амь амьдралаа багтаасан зорилгооо биелүүлээд би
алс холын аянаас хүлгийн жолоо татнаа
сэмэртэл санасан сэтгэл минь цас болон будрах
сэмжин цагаан өвлөөр нутагаа би зориноо
жавартай хүйтэнч өөрийн нутагтаа
жаргал дагуулаад удахгүй очиноо
өрөвдүүлж ганцхан таньдаа л ярих
үгээ өвөртөлөөд ээждээ очиноо

ирээдүйн жаргалыг багтаасан  мөрөөдөлөө биелүүлээд би
энэ холын аянаас хүлгийн жолоо татнаа
санаж бэтгэрсэн сэтгэл минь салхи болон исгэрэх
сайхан цэнхэр хавраар нутагаа би  зориноо
хамгийн анхны цэцгийг дагуулаад
хариж би нутагтаа очиноо
хадгалаж ганцхан танидаа л зориулах
хайраа өвөртөлөөд ээждээ очиноо

уужуу алсыг багтаасан хүслээ биелүүлээд би
урт холын аянаас хүлгийн жолоо татнаа
уярч санасан сэтгэл минь бороо болон шаагих
улиралын сайхан зунаар нутагаа би зориноо
учирал баярын солонго дагуулаад
удахгуй би нутагтаа очиноо
уйлж хайрлаж танийгаа санасан
ухааралаа өвөртөлөөд ээждээ очиноо

үр хүүхэдээ багтаасан мөрөөдөлөө биелүүлээд би
үргэлжилэх холын аянаас хүлгийн жолоо татнаа
өмөртөл санасан сэтгэл минь навч болон хийсэх
өрмөн шаргал намраар  нутгаан би зориноо
гийх алтан нарыг дагуулаад
гэртээ би удахгүй очиноо
гэгэлзүүлж хүлээлгэж танийгаа зовоосон
гэмшилээ өвөртөлөөд ээждээ очиноо