Энэ он гарсаар Монгол улсын хэмжээнд нийт 33 удаагийн ой хээрийн түймэр гарснаас, өчигдөр 11 түймэр шинээр гарч, өнөөдөр өглөөний 07 цагийн байдлаар гурван аймгийн нутагт долоон түймэр асч, дөрвөн аймгийн нутагт таван түймрийг цурманд оруулан, бусад түймрийг бүрэн унтраасан байна.

Асч буй түймэр:
-Сэлэнгэ аймгийн Алтанбулаг сумын нутаг, “Шарвагтай” гэдэг газар /Уртраг-107⁰0^/29.24^// Өргөрөг-50⁰6^/23.69^// / өчигдөр шөнийн 02:10 цагийн үед гарсан ойн түймрийг унтраахаар аймгийн Онцгой байдлын газраас 25 албан хаагч, сум 42 хүн, нийт-67 хүн ажиллаж байна. Түймэр гарсан газар хүчтэй салхи / 18-21м/с / салхилж байгаагаас түймрийг унтраахад хүндрэлтэй, түймрийн талбай газар авч, тархаж байгаа аж.

Цаг уурын хүрээлэнгийн Мэдээлэл тооцооны төвөөс ирүүлсэн сансарын зургаар түймрийн талбай 2009.04.08-ны 13:35 цагийн байдлаар 35х7 км-ийн талбай хамарсан байна. Түймрийн хойд зах  буюу “Шаравтайн харуулын байрнаас баруун талаар урагшаа явж, зүүн зах нь “Шаравтайн харуулын байрнаас Дүгрээгийн харуулын байр хүртэл унтарсан, зүүн урд зах буюу “Ар-гуут” гэдэг газар хүрч асч байна.

-Сэлэнгэ аймгийн Хүдэр сумын нутаг, /Уртраг-107⁰30^/15.66^// Өргөрөг-49⁰46^/8.35^// “Билчир” гэдэг газар 2009.04.07-ны өдөр гарсан түймрийн цурамнаас 2009.04.08-ны өдөр түймэр алдагдаж, “Шоргоолжны гол” гэдэг газар луу асч байна. Ой хээрийн түймрийг унтраахаар аймгийн Онцгой байдлын газраас нэг автомашин 10 алба хаагч, сум, орон нутгаас дөрвөн автомашин, нэг мотоцикль 60 хүн ажиллаж байна.

-Сэлэнгэ аймгийн  Хүдэр сумын нутаг, / Уртраг-107⁰30^/19.5^// Өргөрөг-49⁰46^/8.35^// / “Найман гүүр” гэдэг газар 2009.04.07-ны өдөр гарсан түймрийн цурамнаас 2009.04.08-ны өдөр түймэр алдагдаж, “Нарийн хөндий” гэдэг газар луу асч байна. Ой хээрийн түймрийг унтраахаар сум орон нутгаас 4 автомашин 120 гаруй хүн ажиллаж байна. 

-Сэлэнгэ аймгийн Баянгол сумын нутаг, “Ар зүрх” гэдэг газар 2009.04.08-ны өдөр гарсан 10 га талбай хамарсан ой хээрийн  түймэрт аймгийн Онцгой байдлын газрын Баруухараа дахь Аврах, гал унтраах 40-р ангиас 2 автомашин 28 алба хаагч, сум орон нутгаас 2 автомашин, 25 хүн ажиллаж байна.

-Булган аймгийн Сэлэнгэ сум, Сэлэнгэ аймгийн Түшиг сумдын зааг нутаг, / Уртраг-104⁰31^/17.44^// Өргөрөг-50⁰3^/46.06^// / “Бүтээлийн нуруу”-нд 2009.04.07-ны өдөр Цаг уурын хүрээлэнгийн Мэдээлэл тооцооны төвийн сансарын зургаар илрүүлсэн ойн түймрийг унтраахаар Булган аймгийн Онцгой газрын Хангал сумын Хялгант тосгон дахь Аврах, гал унтраах 50-р ангиас 19 алба хаагч, 2 автомашин, Сэлэнгэ аймгийн Түшиг сумын Засаг дарга ахалсан 1 автомашин 12 хүн явсан байна. Одоогоор ямар нэгэн мэдээлэл алга байна.

