Сэтгэлдээ сэтгэл багтааж ядсан
Сайн хархүү, сайхан бүсгүй
Нарны зүг тэмүүлэх навч, цэцэг
Насаараа хайсан дулаан .
Өдрийн нар саранд тольдоход
Өвгөрсөн хугацаа үүрээр санаа алдаад ч
Салаалсан зөргөөр зөрж алхаад ч
Санасанаа дахин харахгүй нь дээ .
Өглөө бүр адил юм шиг ч үл давтагдана
Өөртөө л юм чинь бүгдийг хармал.
Замба тивийн сар нь манхайн мандав ч
Заавал дагаад толбо нь тодхон гэрэлтэнэ
Хүний хүнд хоргодож, хордсон нас ч
Хүссэн хүсээгүй хаяад арилна хорвоог
Орсон бороо зогсохгүй удав ч зогсож л таараа
Оройтсон зочин явахгүй хонох вий дээ
Сэтгэлээ сэтгэлд нь багтааж яд даа
