Энгvй тал нутагт гэнэ.

Эзэн Чингэсээрээ нvvр тахалсан
Ээдрээт цєєн ардууд байх.
Тєрєє єєрсдєє сонгож
Тєєргєє тэднээр шийдvvлнэ...

Тавилан шийдэгчид нь будлиу
Толгой нь мєнгєєр цэнэглэгдэнэ
Эх орныхоо тєлєє тэд
Энхрий биеэ гамнана

Энэхэн бие минь хангалуун байвал
Эгнэгт бусад нь болно хэмээнэ
Энэ хувирашгvй vзлээ
Эрээчих хуульдаа мухарлана

Орчин vеийнхээр босс
Орхигдсон тvvхээр хаан
Одоо цагийн тэргvvлэгч гэж
Онцын нигууртай хvн бий.

Хэлсэн vг нь єндєр тул
Хэц дамжаад хvрэхгvй
Хийдэг ажил нь тодорхой
Хэнхдэг цоолон, гар атгагч

Уул нь - vг нь хууль юм
Ухаж тайлбарлавал зарлиг юм
Атгахан ардын сvлд юм
Аанай л бидний тавилан юм

Даанч хаан будлиу
Доодох хэддээ муриа
Хийсэн, ярьснаа санах нь тааруу
Хэн нэгнийг сэрдэх нь ядруу

Нам гэх тєєрєгт итгэнэ
Там гэмээр амьдрал амлана
Эртний судрын Дову мэргэн шиг
Эргэх орчлонг ирээдvйтэй нь мэргэлнэ

Хотны хэдэн хонь хєєрхий
Хоточ нохойнд итгэхээ эргэлзэнэ
Ходоод гэдэс хоол нэхэх ч
Хашааны цаадах євсийг л мєрєєднє

Хашаатай хоньд уул нь цоглог
Хатуужсан идэр насныхан дийлэнх
Хамтын хvчээр хашааг цємлєх
Хангалттай эрч тэдэнд бий...

Vлгэр хэрхэн тєгсєхийг
Vнэндээ би мэдэхгvй
Vлгэн салган амьдарвал харин
Vлгэр жаргахгvйг та мэднээ.