МҮХАҮТ-аас Монгол Улсын Засгийн газартай хамтран  жил бүр шалгаруулдаг “ТОР-100 аж ахуйн нэгж”-ийн  найм дахь удаагийн шалгаруулалтыг хийж дуусгажээ.  

2001 оноос эхлэн уламжлал болгон  явуулж буй уг шалгаруулалтын цар хүрээ жил ирэх тутам нэмэгдэж  ТОР-100-д багтах нь нэр хүндийн асуудал болж байгаад тус шалгаруулалтын  ач холбогдол оршиж байгаа талаар зохион байгуулагчид ярьж байна.

2008 оны шалгаруулалтын нэг онцлог нь хэдийгээр дэлхий нийтийг хамарсан эдийн засаг, санхүүгийн хямрал манай бизнес, эдийн засагт нөлөөлсөн ч гэсэн манай бизнесийн салбарынхан өмнөх оныхоос дутахгүй амжилт гаргаж ололтоо бататгасан явдал байжээ.

Эдийн засаг, бизнес улам бүр өргөжин тэлж аж ахуйн нэгжүүдийн эдийн засагт оруулах  хувь нэмэр өсч байгааг харгалзан 2005 оноос эхлэн ТОП-100-тай өрсөлдөхүйц хэмжээнд үйл ажиллагаа явуулж байгаа улс орны эдийн засаг, бизнесийн хөгжилд тодорхой хувь нэмэр оруулж буй 50 аж ахуйн нэгжийг шалгаруулдаг билээ.  Ингэснээр эдгээр компанийн үйл ажиллагааг дэмжих, олон нийтэд таниулах замаар тэдний ололт амжилтыг сурталчлан дэмжих, дараа дараагийн жилд ТОР-100-д багтахын төлөө улам эрчимтэй ажиллах идэвхи санаачлагыг нь өрнүүлэх зорилт тавьсан болно.  

Түүнчлэн уламжлал ёсоор ТОР-5 банк, ТОР-5 ББСБ-ыг шалгаруулсан ба 2008 оны ТОР аж ахуйн нэгжүүдэд  өргөмжлөл гардуулах ёслолын ажиллагаа маргааш МҮХАҮТ-ын байранд  болох юм байна.    

Та хүснэгтээс шилдэг аж ахуйн нэгжийн жагсаалтыг харна уу.

2008 оны ТОР-100 аж ахуйн нэгж



2008 оны “ТОР-100-д өрсөлдөгч 50” аж ахуйн нэгж



2008 оны ТОР-5 Банк



2008 оны ТОР-10 ББСБ