Амьдрал эрэн тэмцэж буй, алаг үрд минь

          Нас  хайрлаач хүмүүс минь ээ

Эрүүл саруул, элэг бүтэн эгэл жирийн амьдралтай бүсгүй би тосоод ирэх хоёр сайхан хүүтэй билээ. Бага хүү  Г.Үлэмжбилгүүн минь зургаахан настай. Хүү минь дандаа Бэтмен болно гэж ярьдаг, тоглохдоо ч өөртөө байгаа хувцасаа өмсөн бэтмен гээд энд тэндгүй гүйж харайж, дуу шуутай явдагсан, харин одоо эмнэлэгийн орон дээр амьдрал горьдон хэвтэж байна. Тэр минь тархины хорт хавдартай гэсэн онош гарч, Монголд эмчлэх боломжгүй учир бид БНСУ-ыг тэр дундаа Сөүлийн их сургуулийн хүүхдийн эмнэлэгийг зорин ирсэн юм.

Буянт эмч нар хүүгийн минь хавдрыг авч, зургаан цаг болдог хагалгаа 14 цаг үргэлжлэхэд хүү минь ажрахгүй даваад гарсаан. Тархин доторхи хавдрыг авахаар толгойд нь усан хаван тогтдог бөгөөд үүнийг гуурсаар соруулж авахын зэрэгцээ үлдсэн хэсэг нь биед нь шингэн орох ёстой аж. Харин хүүгийн минь бие мах бодь усан хавангаа шингээж чадахгүй байсан учир ойрмогхон дахиж дурангийн хагалгаа хийлгэн онц сайн гэсэн үнэлгээтэйгээр (….. хэзээ...............) өндөрлөсөн. Хэрэв уг хагалгаа амжилтгүй болсон бол хэвлийн хөндийгөөрөө нэвт гарсан гуурсыг насан турш зүүж явах байж. Ийн дараалан хийсэн хоёр хагалгааны төлбөр нийт 60 гаруй сая вон болсон юм. Хагалгаа хийсэн эмч энэхүү хагалгааг үнэ төлбөргүй хийж өгсөн бөгөөд одоо хагалгааны дараах эмчилгээний зардал болох 30 сая воныг Сөүлийн их сургуулийн эмнэлэг нэхэмжилж байгаа билээ. Мөн цаашид туяаны болон шинэ гарсан эс шилжүүлэн суулгах гэсэн хоёр эмчилгээний аль нэгийг  хийх шаардлагатай гэж бидэнд хэлсэн. Химийн буюу туяаны эмчилгээ 40 сая вон, харин эс шилжүүлэн суулгах эмчилгээ 100 сая орчим вон болох юм билээ. Эмч нарын хэлснээр эс шилжүүлэн суулгах эмчилгээ нь зуун хувийн үр дүнтэй бөгөөд , хүү минь ч эрүүл саруул болох бүрэн баталгаатай гэсэн юм.

Яг өнөөдөр бидний гар дээр 10 сая вон байна. Хүүгийн минь эмчилгээний зардлын эхний хэсэг болох 30 сая воныг ч төлж хүрэхгүй нь. Дээр нь дараа дараагийн эмчилгээний зардал... 

Эрхэм хүмүүн таниас би хүүгий минь авраач хэмээн зүрх сэтгэлээсээ гуйж байна. Таны өгсөн авралын гар хүүд минь амьдрал ирээдүй бэлэглэх болохоор таныг бид насан туршдаа ачтан мэт санан сэтгэлдээ тээж явах болно. Өдий болтол үхэл амьдралтай тэмцэж ирсэн бяцхан үрийг минь авраач дээ. Би сөгдөн гуйя, одоо зөвхөн эмчилгээ л хийлгэчихэд хүү минь хөл дээрээ босох гээд байна. Бидэн туслаач ах дүү нар минь...таныг бурхан өршөөг

Өнөөдрийг хүртэл бидэнд элэг нэгт Монголчууд минь тусалсаар ирсэн ч аргагүй хүчин мөхөсдөж буйг минь ойлгооч хэмээн гуйж байна. Та бүхнийг хүндтэгэсэн Үлэмжбилгүүний гэр бүлийхэн...баярлалаа, дахин дахин чин сэтгэлийн угаас баярлалаа

МАРГААШИЙН ТӨЛӨӨ - БИД ХАМТДАА