ээждээ зориулж би эрдэнийн алтан зүүлт урлая
энэлж өвдсөн ч үхэлгүй дуусгах эгэлгүй үнэтэй билэг урлая
сонгодог яруу үгсийг шижир болтол тунгааж
сонин уран хийцтэй энгэрийн зүүлт урлая
жирийн хар үгсийг сэтгэл гялбатал өнгөлж
жижигхэн олон талсттай алмаз болгон шигтэгэе
шижир алтаар урлаж алмаз шигтэгсэн зүүлтийг
шинжиж үзээд та нар жинхэнэ гэж баталвал
энэ гайхамшигт зүүлтээ ээждээ зүүж өгөөд
эрхэмсэг бардамаар өөрийгөө найрагч гэж зарлая
ингэж урлаж чадахгүй бол ээждээ өртөи амьдарая
эрхлүүлж өөрийгөө жаргаасан шүлэгч хэвээрээ үлдэе
Өөдгүй зантай хүний өөлсөн үгэнд гомдовч
Өнгө мөнгө дутаж өөрчилж солимоор санагдавч
Өөдрөг эхэлсэн ажлаа үргэлжилүүлж заавал дуусга
Өөрөө өөрийхөө мөрөөдөлөөс урваж битгий амьдар
muzz buuz
