Та бүгдэд энэ өдрийн мэндийг хүргэе. Сэлэнгэ аймгийн Баянгол, Мандал сумын нутаг Их даширын хөндий дэх Бороогийн уурхайн ажилчид 15 жилийн төлөвлөгөөт ажлыг 6 жилийн дотор биелүүлэн баялгийг бүтээсэн, мөн уурхайн нөөц дуусаж байгаатай холбогдуулан нөхөн олговорын талаар компанийхаа удирдлагатай хэлэлцээд 6 сарын хугацаа өнгөрч байна. Ажилчид канад удирдлагуудтайгаа зөвшилцөлд хүрнэ гэдэгтээ найдан монгол хүний уужуу сэтгэлээр хандсаар, 2009-05-26-ны 11.00 цагт ажил хаялт хийн өнөөдөр 12 дахь өдрөө, 11 хүн өлсгөлөн зарлаад 105 дахь цаг дээрээ явж байна. Бид хэвлэл мэдээллийн байгууллагад өөрсдийн боломжийн хэмжээнд хандаж байгаа бөгөөд газар дээрээс нь бодит мэдээлэл авахаар ирсэн сэтгүүлчдийг уурхайн талбар руу нэвтрүүлэхгүй байгаа нь бидний энэхүү тэмцлийг олон түмэнд хүргэхгүй байх улмаар саармагжуулах гэсэн мөн сэтгүүлчдийн эрх ашгийг ноцтойгоор зөрчсөн компанийн явуургүй бодлого гэж бид үзэж байна.

Энэ асуудал бол зєвхєн Бороо Гоулдын 600 гаруй монгол ажилчны эрх ашгийг хєндсєн асуудал нэгэнт биш болж, Монгол хүний эрх ашиг, монголын ажилчид, уурхайчдын ирээдүйн эрх ашиг, монгол хүнийг үнэлэх үнэлэмжийн асуудал гэдгийг єнєєдєр монгол хүн бүхэн ярьж байна. Бороо гоулд компани нь монгол хүний хийсэн хєдєлмєрийг чухам яаж үнэлдэг вэ?

Энэ асуултанд хариулахын тулд би ганцхан жишээ дурдъя. Монгол инженер, геологич, эдийн засагч, санхүүч гээд л єндєр боловсролтой, гадаад хэлний єндєр чадвартай бүхэл бүтэн хэлтэс, албадыг хариуцан удирдах ажил хийж єндєр хариуцлага үүрч яваа залуус маш олон бий. Эдгээр хүмүүсийг хэдэн тєгрєгєєр цалинжуулдаг юм бол? Гэтэл бохирын сантехникч нэгэн гадаад залуу бохирын бєглєєс гаргасныхаа тєлєє 5 сая тєгрєгний цалин аваад явж байх юм. Би заримдаа боддог л доо, цалин мєнгєє нэмүүлэхийн тулд яах ёстой вэ? Хэн ч бодсон ажлаа сайн хий л гэж хэлэх байх л даа тэгвэл үүнээс ч хялбар арга байна шүү дээ. Ажлаа сайн хийгээд яах юм бэ? Хэн биднийг үнэлэх юм бэ? Бид чинь монгол юм чинь тэрний оронд гадаадын иргэн болчихвол харин цалин маань шууд нэмэгдчих юм биш үү? гэж. Бид нэгдэж нийлэн тэмцэж чадвал заавал ялах болно.

Бидэнд ялахаас єєр ямар ч сонголт байхгүй. Энэ тэмцэл бол зєвхєн мєнгєний тєлєє тэмцэл биш өвөг дээдсээс минь өвлүүлж үлдээсэн баялгийг монгол хүн өөрсдөө ашиглах, улмаар шударгаар хувь хүртэхийн төлөөх тэмцэл юм шүү. Монгол ард түмэн минь бидний тэмцлийг дэмжиж, Бороо Гоулд шиг гадаадын мөлжигчдийн эсрэг нэгдэцгээе. Тэмцэл маань үр дүнд хүрэхгүй бол Монголчууд эх орныхоо бүх баялагыг гадаадыханд өгөөд магадгүй үеийн үеийндээ өлсгөлөн, ядуурал, өнөөх л шудрага бус байдалд амьдрах тийм л саарал ирээдүй хүлээж байгааг үгүйсгэх аргагүй юм. Иймд ажилтай, хүн шиг цалинтай байх гэсэн Бороо гоулдын ажилчдын хийж буй тэмцлийг дарж нухчиж, доромжилж буй Канад /гадаадын хөрөнгө оруулалттай компаниудын захирлууд/-ын эсрэг хамтдаа тэмцэе!!! Сэтгүүлчдэд хандаж үнэн бодит мэдээллийг олон нийтэд, эх орондоо, ард түмэндээ хүргээч гэж уриалж байна. Бид Бороогоос 48 мянган айлын орон сууц барихтай тэнцэх хэмжээний алтаа Канадуудад зүгээр өгсөн.

Харaмсалтай нь төр засгийн буруугаас ард түмэн түүнээс хувь хүртэж чадсангүй. Тэгвэл ядаж цөөхөн ч болов ард түмний төлөөлөл болсон, жинхэнэ баялгийг, хүнд буулгын дор хөлс хүчээрээ бүтээсэн Бороочуудаа дэмжъе! "Нөхрийн хэрэг бүтвэл өөрийн хэрэг бүтдэг" гэсэн сайхан сэтгэлээр дэмжъе! Монгол хүн гадаадад ч хамгийн бага цалин авдаг, дотоодоо ч хамгийн бага цалин авдаг шоовдорлогдсон амьдралыг халахын төлөө дэмжъе! "Эвт шаазгай буга барьдаг"-ын үнэнийг батлан, тэмцлийг нь амжилтанд хүргэхийн төлөө Бороочуудаа дэмжицгээе. Монголчуудаа!!!

Үнэн шударгын төлөө тэмцэл амжилтанд хүрэх нь дамжиггүй. Бидний тэмцлийг дэмжиж буй хүмүүс эв нэгдлээ илэрхийлж албан бичиг, дэмжсэн захидлаа <SCRIPT language=JavaScript type=text/javascript> \n </SCRIPT> bgc.tradeunion@centerragold.mn <SCRIPT language=JavaScript type=text/javascript> </SCRIPT> Энэ имэйл хаяг халдлагаас хамгаалагдсан. Та JavaScript -ээ идэвхижүүлж байж харах боломжтой <SCRIPT language=JavaScript type=text/javascript> </SCRIPT>

; <SCRIPT language=JavaScript type=text/javascript> \n </SCRIPT> bgc.mn@rambler.ru <SCRIPT language=JavaScript type=text/javascript> </SCRIPT> Энэ имэйл хаяг халдлагаас хамгаалагдсан. Та JavaScript -ээ идэвхижүүлж байж харах боломжтой <SCRIPT language=JavaScript type=text/javascript> </SCRIPT>   хаягаар илгээнэ үү. Хөдөлмөрийн хүний төлөөх тэмцлийн үйлс ариун байх болтугай.