-Төв аймгийн Батсүмбэр сумын нутаг, “Хавчуу” гэдэг газар 2009.04.08-ны өдөр Цаг уурын хүрээлэнгийн Мэдээлэл тооцооны төвийн сансарын зургаар илрүүлсэн ойн түймрийг унтраахаар аймгийн Онцгой байдлын газраас 2 автомашин, 17 алба хаагч, сум орон нутгаас 3 автомашин, 52 хүн ажиллаж, 2х2км-ийн талбай хамарсан ойн түймэр гарч байсныг унтрааж байна. 

-Төв аймгийн Эрдэнэ сумын нутаг, “Бүрэнхаан” гэдэг газар 2009.04.08-ны өдөр Цаг уурын хүрээлэнгийн Мэдээлэл тооцооны төвийн сансарын зургаар илрүүлсэн ойн түймрийг сум орон нутгаас хүн явуулж шалгуулж, одоогоор мэдээлэл ирүүлээгүй байна.

Сэлэнгэ аймагт гарсан ой хээрийн түймрийн цагийн байдлын талаар аймгийн Онцгой комисс хуралдаж яаралтай арга хэмжээнүүдийг авч ажиллаж байна.  

Нийслэлийг түймрийн утаа бүрхэв
Өчигдөр Төв аймагт гарсан түймрийн утаа нийслэлд орж ирсэн. Нийслэл рүү утаа нь орж ирж байсан Төв аймгийн Баянчандмань сумд гарсан түймрийг цурманд оруулаад байгаа юм байна.

Цурманд орсон түймэр:
-Сэлэнгэ аймгийн Орхонтуул сумын нутаг, “Онгоны ар“ гэдэг газар 2009.04.08-ны өдөр ой хээрийн түймэр гарсныг унтраахаар аймгийн Онцгой байдлын газрын Хөтөл дахь Аврах, гал унтраах 61-р ангиас 1 автомашин 14 алба хаагч, орон нутгаас 5 автомашин 2 мотоцикль  33 хүн ажиллаж байна.

-Төв аймгийн Баянчандмань сумаас баруун тийш 12 км-т, “Доргонтын ам” гэдэг газар 2009.04.08-ны өдөр 10га хээрийн түймэр гарч мод руугаа орж байна гэсэн мэдээллийн дагуу сумаас 40 хүн 4 автомашин, нийслэлийн Онцгой байдлын газрын Аврах, отрядоос 5 алба хаагч 1 автомашинтай,

-Төв аймгийн Цээл сумаас зүүн тийш 28 км-т, “Зөөхий ухаа” гэдэг газар 2009.04.08-ны өдөр хээрийн түймэр гарсаныг унтраахаар сум орон нутгаас 1 автомашин 12 хүн,

-Булган аймгийн Хутаг Өндөр сумын нутаг, / Уртраг-102⁰47^/  Өргөрөг-49⁰34^/ / “Цагаан бургастайн давааны ард Ар цагаан” гэдэг газар 700 орчм га талбай хамарсан ой хээрийн түймрийг  ОБХ-ээс 11 алба хаагч пургон автомашинтай, орон нутгаас 35 хүн 3 автомашин,

-Ховд аймгийн Мянгад сумын нутаг, / Уртраг-91⁰44^/09^// Өргөрөг-40⁰21^/47^// / “Худагтийн цол” гэдэг газар 2009.04.07-ны өдөр 30 га орчим талбай хамарсан хээрийн түймэр гарсаныг сумын Засаг даргын Тамгын газрын дарга ахалсан 1 автомашин 40 хүн, аймгийн Онцгой байдлын хэлтсээс 12 алба хаагч ажиллаж тус тус цурманд оруулан, бүрэн унтраахаар ажиллаж байна.