Халхийн уудам тэнгэрт
                     Хаан наран эрхлэнэ
                     Xаш цагаан үүлтэй
                     Нуугдаж тоглож эрхлэнэ
                     Гүн цэнхэр тэнгэрт
                     Гүнж саран эрхлэнэ
                     Одой бяц хан ододтой
                     Ойртож холдож эрхлэнэ

                           Тааваараа жаргалтай эх нутагт минь
                           Танхил саран хээр хонож эрхлэнэ

                    Өлгий тэнүүн мандалд
                    Өрлөг уулс эрхлэнэ
                    Өдөн цагаан манантай
                    Өнжиж хонож эрхлэнэ
                    Цэв цэнгэг мандалд
                    Цэмцгэр манан эрхэлнэ
                    Тэргүүн өндөр уулсад
                    Титэм өмсгөж эрхлэнэ

                                      Бүлээн жаргалтай эх нутагт минь
                                      Бүсгүй манан уул тэвэрч эрхлэнэ

                   Монголийн уудам талд
                   Морин зэргэлээ эрхлэнэ
                   Хатир хатир салхитай
                   ханисаж тоглож эрхлэнэ
                   Номин ногоон талд
                   Ноён салхи эрхлэнэ
                   Илбэч зэргэлээнд дурлаж
                   Ижилсэж наадаж эрхлэнэ

                         Дураараа жаргалтай эх нутагт минь
                         Дурдан салхи газар үнсэж эрхлэнэ