Moderator: mgl_300
Эмэгтэйчүүд цүнхээ янз бүрээр барьж явдаг. Хэрэв та гярхай ажиглавал цүнхээ яаж барьснаар нь тэр бүсгүйг ямар хүн болохыг таньж чадна.
Цүнхээ тохойдоо өлгөсөн бол
Ингэхдээ гараа бүсэлхий хавьдаа шахсан байвал тэр бүсгүй эмх цэгцтэй, ухаалаг. Гэхдээ өөрийнх нь тухай бусад хүн таагүй зүйл ярихад эмзэглэдэг. Тиймээс өөрийгөө аятайхан авч явж чаддаг.
Цүнхээ мөрөндөө углаж, цүнхнийхээ оосроос барьж явдаг эмэгтэй зоригтой, хүчтэй, бас бэрхшээлээс зайлсхийж чаддаг. Яриа хөөрөөтэй, нийтэч энэ бүсгүй ганцаардлаас их айдаг.
Харин цүнхээ элгэндээ тэвэрч явдаг бүсгүй хүнд итгэдэггүй. Гэхдээ түүнийгээ нууж явдаг.
Гараа унжуулаад цүнхээ барьж явдаг бүсгүй
Тайван амгалан, юунд ч яарч адгадаггүй эмэгтэй гараа унжуулаад цүнхээ барьж явдаг. Цүнхээ мөрөндөө өлгөөд, гараа хөдөлгөөнгүй авч явдаг бол ичимхий бүрэг бүсгүй. Харин гараа хөнгөн хөдөлгөж явбал тэр бүсгүй хөгжилтэй, өөрийгөө үнэлдэг, бусдад таалагдаж, анхаарлыг нь татахыг хүсдэг байна.
Цүнхнийхээ өнцөгөөс барьж явдаг бол
Цүнхээ хаана ч хамаагүй орхиж явдаг зантай ч өөртөө итгэлтэй, бусдын санаа бодлыг төдийлөн анхаарч үздэггүй. Буруу ч байсан өөрийгөө зөвтгөж боддог эмэгтэйн илрэл.
Гоёмсог цүнхтэй бол
Ийм цүнхний эзэн өөрийнхөө гадаад байдалд их анхаардаг, цэмцгэр хүүхнүүд байдаг. Тэд ажлаа хийж байхдаа багагүй цагийг элдэв яриа, бусад зүйлд зардаг байна.
Оосоргүй жижиг цүнх
Маш олон янзын хэлбэр дүрстэй оосоргүй жижиг цүнх нь уруулын будаг, толь, түлхүүр зэргийг л багтаадаг. Энэ хязгаарлагдмал байдал нь эзнийхээ баригдмал зан чанарыг ч бас илэрхийлнэ.
Том цүнхтэй бол
Ийм цүнхэнд ажил хэрэгч, өргөн мэдлэгтэй, авьяастай, бүсгүйчүүд дуртай байдаг. Тэдний цүнх амархан онгойж, хаагддаг, багтаамж сайтайнхаа хэрээр олон зүйл агуулж чаддаг байна.
Зөв хэлбэрийн төв цүнхийг мөн л ажил хэрэгч эмэгтэйчүүд барьдаг. Гэхдээ тэд ажил төрлөө зугаа цэнгэлтэй хослуулж чаддаг. Бас даруухан, аятайхан хувцасладаг.
Цүнхээ сугандаа хавчуулж явдаг бол
Энэ нь дуугүй, бүрэг зантай бөгөөд тэр чанараараа төлөв даруу, сэтгэлийн хөдөлгөөнөө барьж чаддаг хүн болохыг илэрхийлдэг байна.
(HEREGLEE CH GANGARAA CH) |
Гоёл чимэглэл, гутлын дараа жагсдаг бүсгүй хүний хамгийн сайн нөхөр бол яах аргагүй цүнх. Гар утас, кредит карт, будаг шунх гээд бүсгүй хүний хэрэгцээ юу эс мундахав. Тэр бүхнийг агуулах цүнх хэмээгч эдлэл зориулалтаасаа хэдийнэ гажиж, нэр хүндийн баталгаа, гангараа хэмээх шинэ нэр зүүх болжээ. Тэгэхээр бүсгүйчүүдийг цүнхгүйгээр төсөөлж болно гэж үү? 1920-иод оноос моод гэгч статустай болсон цүнх эзнийхээ сэтгэл санааны байдал, хувийн онцлог, хэв маяг, зэрэг дэвийг нь ч илтгэх болжээ. Итгэх эсэх нь таны л хэрэг. Гэхдээ цүнх таны тарган, туранхай харагдахад хүртэл нөлөөлдөг. Тиймээс өөрт тохирсон хэлбэр, хэмжээ, загвар, өнгөтэй цүнхээ сонгоход тань тусалъя. Хэлбэрийг нь анхаар Урвуу хамаарал гэж та урьд нь сонсч байсан уу? Цүнхний хэлбэр сонгоход яг уг дүрэм үйлчилдэг. Жишээлбэл та өндөр туранхай бол цүнх тань уутан, гэхдээ дугуй хэлбэртэй байх ёстой. Ийм цүнх таны биеийн харьцааг тэнцвэржүүлж, зөв хэлбэртэй харагдуулдаг. Гэхдээ урвуу хамаарал бүх хүүхнүүдэд үйлчилдэггүй. Хэрэв та намхан, махлаг бол нарийн, урт цүнх барьснаар илүү махлаг харагддаг сөрөг талтай. Тиймээс өндөр, туранхай бүсгүйчүүдийн адилаар уутан цүнх бариарай. Ялангуяа зөөлөн бөс даавуу, эсвэл арьсан цүнх биеийн харьцааг тань тэнцүүлдэг. Харин дугуй загвартай цүнхнээс аль болох татгалзаарай. |