хөөрхөн бүсгүйд шүлэг зориулья
хөгжилтөи бичих үү гунигтай бичих үү
үзэсгэлэнтэй бүсгүйг чамд магтая
үнэнийг бичих үү сониныг бичих үү
сайхан бүсгүй хөөрхөн нүдтэй
                          ИЙМ Л БАЙДАГ
хөөрхөн нүдээрээ ертөнцийг хардаг
                         ЭНЭ МЭДЭЭЖ
харахдаа харин харуусаж хардаг бол
                        ХҮМҮҮСТ СОНИН
харамсалын нүдэндээ нулимстай бол
                         БҮҮР СОНИН
алдрай бүсгүй ариухан гартай
                        ИЙМ Л БАЙДАГ
ариухан гараараа хоол хийдэг
                         ЭНЭ МЭДЭЭЖ
амжиж бас амрагаа тэвэрвэл
                        ХҮМҮҮСТ СОНИН
амраг нь тэгээд нууц бол
                          БҮҮР СОНИН
зуун залуу түүнд дурлана
                        ИЙМ Л БАЙДАГ
зугтааж явахдаа бүсгүй төөрнө
                        ЭНЭ МЭДЭЭЖ
гүйж олоод үгээ мартвал
                      ХҮМҮҮСТ СОНИН
гүйцэлгүй үлдээд амиа хорловол
                        БҮҮР СОНИН
туяхан бүсгүй турьхан хөлтөи
                       ИЙМ Л БАЙДАГ
турьхан хөлөөрөө хорвоог туулна
                       ЭНЭ МЭДЭЭЖ
туулах зам нь туждаа өргөс бол
                       ХҮМҮҮСТ СОНИН
туучиж гарахдаа бүдэрч унавал
                              БҮҮР СОНИН