний сүүлийн сард өтгөн хатах хандлагатай байдаг тул өлөн дээрээ тараг уух, шинэ жимс, лууван, байцаа, манжингийн салат идэх, эсвэл аяга хүйтэн ус уухыг зөвлөнө. Туулгах эм савны агшилтыг ихэсгэдэг тул дур мэдэн хэрэглэхийг хориглоно.

Жирэмсэн эмэгтэй өдөрт 4-өөс доошгүй удаа хооллох хэрэгтэй. Жирэмсэн эх биеийн ариун цэврийг чанд сахих нь чухал. Учир нь хүний арьс амьсгалд оролцохоос гадна бодисын

27солилцооны зарим эцсийн бүтээгдэхүүнийг хөлстэй гадагшлуулж бөөрний ачааллыг багасгадаг. Иймд өдөр бүр бүлээн шүршүүрэнд орж, ширүүн алчуураар зүлгэж арчих ёстой. Жирэмсэн үед ууранд орох (саун) хориотой.

Шүршүүр нь мэдрэлийн тогтолцоог тайвшруулж, цусны эргэлт, амьсгалын сайжруулдаг тул төртлөө шүршүүрт орох нь ашигтай.

Орны цагаан хэрэглэлийг 7 хоногт 1 удаа, дотуур хувцсыг өдөр бүр солих ёстой. Ирээдүйн эхчүүд болон эмэгтэйчүүд хөхөө бэлтгэхэд онцгой анхаарах хэрэгтэй. Хөхөө еглөө, оройд бүлээн усаар угааж ширүүн алчуураар болгоомжтой хаттал арчих ба хэрэв хөхний толгой хавтгай буюу цааш татагдсан байвал гарынхаа хуруугаар хөхний толгойг татаж имэрч иллэг хийнэ.

Жирэмсэн эмэгтэй өдөрт 3-аас дээш цаг гадаа цэвэр агаарт гарна. Харин наран шарлага хийх нь тохиромжгүй. Жирэмсэн эмэгтэйн унтаж амрах өрөөг сайтар агааржуулж, 18-20° дулаантай байхаас гадна өрөөнд тамхи татахыг хориглоно.

Жирэмсэн эмэгтэй амархан ядардаг тул шөнө 8-аас цөөнгүй цаг, өдөрт 1 удаа унтаж, 1-1.5 цаг хэвтэж амарч байх нь зохистой. Жирэмсэн үед эмчийн зааваргүй эм хэрэглэхээс зайлсхийх хэрэгтэй. Ялангуяа антибиотик, стрептоцид, пирамидон, люминал, анальгин зэрэг эмүүдийг жирэмсэн үед их хэрэглэдэг бөгөөд эдгээр нь урагт эхээс дамжин орж, хуримтлагдан ургийн дотор эрхтнүүдийг гэмтээж, нярайн өвчин эмгэг үүсгэх аюултай.

Жирэмсэн үед тамхи татах ба согтууруулах ундааны зүйл хэрэглэж болохгүй.

Судалгаагаар 1 хундага дарс уухад 10-15’-ийн дараа ургийн цусанд илэрдэг нь тогтоогджээ. Энэ нь ургийн Төв мэдрэлийн тогтолцоо (ТМТ)-ны хөгжилд нөлөөлж цаашид хүүхдийн оюуны хөгжлийг хоцрогдоход хүргэхээс гадна умайг агшааж зулбаж болно.

Тамхи татдаг эхчүүдийн хүүхэд дутуу, бага жинтэй төрдөг нь нотлогдсон бөгөөд гэнэт шалтгаан тодорхойгүй нас барах тохиолдол байдаг.

Түүнчлэн ойр ойрхон жирэмслэх нь бие махбодийн тэжээлийн бодисын нөөцийг хомсдуулж үр удамд муугаар нөлөөлдөг.